Daniel 5:22 - CHUYA QELLQA La Biblia en Quechua de Ayacucho 2012

²² Chaynaqa, Nabucodonosorpa miraynin rey Belsasar, qampas chaykunata yachachkaspaykim mana uchuychakurqankichu.

Quechua Ayacucho Bible 1987

²² Chaynaqa, Nabucodonosorpa miraynin Rey Belsasar, qampas chaykunata yachachkaspaykim mana humillakurqankichu.

Chuya Qellqa 1992

²² Chaynaqa, Nabucodonosorpa miraynin rey Belsasar, qampas chaykunata yachachkaspaykim mana uchuychakurqankichu.

Daniel 5:22 Iomraidhean Croise

2~Crónicas 33:23

Manam taytan Manasés hinaqa uchuychakurqachu, aswanraqmi payqa huchaman qokururqa.

2~Crónicas 36:12

Rey Sedequiasqa Tayta Diospa qayllanpim mana allinkunata ruwarqa, Tayta Diospa nisqanta profeta Jeremías rimapayachkaptinpas payqa manam uchuychakurqachu.

Éxodo 10:3

Chaymi Moiseswan Aarón, Faraonpa qayllanman yaykuspa nirqaku: Hebreo runakunapa Diosninmi kaynata nin: “¿Haykapikamataq ñoqapa qayllaypi mana uchuychakunkichu? Yupaychamuwanankupaq llaqtayta kachariy.

Isaías 13:11

Tayta Diosmi kaynata nin: Kay pachapi runakunatam huchankumanta castigarusaq, mana allinkuna ruwaq runakunatam castigarusaq. Hatun tukuqkunapa hatunchakuynintam tukurusaq, munaychakuspa pay tukuqkunatam kumuykachachisaq.

Isaías 14:13

Qanmi sonqoykipi nirqanki: Ñoqam hanaq pachaman qespirusaq, Tayta Diospa chaskakunapa altonpim tiyanayta churamusaq, norte lawman rispaymi tiyamusaq, dioskunapa huñunakunanku orqopim tiyamusaq.

Isaías 26:10

Mana allin ruwaq runakunaqa llakipayaptikipas manam allin ruwaytaqa yachankuchu; kasukuq runakuna qaylla kawsaspapas hina mana allin ruwaqkunallam, Tukuy Atiyniyuq kasqaykitapas manam kaqpaqpas hapinkuchu.

Daniel 5:18

Tukuy imapa hawanpi munaychakuq Diosmi, taytayki Nabucodonosorta nacionkunapi munaychakunanpaq, hatunchasqa kananpaq hinaspa reqsisqa kananpaq churarqa.

Mateo 14:4

Juanmi Herodesta nirqa: Manam allinchu paywan casarakuynikiqa, nispan.

Mateo 21:32

Bautizaq Juanmi allin kawsakuymanta yachachisunaykichikpaq hamurqa, qamkunam ichaqa mana creerqankichikchu; impuesto cobraqkunawan chuchumikakunam ichaqa creerqaku. Qamkunaqa kaykunata qawachkaspapas manam paypi creenaykichikpaqqa wanakurqankichikchu.

Lucas 12:47

Patronninpa munasqanta yachach-kaspan mana alistakuq hinaspa mana kasukuq sirvienteqa sinchi castigasqam kanqa.

Juan 13:17

Kaykunata entienderuspa ruwaspaykichikqa kusisqam kankichik.

Santiago 4:17

Pipas allinkuna ruwayta yachachkaspa mana ruwaqqa huchallikunmi.

Santiago 4:6

Ichaqa Diosninchikmi kuyapayakuyninwan yanapawanchik. Chaymi Qellqapi kaynata nin: “Diosqa hatun tukuqkunapa contranpim kachkan, uchuychakuqkunatam ichaqa yanapan”, nispa.