Daniel 5:23 - CHUYA QELLQA La Biblia en Quechua de Ayacucho 2012

²³ Aswanraqmi qamqa hanaq pachapi kaq Diospa contranpi hoqarikurqanki. Templonpi vasokunata aparachimuspaykim ancha reqsisqa runaykikunawan, warmikikunawan hinaspa churiwachaykikunawan, chay vasokunapi vinota upyakuchkankichik. Hinaspam qollqemanta, qorimanta, broncemanta, fierromanta, kullumanta, rumimanta idolokunata yupaycharqanki. Chay idolokunaqa mana qawakuqmi, mana uyarikuqmi hinaspa mana ima musyaqmi. Kawsachisuspayki tukuy ruwasqaykita nanachikuq Diostam ichaqa mana yupaycharqankichu.

Quechua Ayacucho Bible 1987

²³ Ichaqa aswanraqmi hanaq pachapi kaq Señorpa contranpi hoqarikurunki. Qamqariki paypa templonpi vasokunatapas aparachimuspaykim ancha reqsisqa runakunawan, warmikikunawan hinaspa churi wachaykikunawan vinota upyakuchkanki chay vasokunapi. Hatunchachkankichiktaqmi qollqemanta, qorimanta, broncemanta, fierromanta, kullumanta hinaspa rumimanta taytachaykichikkunatapas. Chay taytachakunaqa mana qawakuqmi, mana uyarikuqmi hinaspapas mana ima musyaqmi, kawsachisuqniki hinaspa tukuy rurasqayki controlaq Diosmanmi ichaqa mana graciasta qorqankichu.

Chuya Qellqa 1992

²³ Aswanraqmi qamqa hanaq pachapi kaq Diospa contranpi hoqarikurqanki. Templonpi vasokunata aparachimuspaykim ancha reqsisqa runaykikunawan, warmikikunawan hinaspa churiwachaykikunawan, chay vasokunapi vinota upyakuchkankichik. Hinaspam qollqemanta, qorimanta, broncemanta, fierromanta, kullumanta, rumimanta idolokunata yupaycharqanki. Chay idolokunaqa mana qawakuqmi, mana uyarikuqmi hinaspa mana ima musyaqmi. Kawsachisuspayki tukuy ruwasqaykita nanachikuq Diostam ichaqa mana yupaycharqankichu.

Daniel 5:23 Iomraidhean Croise

Génesis 14:19

Paymi Abramta bendecispan nirqa: Abram, kay pacha hanaq pacha unanchaq Diosyá bendecisunki.

Génesis 2:7

Chaymantam runata ñutu allpamanta Tayta Dios ruwarqa, hinaspam kawsachiq samayta senqanpi pukuykuptin kawsaq runaña rikurirurqa.

2~Reyes 14:10

Edom nacionta venceruspaykim hatun tukuqllaña rikurirunki. Chaynaqa, chaywan alabakuspaykiyá hawkalla wasikipi kakuy. ¿Imapaqtaq peleaq yaykuyta munanki qampas, Judá nacionpas sasachakuypi kanaykichikpaq? nispa.

Jobwan Sutichasqa Libro 12:10

Diospa makinpim llapallan kawsaqkunapa vidanqa kachkan, paypa makinpitaqmi llapallan runakunapa espiritunpas kachkan.

Jobwan Sutichasqa Libro 31:4

¿Manachum Diosqa imayna purisqayta qawachkan? ¿Manachum Diosqa ichisqaykunatapas yupachkan?

Proverbios 20:24

Runataqa Tayta Diosllam maymanpas pusan, manam pipas yachakunchu imayna tukuruytapas.

Isaías 13:11

Tayta Diosmi kaynata nin: Kay pachapi runakunatam huchankumanta castigarusaq, mana allinkuna ruwaq runakunatam castigarusaq. Hatun tukuqkunapa hatunchakuynintam tukurusaq, munaychakuspa pay tukuqkunatam kumuykachachisaq.

Isaías 14:13

Qanmi sonqoykipi nirqanki: Ñoqam hanaq pachaman qespirusaq, Tayta Diospa chaskakunapa altonpim tiyanayta churamusaq, norte lawman rispaymi tiyamusaq, dioskunapa huñunakunanku orqopim tiyamusaq.

Isaías 2:12

Tukuy Atiyniyuq Tayta Diospa punchawninmi hamuchkan, hatun tukuqkunata uchuychananpaq, hatunchakuqkunata tuñichinanpaq;

Isaías 33:10

Tayta Diosmi kaynata nin: Kunanmi ñoqa hatarisaq, kunanmi ñoqa hatunchasqa kasaq, kunanmi ñoqa alabasqa kasaq.

Isaías 37:19

Idolonkutapas ninamanmi wischuykurqaku, runakunapa kullumanta rumimanta ruwasqan kasqanraykum chaykunataqa chinkarachirqaku. Cheqaptapunipas chaykunaqa manam dioschu.

Isaías 37:23

¿Pitataq kamirqanki? ¿Pitataq ñakarqanki? ¿Pitataq kutiparqanki? ¿Pitataq hatunchakuspa qawarqanki? ¡Israelpa Chuya Diosninpa contranpim chaykunataqa ruwarqanki!

Isaías 42:5

Cielokunata unanchaspa mastariq Tayta Diosmi kani, allpa pachata unanchaqmi kani, allpapi wiñaqkunatam mirachirqani, allpa pachapi kawsaq runakunamanmi espirituyta qorqani. Chaykuna ruwaq kaspaymi serviqniyta kaynata nini:

Jeremías 10:23

Dios Taytalláy, yachanim, runaqa manam kawsayninmantaqa dueñochu, runaqa manam yachakunchu imayna kanantapas.

