Daniel 5:21 - CHUYA QELLQA La Biblia en Quechua de Ayacucho 2012

²¹ Paytaqa runakuna ukumanta wischuruptinkum animal hinaña rikurirurqa, hinaspam purun asnokunawan kawsaspa torokunawan kuskaña pastota mikurqa, cuerpontapas sullam nuyurqa. Chaynam tarikurqa, tukuy imapa hawanpi munaychakuq Diospa llapallan runakunapa kamachikuyninpi munaychakusqanta reqsikunankama, reqsikurqataqmi chay kamachikuykunataqa munasqanman hina pimanpas Dios qosqantapas.

Quechua Ayacucho Bible 1987

²¹ Paytaqa runakuna ukumanta wischuruptinkum rikurirurqa animal hina yuyayniyoqña, purun asnokunawanña kawsaptinmi mikuchirqakupas pastokunataña bueyeskunaman hina, paypa cuerpontaqa tuta sullapas nuyurqam. Chaynaqa payqa karqa alto-altopi kaq Dios llapallan runakunapa gobiernonpi munaychakusqanta reqsikunankamam, reqsikurqataqmi chay gobiernokunataqa munasqanman hina pimanpas Dios qoykusqanta.

Chuya Qellqa 1992

²¹ Paytaqa runakuna ukumanta wischuruptinkum animal hinaña rikurirurqa, hinaspam purun asnokunawan kawsaspa torokunawan kuskaña pastota mikurqa, cuerpontapas sullam nuyurqa. Chaynam tarikurqa, tukuy imapa hawanpi munaychakuq Diospa llapallan runakunapa kamachikuyninpi munaychakusqanta reqsikunankama, reqsikurqataqmi chay kamachikuykunataqa munasqanman hina pimanpas Dios qosqantapas.

Daniel 5:21 Iomraidhean Croise

Jobwan Sutichasqa Libro 39:5

Yachaptikiqa, ¿Pitaq purun asnota munasqanpi purinanpaq kachaykurqa? ¿Pitaq watunta paskarurqa?

Ezequiel 17:24

Chaynapim llapallan purun sachakunapas Tayta Dios kasqayta yachanqaku, hatun tukuq sachata pampaman wikapaspaymi taksa kaq sachataña wiñachisaq, verde sachatam chakichini chaki sachatañataqmi verdeyachini. Ñoqa Tayta Diosqa imam nisqaytaqa cumplinipunim, nispa.

Daniel 4:14

Paymi kallpawan qaparispan nirqa: Chay sachata kuchuruychik, kallmankunatapas qoruruychik, rapinkunatapas chutaparuychik, rurunkunatapas cheqerachiychik, llantuyninpi kaq purun animalkunapas ayqekuchunku, kallmanpi kaq alton pawaq animalkunapas pawakuchunku.

Daniel 4:17

Kay sentenciataqa angelkunam qomurqaku, angelkunam chaynata tantearqaku, chaynapi llapa runakunapa kamachikuyninpiqa tukuy imapa hawanpi kaq Dioslla munaychakuq kasqanta yachanankupaq, chay kamachikuytaqa paymi munasqanman hina pimanpas qon, humilde runatapas huk nacionpa kamachiqnin kananpaqmi churan.

Daniel 4:22

Reynilláy, chay sachaqa qanmi kanki, wiñaruspam llumpay atiyniyuq rikurirunki, ancha reqsisqa kaynikipas cielokamam chayan, munaychakuynikipas tukuy hinastinmanmi mastarikurun.

Daniel 4:25

Reynilláy, runakuna ukumanta wischusqa kaspam purun animalkunawanña kawsanki, torokuna hinam pastotaña mikunki, sullapas nuyusunkim. Qanchis watapunim chayna kawsanki, chaymantañam qamqa reqsikunki, tukuy imapa hawanpi munaychakuq Diosqa llapallan runakunapa kamachikuyninpi munaychakuq kasqanta, kamachikuq kananpaqqa paymi munasqanman hina pitapas churan.

Daniel 4:26

Reynilláy, qamqa uyarirqankitaqmi sapiyuq kulluntaqa hina allpallapi saqenankumanta, chaypa imam ninanqa kaymi: Tayta Dios kay pachapi munaychakusqanta reqsikuptikiñam kamachikuynikitaqa kutiykachisunki.

Daniel 4:34

Chay sentenciawasqan tiempo cumplikuruptinmi ñoqa Nabucodonosor alto cielota qawarirqani, hinaptinmi yuyayniy huktawan kutiykuwarqa. Chaymi tukuy imapa hawanpi munaychakuq Diosta hatuncharqani, wiña-wiñaypaq kawsaq Diostam yupaycharqani, wiña-wiñaypaq Diosmanmi graciasta qorqani, paypa munaychakusqanqa wiña-wiñaypaqmi takyan, payqa runapa lliw mirayninkunapim munaychakun.

Daniel 4:35

Paypa qayllanpiqa kay pachapi runakunaqa mana kaq hinallam kanku, hanaq pachapi tropakunawanpas munasqanman hinam ruwan, kay pachapi yachaqkunawanpas munasqanman hinam ruwan, manam pipas sayarinmanchu paypa atiyninpa contranpiqa, manam pipas tapupayanmanchu paypa imam ruwasqantaqa.

Daniel 4:37

Chayraykum ñoqa Nabucodonosor hanaq pachapi Reyta alabaspay hatunchani, paytam yupaychanipas, paypaqqa tukuy ima ruwasqankunapas cheqapmi, payqa allinkuna ruwaqmi, hatun tukuqkunatapas payqa uchuychanmi.

Daniel 5:18

Tukuy imapa hawanpi munaychakuq Diosmi, taytayki Nabucodonosorta nacionkunapi munaychakunanpaq, hatunchasqa kananpaq hinaspa reqsisqa kananpaq churarqa.