Daniel 5:18 - CHUYA QELLQA La Biblia en Quechua de Ayacucho 2012

¹⁸ Tukuy imapa hawanpi munaychakuq Diosmi, taytayki Nabucodonosorta nacionkunapi munaychakunanpaq, hatunchasqa kananpaq hinaspa reqsisqa kananpaq churarqa.

Quechua Ayacucho Bible 1987

¹⁸ —Alto-altopi kaq Diosmi abueloyki Nabucodonosorta nacionkunapi gobiernachirqa hinaspam payta hatunchaspan kancharichkaqta hinaraq ancha reqsisqata rurarqa.

Chuya Qellqa 1992

¹⁸ Tukuy imapa hawanpi munaychakuq Diosmi, taytayki Nabucodonosorta nacionkunapi munaychakunanpaq, hatunchasqa kananpaq hinaspa reqsisqa kananpaq churarqa.

Daniel 5:18 Iomraidhean Croise

2~Reyes 25:28

Kuyakuywan rimapayaspanmi Babilonia llaqtapi wakin rey-kunamantapas aswan reqsisqataraq ruwaykurqa.

Jeremías 25:9

norte lawpi nacionkunatawan Babilonia nacionpa reynin serviqniy Nabucodonosorta kachamusaq, kay nacionpa, llapallan runankunapa chaynataq muyuriqninpi nacionkunapa contranpi. Hinaspaymi paykunata pasaypaqta tukurusaq, tuñirachispaymi wiñaypaq purmarachisaq, chaynapim runakunapas admirakuspa burlakunqaku.

Jeremías 27:5

Hatu-hatun atiyniywanmi kay pachatapas, chaypi kaq runakunatawan animalkunatapas ruwarqani. Chaynaqa, pimanpas munasqaymanmi qoykuyman.

Jeremías 27:7

Llapallan nacionkunam payta, churinta hinaspa willkanta servinqaku. Chaynaqa, kanqa Babilonia nacionpas hatun nacionkunapa chaynataq atiyniyuq reykunapa makinman wichinankamam.

Lamentaciones 3:35

Tukuy imapa hawanpi Diospa qayllanpi runamasinpa derechon qewiruqtaqa,

Lamentaciones 3:38

¿Manachu hanaq pachamanta runapa allinninpaq kaqpas otaq mana allinninpaq kaqpas hamun?

Ezequiel 31:11

Chayraykum huklaw nacionpa kamachiqninman qoykusaq, chaynapim paytapas mana allin ruwasqanmanta chay reyqa ñakarichinqa. Ñoqaqa ñam wischuruniña.

Daniel 4:17

Kay sentenciataqa angelkunam qomurqaku, angelkunam chaynata tantearqaku, chaynapi llapa runakunapa kamachikuyninpiqa tukuy imapa hawanpi kaq Dioslla munaychakuq kasqanta yachanankupaq, chay kamachikuytaqa paymi munasqanman hina pimanpas qon, humilde runatapas huk nacionpa kamachiqnin kananpaqmi churan.

Daniel 4:19

Chaymi Beltsasar sutiyuq Danielqa mancharikuspan yaqa huk horata hina pensamientonpa intusqan rikurirurqa. Ñoqa reyñataqmi nirqani: “Beltsasar, imam mosqorusqaywanqa chaynataq imam ninanwanpas ama mancharikuychu”, nispay. Chaymi Beltsasarñataq niwarqa: Señorlláy, imam mosqorusqaykiqa kachun cheqnisuqniki runakunapaqyá, imam ninanpas enemigoykikunapaqyá kachun.

Daniel 4:2

Ñoqam munachkani, tukuy imapa hawanpi munaychakuq Diospa admirakuypaq milagrokuna ruwapuwasqanmanta willaykuyta.

Daniel 4:32

runakuna ukumanta wischusqa kaspam purun animalkunawanña kawsanki, torokuna hina pastota mikuspam qanchis watapuni kawsanki, chaymantañam reqsikunki tukuy imapa hawanpi munaychakuq Diosqa llapallan runakunapa kamachikuyninpi munaychakusqanta, payqa chay kamachikuytaqa munasqanmanmi pimanpas qon”, nispa.

Daniel 4:34

Chay sentenciawasqan tiempo cumplikuruptinmi ñoqa Nabucodonosor alto cielota qawarirqani, hinaptinmi yuyayniy huktawan kutiykuwarqa. Chaymi tukuy imapa hawanpi munaychakuq Diosta hatuncharqani, wiña-wiñaypaq kawsaq Diostam yupaycharqani, wiña-wiñaypaq Diosmanmi graciasta qorqani, paypa munaychakusqanqa wiña-wiñaypaqmi takyan, payqa runapa lliw mirayninkunapim munaychakun.

Daniel 5:21

Paytaqa runakuna ukumanta wischuruptinkum animal hinaña rikurirurqa, hinaspam purun asnokunawan kawsaspa torokunawan kuskaña pastota mikurqa, cuerpontapas sullam nuyurqa. Chaynam tarikurqa, tukuy imapa hawanpi munaychakuq Diospa llapallan runakunapa kamachikuyninpi munaychakusqanta reqsikunankama, reqsikurqataqmi chay kamachikuykunataqa munasqanman hina pimanpas Dios qosqantapas.

Daniel 6:22

Dios-niymi angelninta kachamuspan leon-kunapa siminta wichqarurqa mana imanawananpaq. Diosqa yachanmi mana huchayuq kasqayta chaynataq qayllaykipipas ima mana allintapas mana ruwasqayta, nispa.

Hechos 26:13

Reynilláy, chawpi punchawta richkaspayñataqmi intimantapas aswan kancharichkaq achkiyta rikururqani. Hinaptinmi chay achkiyqa riqmasiykunatawan kanchariykuwarqaku.

Hechos 26:19

Chaynapim reynilláy Agripa, Diospa visionpi nimuwasqanta uyarispay kasukurqani,

Hechos 7:48

hanaq pachapi Diosqa mana runakunapa ruwasqan templopi yachachkaptinpas. Diospa profetanmi kaynata nirqa:

Deuteronomio 32:8

Tukuy imapa hawanpi munaychakuq Diosmi nacionkunaman herenciata rakinarqa, chay nacionkunapa linderonkunatam churarqa, Israelpa mirayninkunaman hinam rakirqa.