Daniel 4:36 - CHUYA QELLQA La Biblia en Quechua de Ayacucho 2012

³⁶ Chaypunillam yuyayniy ñoqaman kutiramuwarqa, chaymi munaycha-kuyniypas, ancha reqsisqa kayniy-pas, inti hina sumaqllaña kancha-riyniypas ñoqaman kutiykamuwarqa. Consejaqniykunapas chaynataq kama-chikuyniypi ancha reqsisqa runakunapas maskawaqniymi hamurqaku. Munaychakuyniyta kutiykachiwaptinkum ñawpaqmantapas aswan munayniyuqraq karqani.

Quechua Ayacucho Bible 1987

³⁶ Chaypunillamá ñoqamanqa yuyayniy kutiramuwarqa, gobiernoypas ancha reqsisqa kananpaqmi kutiykachiwarqa inti hina sumaqllaña kanchayniyta. Ñoqata maskawanankupaqmi hamurqaku consejaqniykunapas chaynataq gobiernoypi ancha reqsisqa runakunapas. Nacionniypi gobiernanaypaq allinta takyachiwaptinmi ñawpaqmantapas aswan munayniyoqraq karqani.

Chuya Qellqa 1992

³⁶ Chaypunillam yuyayniy ñoqaman kutiramuwarqa, chaymi munaychakuyniypas, ancha reqsisqa kayniypas, inti hina sumaqllaña kanchariyniypas ñoqaman kutiykamuwarqa. Consejaqniykunapas chaynataq kamachikuyniypi ancha reqsisqa runakunapas maskawaqniymi hamurqaku. Munaychakuyniyta kutiykachiwaptinkum ñawpaqmantapas aswan munayniyuqraq karqani.

Daniel 4:36 Iomraidhean Croise

Jobwan Sutichasqa Libro 13:12

Rikchanachiykuna rimasqaykichikpas uchpa hinallam, mitumanta wichiruq perqa hinallam.

Proverbios 22:4

Tayta Diosta uchuychakuspa kasukuyqa apuyaytawan ancha reqsisqa kayta hinaspa kawsakuytam apamun.

Daniel 2:31

Reynilláy, mosqoynikipim qawarqanki ñawpaqnikipi sayachkaqta hatunkaray kancharichkaq runa kaqllata hinaspa mancharikuypaq rikchayniyuqta.

Daniel 4:22

Reynilláy, chay sachaqa qanmi kanki, wiñaruspam llumpay atiyniyuq rikurirunki, ancha reqsisqa kaynikipas cielokamam chayan, munaychakuynikipas tukuy hinastinmanmi mastarikurun.

Daniel 4:32

runakuna ukumanta wischusqa kaspam purun animalkunawanña kawsanki, torokuna hina pastota mikuspam qanchis watapuni kawsanki, chaymantañam reqsikunki tukuy imapa hawanpi munaychakuq Diosqa llapallan runakunapa kamachikuyninpi munaychakusqanta, payqa chay kamachikuytaqa munasqanmanmi pimanpas qon”, nispa.

Daniel 4:34

Chay sentenciawasqan tiempo cumplikuruptinmi ñoqa Nabucodonosor alto cielota qawarirqani, hinaptinmi yuyayniy huktawan kutiykuwarqa. Chaymi tukuy imapa hawanpi munaychakuq Diosta hatuncharqani, wiña-wiñaypaq kawsaq Diostam yupaycharqani, wiña-wiñaypaq Diosmanmi graciasta qorqani, paypa munaychakusqanqa wiña-wiñaypaqmi takyan, payqa runapa lliw mirayninkunapim munaychakun.

Mateo 6:33

Imamantapas llalliriqtaqa Diospa munaychakuynintawan paypa munasqanman hina ruwaytayá maskaychik, hinaspaqa ima munasqaykichiktapas chaskinkichikmi.

2~Corintios 4:17

Ñakariykunaqa pisillam hinaspa pasaruqllam, chaymantañam chaskisunchik mana imawanpas tupachiy atina wiña-wiñaypaq hatun kaqkunata.

1~Samuel 2:30

Chayraykum Israelpa yupaychasqan Tayta Dios kaynata nin: Ñoqam nirqani miraynikipas chaynataq ñawpaq taytaykikunapa mirayninpas wiñaypaqña serviwanankupaq. Kunanmi ichaqa prometekusqayta mana ruwasaqñachu. Ñoqaqa pim hatunchawaqniytam hatunchasaq, qepanchawaqniytam ichaqa asllapaq hapisaq.