Daniel 5:13 - CHUYA QELLQA La Biblia en Quechua de Ayacucho 2012

¹³ Qayllanman Danielta pusaruptinkum rey tapurqa: ¿Qamchu kachkanki abueloy Nabu-codonosorpa Judá nacionmanta preso pusamusqan Daniel?

Quechua Ayacucho Bible 1987

¹³ Reypa qayllanman Danielta pusaruptinkum tapurqa: —¿Qamchu kanki abueloy Rey Nabucodonosorpa Juda nacionmanta preso pusamusqan Daniel?

Chuya Qellqa 1992

¹³ Qayllanman Danielta pusaruptinkum rey tapurqa: ¿Qamchu kachkanki abueloy Nabucodonosorpa Judá nacionmanta preso pusamusqan Daniel?

Daniel 5:13 Iomraidhean Croise

Esdras 10:16

Preso risqankumanta kutimuqkunaqa llapallankum chaynata ruwanankupaq allinmi nirqaku. Chaymi sacerdote Esdrasqa sapa ayllupa kamachiqninkunata akllarqa, hinaspanmi chunka kaq killapa qallariynin punchawmanta paykunawan huñunakurqa sapa asuntota sumaqta qawanankupaq.

Esdras 10:7

Chaymantam preso kasqankumanta kutimuspa Judá nacionpi hinaspa Jerusalén llaqtapi yachaqkunata kaynata nichimurqaku: “Jerusalenman huñunakamuychik,

Esdras 4:1

Babiloniaman apasqa kasqankumanta kutimuqkuna, Israelpa yupaychasqan Tayta Diospa templon ruway qallaykusqankuta, Judapa chaynataq Benjaminpa enemigonkuna yacharuspankum,

Esdras 6:16

Hinaptinmi Israelpa mirayninkuna, llapa sacerdotekuna, levitakuna hinaspa wakin preso apasqa kaqkunamanta kutimuqkuna, Diospa templonta kusikuyllawanña dedicarqaku.

Daniel 1:1

Judá nacionpi rey Joacim kimsa wataña kamachikuchkaptinmi, Babilonia nacionpa reynin Nabucodonosor Jerusalén llaqtapa contranpi hamurqa, hinaspam campamentonta llaqtapa muyuriqninpi hatarirachirqa.

Daniel 1:2

Judá nacionpa reynin Joacimtam, templopi kaq achka serviciokunatawan rey Nabucodonosorman Tayta Dios qoykurqa, hinaptinmi chay reyqa tukuy imata Sinar sutiyuq Babilonia nacionman aparqa, hinaspam idolonpa kapuqninkuna waqaychana wasinman churaykurqa.

Daniel 1:21

Chaynapim Danielqa servikurqa rey Ciro munaychakuyta qallarisqan watakama.

Daniel 1:6

Chay akllasqa jovenkunawanmi kachkarqa Daniel, Ananías, Misael hinaspa Azarías, paykunaqa Judapa mirayninmi karqaku.

Daniel 2:25

Hinaptinmi utqayman Arioc pusarqa Danielta rey Nabucodonosorpa ñawpaqninman hinaspam kaynata nirqa: Reynilláy, Judá nacionmanta preso hamuqkuna ukupim tariramuni mosqorusqaykipa imam ninantapas willasuqniki atiqta, nispa.

Daniel 2:48

Danielta llumpayta hatunchaspanmi achkallaña regalokunata rey qorqa, hinaspam Babilonia lawpi gobernador kananpaq, chaynallataq chay nacionpi llapallan yachayniyuq runakunapa kamachiqnin kananpaq churarqa.

Daniel 5:11

Kay munaychakusqayki nacionpiqa kachkanmiki chuya dioskunapa espiritunpa huntaykusqan runa. Abueloyki rey Nabucodonosorpa tiemponpim chay runaqa dioskuna hina allin yachayniyuq chaynataq allin yuyayniyuq kasqanta qawachikurqa. Chayraykum abueloyki Nabucodonosorqa payta churarurqa layqakunapa, qawaqkunapa, Caldeapi kaq yachayniyuqkunapa hinaspa adivinaqkunapa kamachiqnin kananpaq.

Daniel 5:14

Uyarirqanim dioskunapa espiritunwan huntasqa kasqaykita hinaspa ancha yuyayniyuq chaynataq llumpay yachayniyuq kasqaykitapas.

Daniel 5:18

Tukuy imapa hawanpi munaychakuq Diosmi, taytayki Nabucodonosorta nacionkunapi munaychakunanpaq, hatunchasqa kananpaq hinaspa reqsisqa kananpaq churarqa.

Daniel 5:2

Vinota upyachkaspanmi Belsasar kamachikurqa Jerusalenpi templomanta abuelon Nabucodonosorpa apamusqan qorimanta qollqemanta vasokunata apamunankupaq; aparamuptinkum rey Belsasarqa, reqsisqa runankunawan, warminkunawan hinaspa churiwachankunawan vinota upyakurqaku.

Daniel 6:13

Chaymi paykuna nirqaku: Reynillayku, Judá nacionmanta presokunawan hamuq Danielqa manam manchakusunkichu, nitaqmi kamachisqayki decretotapas kasukunchu, aswanqa sapa punchawmi kimsa kutita Diosninta mañakun, nispanku.

Daniel 8:1

Kimsa wataña rey Belsasar munaychakuchkaptinmi ñoqa Daniel punta revelacionniypa qepanta huk revelaciontawan rikurqani.

Daniel 8:27

Ñoqa Danielmi eqoyaruspay achka pun-chawkuna onqorurqani, chaymantañam allinyaykuspay reypa kaqninkunata huktawan ruwarqani, ichaqa chay imam rikusqaykunawanmi muspaypi hina tarikurqani, chayqa karqa mana entiendey atinam.

Juan 7:1

Chaykunapa qepantam Jesús purirqa tukuy Galilea lawkunapi. Judea lawkunapim ichaqa mana purirqachu, llapa judiokuna wañurachiyta munasqankurayku.

Juan 7:3

wawqenkuna nirqaku: Kaymanta lloqsispa Judea lawkunaman riy, chaynapi imam ruwasqaykikunata qawanankupaq.