Daniel 4:9 - CHUYA QELLQA La Biblia en Quechua de Ayacucho 2012

⁹ Yachayniyuqkunapa kamachiqnin Beltsasar, yachanim ñoqaqa chuya dioskunapa espiritun qampi kasqanta, yachanitaqmi pakasqa kaqkunatapas lliwta musyasqaykita, chaynaqa mosqorusqayta uyariykuspa imam ninanta willaykuway.

Chuya Qellqa 1992

⁹ Yachayniyuqkunapa kamachiqnin Beltsasar, yachanim ñoqaqa chuya dioskunapa espiritun qampi kasqanta, yachanitaqmi pakasqa kaqkunatapas lliwta musyasqaykita, chaynaqa mosqorusqayta uyariykuspa imam ninanta willaykuway.

Daniel 4:9 Iomraidhean Croise

Génesis 41:38

Hinaptinmi runankunata Faraón nirqa: José hina Diospa espiritunwan kaq runataqa manam maypipas tarichwanchu, nispa.

Isaías 33:18

Manchakuypi kawsasqaykita yuyarispam ninki: ¿Maypitaq kachkan impuesto qollqe yupaqqa? ¿Maypitaq kachkan impuesto qollqepa llasaynin qawaqqa? ¿Maypitaq kachkan torrekuna yupaq runaqa? nispa.

Isaías 54:14

Allinkuna ruwasqaykim kallpanchasunki, ñakariymantapas karupim tarikunki, manchakuypas manañam hukmanyachisunkiñachu.

Ezequiel 17:23

Israel nacionpa hatun orqonpim plantarusaq, kallmankunatapas mastarispam rurunqa, chaynapim payqa suma-sumaq cedro sachaña rikurirunqa, ukunpipas tukuy rikchaq alton pawaq animalkunam yachanqaku.

Ezequiel 28:3

¿Danielmantapas aswan yachayniyuqchu kanki? ¿Tukuy pakasqa kaqkuna reqsiqchu kanki?

Daniel 1:20

Imapas yachay kaqkunamantawan entiendena kaqkunamanta rey tapuspanmi paykunata chunka kuti aswan yachayniyuqtaraq tarirqa, nacionninpi layqakunamantapas hinaspa qawaqkunamantapas.

Daniel 2:47

Hinaspam Danielta nirqa: Cheqaptapunipas qamkunapa Dios-nikichikmi llapa dioskunapa Diosninqa, payqa reykunapapas Reyninmi, payllataqmi pakasqa kaqkunatapas reqsichin. Chayraykum qamqa kay pakasqa kaqkunata rikuykachiwanki, nispa.

Daniel 2:48

Danielta llumpayta hatunchaspanmi achkallaña regalokunata rey qorqa, hinaspam Babilonia lawpi gobernador kananpaq, chaynallataq chay nacionpi llapallan yachayniyuq runakunapa kamachiqnin kananpaq churarqa.

Daniel 4:18

“Ñoqa rey Nabucodonosormi chaynata mosqokurqani, chaynaqa Beltsasar, qamyá chay mosqoyniypa imam ninanta niykuway. Kay munaychakuyniypi kaq yachayniyuq runakunaqa manam willawayta atinkuchu, qanmi ichaqa willaykuwankiman, qampiqa chuya dioskunapa espiritunmi kachkan”, nispa.

Daniel 4:5

Ichaqa camaypi puñuykuspaymi mancharikuypaqta mosqokururqani, chaymi pensamientopa intusqan hukmanyarurqani.

Daniel 4:8

Hamurqataqmi diosniypa sutinwan sutichasqa Beltsasar sutiyuq Danielpas, paypiqa chuya dioskunapa espiritunmi kawsakuchkan, paymanmi mosqorusqayta willarqani kaynata:

Daniel 5:11

Kay munaychakusqayki nacionpiqa kachkanmiki chuya dioskunapa espiritunpa huntaykusqan runa. Abueloyki rey Nabucodonosorpa tiemponpim chay runaqa dioskuna hina allin yachayniyuq chaynataq allin yuyayniyuq kasqanta qawachikurqa. Chayraykum abueloyki Nabucodonosorqa payta churarurqa layqakunapa, qawaqkunapa, Caldeapi kaq yachayniyuqkunapa hinaspa adivinaqkunapa kamachiqnin kananpaq.

1~Samuel 4:8

¡Imaynaraq kasunchik! ¿Pitaq librawasunchik chay Atiyniyuq Diosninkumanta? Chay Diosmi chunniqpipas tukuy rikchaq ñakariywan Egipto runakunata castigarqa.