Daniel 4:37 - CHUYA QELLQA La Biblia en Quechua de Ayacucho 2012

³⁷ Chayraykum ñoqa Nabucodonosor hanaq pachapi Reyta alabaspay hatunchani, paytam yupaychanipas, paypaqqa tukuy ima ruwasqankunapas cheqapmi, payqa allinkuna ruwaqmi, hatun tukuqkunatapas payqa uchuychanmi.

Quechua Ayacucho Bible 1987

³⁷ Chayraykum ñoqa Nabucodonosor alabaspay hatunchani Hanaq Pachapi kaq Reyta, hina paytataqmi yupaychanipas, payqariki tukuy imakunatapas ruran cheqapman hinam, imam rurasqankunapas hina allinllataqmi. Payqa humillachinmi hatun tukuq runataqa.

Chuya Qellqa 1992

³⁷ Chayraykum ñoqa Nabucodonosor hanaq pachapi Reyta alabaspay hatunchani, paytam yupaychanipas, paypaqqa tukuy ima ruwasqankunapas cheqapmi, payqa allinkuna ruwaqmi, hatun tukuqkunatapas payqa uchuychachinmi.

Daniel 4:37 Iomraidhean Croise

2~Crónicas 33:19

Mañakuyninpas, chay mañakuyninpa contestasqa kasqanpas, imakunawanmi huchallikusqanpas, Tayta Diosta qepanchasqanpas, maykunapim capillakuna ruwachisqanpas, manaraq Tayta Diospa qayllanpi uchuychakuchkaspa Asera idolokunatawan rikchaqmana idolokunata ruwachispan maykunapim churasqanpas, profetakunapa qellqasqan libropim qellqasqa kachkan.

Ester 6:10

Chaymi Amanta rey nirqa: Utqayman pachaykunata hurqomuy, caballoytapas pusamuspa palaciopa punkunpi tiyaq judío Mardoqueowan, ama qonqaykuspa nisqaykiman hina paywan ruwamuy, nispa.

Éxodo 18:11

Egipto runakunaqa hatun tukuspam Israel runakunata ñakarichirqaku, chayraykum vencesqa karqaku. Kunanmi yachani Tayta Diosqa llapa dioskunamantapas aswan atiyniyuq kasqanta.

Éxodo 8:4

Chay karyakunam qespinqa hawaykiman, runaykikunapa hawanman chaynataq llapallan serviqnikikunapa hawanmanpas”, nispa.

Isaías 23:9

Tukuy Atiyniyuq Tayta Diosmi chaynata tantearqa, chaypi llapallan hatunchakuqkunata penqayman churananpaq, kay pachapi llapallan hatun tukuqkunata mana kaqman churananpaq.

Isaías 5:16

Tukuy Atiyniyuq Tayta Diosmi ichaqa allin arreglo ruwasqanmanta hatunchasqa kanqa. Chuya Diosmi allinkuna ruwasqanwan chuya kasqanta reqsichikunqa.

Jeremías 50:29

Paykunam ninku: “Babiloniata atacamunankupaq flechawan peleaqkunata huñumuychik; mana pipas lluptinanpaq muyuriqninkupi campamentota sayachimuychik. Imam ruwasqankuman hina pagamuychik, imam ruwasqanta hina paytapas ruwamuychik. Paykunaqa Israelpa yupaychasqan Tayta Diospa contranpim hatarirqaku”, nispanku.

Ezequiel 16:56

Hatun tukuq kaynikipim ñañayki Sodoma castigasqa kaptin burlakurqanki,

Ezequiel 16:63

Mana allin ruwasqaykikunamanta pampachaykuptiymi chaykunata yuyarispa penqakuymanta simikitapas manaña kicharinkichu. Ñoqa Tayta Dios chaynata nini.

Daniel 4:26

Reynilláy, qamqa uyarirqankitaqmi sapiyuq kulluntaqa hina allpallapi saqenankumanta, chaypa imam ninanqa kaymi: Tayta Dios kay pachapi munaychakusqanta reqsikuptikiñam kamachikuynikitaqa kutiykachisunki.

Daniel 4:3

¡Mayna allinmi paypa milagronkunaqa! ¡Hatu-hatunmi admirakuypaq ruwasqankunaqa! Munaychakuyninpas wiña-wiñaypaqmi takyan, payqa runakunapa mirayninpim munaychakun.

Daniel 4:34

Chay sentenciawasqan tiempo cumplikuruptinmi ñoqa Nabucodonosor alto cielota qawarirqani, hinaptinmi yuyayniy huktawan kutiykuwarqa. Chaymi tukuy imapa hawanpi munaychakuq Diosta hatuncharqani, wiña-wiñaypaq kawsaq Diostam yupaycharqani, wiña-wiñaypaq Diosmanmi graciasta qorqani, paypa munaychakusqanqa wiña-wiñaypaqmi takyan, payqa runapa lliw mirayninkunapim munaychakun.

Daniel 5:4

Llapallankum vinota upyakuspanku qorimanta, qollqemanta, broncemanta, fierromanta, kullumanta hinaspa rumimanta idolonkunata hatuncharqaku.

Mateo 11:25

Chay tiempopim, Taytanta mañakuspan Jesús nirqa: Hanaq pachapipas kay pachapipas munaychakuq Taytalláy, yachayniyuqkunamantawan yuyayniyuqkunamanta pakaykuspaykim, wawakunaman kaykunata reqsichirqanki, chayraykum yupaychayki.

Hechos 17:24

Chay Diosmi kay pachatapas chaynataq chaypi tukuy ima kaqkunatapas unancharqa, payqa kay pachapipas chaynataq hanaq pachapipas Diosmi, manam runakunapa ruwasqan templopichu yachan,

Deuteronomio 32:4

Payqa pakakunanchik qaqam, ruwasqankunapas mana pantayniyuqmi, ruwayninkunapas allinpunim. Payqa cheqap Diosmi, paypiqa manam ima mana allinpas kanchu, payqa derechonpim imatapas ruwan.

Apocalipsis 15:3

Paykunam Diosta serviq Moisespa takintawan hinaspa Corderopa takinta kaynata takirqaku: “Tukuy Atiyniyuq Señor Diosnillayku”, tukuy ruwasqaykikunaqa hatu-hatun admirakuypaqmi, ñannikikunaqa cheqapmi hinaspa allinpunim, nacionkunapi munaychakuq Reymi kanki,

Apocalipsis 16:7

Altarmanta lloqsimuq huk qayakuytam uyarirqani, chay qayakuymi kaynata nirqa: “Arí, Tukuy Atiyniyuq Señor Diosnilláy, qamqa allintapunim hinaspa cheqaptapunim juzganki”, nispa.

1~Samuel 2:3

Amayá pipas rimachunchu hatun tukuspaqa, amayá pipas alabakuchunchu llumpaytaqa, Tayta Diosmi yachan runapa tukuy allin mana allin ruwasqanta.