Jeremías 48:26

Tayta Diospa contranpi hatarisqanmanta Moab nacionta sinkachiychik, chaynapim Moabqa kutichisqanpipas qochpanqa hinaptinmi llapallanku asipayanqaku.

Jeremías 50:28

Babiloniamanta lluptiqkunapa qayakuyninmi uyarikun, Tayta Diospa vengakusqantam Sión llaqtapi willakuchkanku, templon tuñichisqankumanta vengakusqantam willakuchkanku.

Jeremías 50:29

Paykunam ninku: “Babiloniata atacamunankupaq flechawan peleaqkunata huñumuychik; mana pipas lluptinanpaq muyuriqninkupi campamentota sayachimuychik. Imam ruwasqankuman hina pagamuychik, imam ruwasqanta hina paytapas ruwamuychik. Paykunaqa Israelpa yupaychasqan Tayta Diospa contranpim hatarirqaku”, nispanku.

Ezequiel 28:17

Kuyayllapaq kasqaykiraykum sonqoykipi hatun tukuq rikurirurqanki, suma-sumaq kasqaykiraykum yachaynikitapas yanqacharurqanki. Chayraykum pampaman wischururqayki, reykunapa ñawpaqninpim penqayman churarurqayki.

Ezequiel 28:2

Runapa churin, ñoqa Tayta Diospa nisqayta Tiro llaqtapa reyninman kaynata nimuy: Sonqoykipi hatunchakuspam kaynata nirqanki: “Ñoqaqa diosmi kani, diospa trononpim tiyachkani lamar qochapa chawpinpim tiyachkani”, nispayki. Qamqa manam dioschu kanki, diospaq hapikuspaykipas runallam kanki.

Ezequiel 28:5

Negocio ruwayta yachaynikiwanmi tukuy imaykitapas mirarachinki, ichaqa tukuy imayuq karuspaykim hatun tukuq rikurirunki.

Ezequiel 31:10

Ñoqa Tayta Diosmi kaynata nini: Chay sacham llumpayta wiñarurqa, puntankunapas puyukamaraqmi cha-yarqa, sayayninman hinam hatuncha-kuyta qallaykurqa.

Daniel 11:12

Chay nana-nanaq tropakunata vencerusqanwanmi sur lawpi kaq reyqa llumpayta hatunchakurunqa, ichaqa waranqantin-waranqantin tropakunata wañurachichkaspanpas manam unaytachu munaychakunqa.

Daniel 4:37

Chayraykum ñoqa Nabucodonosor hanaq pachapi Reyta alabaspay hatunchani, paytam yupaychanipas, paypaqqa tukuy ima ruwasqankunapas cheqapmi, payqa allinkuna ruwaqmi, hatun tukuqkunatapas payqa uchuychanmi.

Daniel 8:11

Chaskakunapa kamachiqninpa contranpi hatunchakuruspanmi, Diosman sapa punchaw ofrecesqanku ofrendatapas qechurachirqa, santuariotapas millakuypaqtam ruwarunqa.

Habacuc 2:4

Mana allin runaqa hatun tukuqmi, allin ruwaq runam ichaqa iñisqanrayku kawsanqa.

Hechos 17:25

manataqmi runamantaqa imatapas necesitanchu, payqa lliwchanchikta kawsachiwaspanchikmi samaytapas chaynataq tukuy imakunatapas qowanchik.

1~Corintios 8:4

Chaynaqa, idolokunaman ofrecesqa mikuymantaqa yachanchikmi, kay pacha-pi idolokunaqa manam imachu, Diosqa chullallam.

1~Timoteo 3:6

Chayllaraq iñikuq runaqa manam iñiqkunamanta nanachikuqqa kanmanchu, yanqañataqmi hatun tukuruspan diablo hina castigasqa kanman.

Hebreos 4:13

Diospa tukuy ima unanchasqankunaqa manam pakasqachu kachkan. Tukuy chaykunaqa Diospa qayllanpim sutilla kachkan, paymanmi cuentata qosunchik.

Apocalipsis 9:20

Chay castigokunamanta lluptiq runakunapas manataqmi wanakurqakuchu mana allinkuna ruwayninkumantaqa. Manam wanakurqakuchu demoniokuna yupaychaymanta nitaq qorimanta, qollqemanta, broncemanta, rumimanta hinaspa kullumanta idolokuna hatunchaytapas. Chay idolokunaqa manam rikukunchu, manam uyarikunchu, manataqmi purinchu.

Jueces 16:23

Filisteokunapa kamachiqninkunam huñunakururqaku Dagón sutiyuq idolonkuta yupaychaspa animalkunata wañuchipunankupaq, paykunam kusikuspa nirqaku: Diosninchikmi Sansonta qoykuwanchik. Enemigonchik runatam qoykuwanchik, nispanku.

1~Samuel 17:26

Chaymi waqtanpi kaqkunata David tapurqa: ¿Imatataq wak filisteo runata wañu-chiqman hinaspa Israel tropakunapa penqayninta chinkachiqman qonqaku? ¿Pitaq wak mana señalasqa filisteoqa, kawsaq Diospa tropankunata insultananpaqqa? nispa.

1~Samuel 17:36

Leontapas otaq ukumaritapas kay qawasqayki serviqnikiqa wañuchiqmi kani. ¡Wak mana señalasqa filisteoqa chay animalkuna hinallam kachkan! ¿Imanasqamá payqa kawsaq Diospa tropankunataqa insultanqa?