Daniel 5:12 - CHUYA QELLQA La Biblia en Quechua de Ayacucho 2012

¹² Sutinmi Daniel, paytam Beltsasarwan abueloyki suticharqa, payqa kachkan admirakuypaq espirituyuqmi, yachaypapas hinaspa yuyaypapas huntaykusqanmi; yachantaqmi mosqoykunapa chaynataq sasa entiendena watuchikunapa imam ninantapas. Payqa sasachakuykuna allichaytapas atinmanmi. Chaynaqa, Danieltayá qayamuychik, paymi chay qellqapa imam ninantaqa willasunkichik, nispa.

Quechua Ayacucho Bible 1987

¹² Chay runapa sutinqariki Danielmi, paytataqmi abueloyki reyqa suticharqa Beltsasarwan, payqariki kasqa admirakuypaq espirituyoqmi chaynataq yachaypapas hinaspa yuyaypapas huntaykusqanmi. Payqa yachantaqmi mosqoykunapa imam ninantapas chaynataq sasa entiendena watuchikunapa imam ninantapas. Payqa atinmanmi sasachakuykuna allichaytapas. Chaynaqa Danieltayá qayamuychik, paymi willasunkichik chay qellqapa imam ninantaqa —nispa.

Chuya Qellqa 1992

¹² Sutinmi Daniel, paytam Beltsasarwan abueloyki suticharqa, payqa kachkan admirakuypaq espirituyuqmi, yachaypapas hinaspa yuyaypapas huntaykusqanmi; yachantaqmi mosqoykunapa chaynataq sasa entiendena watuchikunapa imam ninantapas. Payqa sasachakuykuna allichaytapas atinmanmi. Chaynaqa, Danieltayá qayamuychik, paymi chay qellqapa imam ninantaqa willasunkichik, nispa.

Daniel 5:12 Iomraidhean Croise

Proverbios 12:26

Allin ruwaq runaqa runamasintam allin ñanninta pusan, mana allin runakunam ichaqa pantachin.

Proverbios 17:27

Aslla rimayqa yachayniyuq kaymi, yachayniyuq runaqa controlakuytam yachan.

Ezequiel 28:3

¿Danielmantapas aswan yachayniyuqchu kanki? ¿Tukuy pakasqa kaqkuna reqsiqchu kanki?

Daniel 1:17

Diosmi qorqa chay tawa jovenkunaman yachaytawan allin yuyayniyuq kayta, chaynapim tukuy richkaq qellqakunata yacharqaku chaynataq ima yachaykunatapas hayparqaku. Danielqa entienderqataqmi llapa revelacionkunapa hinaspa mosqoykunapa imam ninantapas.

Daniel 1:7

Paykunatam palaciopi servikuqkunapa jefen suticharurqa: Danielta Beltsasarwan, Ananiasta Sadracwan, Misaelta Mesacwan, Azariastañataq Abed-negowan.

Daniel 2:26

Hinaptinmi Beltsasar sutiyuq Danielta rey tapurqa: ¿Yaqachum imam mosqorusqaytawan imam ninanta willaykuwankiman? nispa.

Daniel 4:19

Chaymi Beltsasar sutiyuq Danielqa mancharikuspan yaqa huk horata hina pensamientonpa intusqan rikurirurqa. Ñoqa reyñataqmi nirqani: “Beltsasar, imam mosqorusqaywanqa chaynataq imam ninanwanpas ama mancharikuychu”, nispay. Chaymi Beltsasarñataq niwarqa: Señorlláy, imam mosqorusqaykiqa kachun cheqnisuqniki runakunapaqyá, imam ninanpas enemigoykikunapaqyá kachun.

Daniel 4:8

Hamurqataqmi diosniypa sutinwan sutichasqa Beltsasar sutiyuq Danielpas, paypiqa chuya dioskunapa espiritunmi kawsakuchkan, paymanmi mosqorusqayta willarqani kaynata:

Daniel 5:14

Uyarirqanim dioskunapa espiritunwan huntasqa kasqaykita hinaspa ancha yuyayniyuq chaynataq llumpay yachayniyuq kasqaykitapas.

Daniel 5:16

Qanmantam ichaqa uyarirqani tukuy imakunapapas imam ninan willakuy atisqaykita chaynataq ima sasallaña kaqtapas allichay atisqaykita. Chaynaqa, sichum wak qellqata leeykuspa imam ninanta niykuwaptikiqa sumaqllaña grosella pachawanmi pachachisqayki, kunkaykimanpas qorimanta collartam wallqachisqayki, munaychakuyniypipas kimsa kaq kamachikuq kanaykipaqñam churasqayki, nispa.

Daniel 6:3

Danielqa wakin kamachikuqkunamantapas chaynataq llapallan gobernadorkunamantapas ancha reqsisqam rikurirurqa, admirakuypaq espirituyuq kasqanrayku. Chaymi reyqa tantearurqa, lliw munaychakuyninpi kamachikunanpaq Danieltaña churaruyta.

Daniel 6:4

Chayraykum kamachikuqmasinkunapas hinaspa lliw gobernadorkunapas Danielpa pantasqanta maskarqaku chayman hina acusanankupaq, ichaqa manam ima pantaytapas tarirqakuchu; Danielqa imatapas yachaywanmi ruwarqa.

Colosenses 1:29

Chayraykum Cristopa qowasqan hatun atiywan sinchita kallpanchakuspay llamkachkani.