Daniel 4:27 - CHUYA QELLQA La Biblia en Quechua de Ayacucho 2012

²⁷ Chaynaqa reynilláy, kay consejasqayta uyariykuway: Ama huchallikuspa allin kaqkunataña ruway, mana allinta amaña ruwaspa wakchakunamanta llakipayarikuy, ichapas qamqa hina hawkalla unayta kawsakuwaq, nispa.

Quechua Ayacucho Bible 1987

²⁷ Chaynaqa reynilláy, uyariykuwayá kay consejasqayta, amaña huchallikuspayá allin kaqkunataña ruray, amaña mana allinta ruraspayá ñakariqkunamanta llakipayarikuy, ichapas qamqa hina hawkalla kawsakuwaq unaypaq’ nispa.

Chuya Qellqa 1992

²⁷ Chaynaqa, reynilláy, kay consejasqayta uyariykuway: Ama huchallikuspa allin kaqkunataña ruway, mana allinta amaña ruwaspa wakchakunamanta llakipayarikuy, ichapas qamqa hina hawkalla unayta kawsakuwaq, nispa.

Daniel 4:27 Iomraidhean Croise

Génesis 11:4

Chaymantam ninakurqaku: Huk llaqtata hatarichisun, cielokama haypaq torretawan perqarusunchik, chaynapi ancha reqsisqa kananchikpaq. Yanqañataq tukuy hinastinman kay pachapi cheqeruchwanchik, nispanku.

1~Reyes 21:29

¿Rikurqankichu qayllaypi Acabpa imaynam uchuychakusqanta? Qayllaypi uchuychakusqanraykum kawsanankamaqa mana castigasaqchu, aswanqa churinpa munaychakuyninpiñam castankunaman chay ñakariyta apamusaq, nispa.

Proverbios 11:2

Hatun tukuq runaqa penqaypim kanqa, uchuychakuq runam ichaqa yachayniyuq kanqa.

Proverbios 16:6

Kuyakuywan hinaspa cheqap kaqwanmi huchataqa pampachana, runaqa Tayta Diosta kasukuspallam mana allinmanta sapaqchakunqa.

Proverbios 28:13

Huchanta pakaq runaqa manam allinqa kanqachu, huchanta willakuspa wanakuqmi ichaqa pampachasqa kanqa.

Isaías 10:13

Asiria nacionpa reyninmi nirqa: “Atiyniywanmi chaykunata ruwarqani, yachayniywan hinaspa yuyaysapa kasqayrayku. Nacionkunapa linderonkunatam asuchirqani, qori-qollqenkutam qechurqani. Ñoqaqa munaychakuq hinam kamachiqninkutapas wischurqani.

Isaías 47:10

Mana allin ruwasqaykikunapi hapipakuspam nirqanki: “Manam pipas rikuwanchu”, nispayki. Yuyaysapa hinaspa yachaysapa kaynikim pantarachisunki. “Ñoqallam kani, ñoqa hinaqa manam pipas kanchu”, nispam nirqanki.

Isaías 47:8

Mana allin kawsayta kuyaq warmi uyariy, munaychakuspa hawkallaña kakuq warmi, sonqoykipim ninki: “Ñoqallam kani, ñoqa hinaqa manam pipas kanchu, manam haykapipas viudayasaqchu, nitaqmi haykapipas wawaykunaqa wañunqachu”, nispayki.

Jeremías 29:7

Chay yachasqaykichik llaqtapa hawkayaynintayá maskaychik, chaypaqyá ñoqata mañakuwaychik, chaynapi llaqta hawkalla kaptin qamkunapas hawkalla kanaykichikpaq.

Jeremías 38:20

Hinaptinmi Jeremías nirqa: Judá runakunamanqa manam entre-gasunkichu. Tayta Diospa nisqanta ka-sukuspaqa allinmi kanki, vidaykitapas librankim.

Ezequiel 18:7

Pitapas manam ñakarichinchu, debeqninmanta prenda mañasqantapas manam hapikuykunchu, manam pimantapas suwakunchu, yarqasqakunamanmi mikuykachin, mana pachayuqkunatam pachaykachin.

Ezequiel 29:3

Ñoqa Tayta Diospa nisqayta kaynata niy: Egipto nacionpa reynin Faraón, ñoqam contraykipi kachkani, mayupa chawpinpi wischurayaq manchapa hatun animal hinam kanki. Qanmi kaynata nirqanki: “Nilo mayuqa ñoqapam, ñoqam unancharqani”, nispayki.

Ezequiel 29:9

Purmachisqa kaspam chunninki, chaynapim runaykikunapas Tayta Dios kasqayta yachanqaku. Qanmi nirqanki: “Nilo mayuqa ñoqapam, ñoqam unancharqani”, nispayki.

Joel 2:14

Icharaqpas llakipayaykususpaykichik bendeciykusunkichikmanraq, chaynapi vinotawan kawsaykunata Tayta Diosman ofrecenaykichikpaq.

Amós 6:13

Qamkunam Lo-Debar llaqtata vencerusqaykichikmanta kusikuspa ninkichik: ¿Manachum kallpanchikwan Carnaín llaqtatapas vencerunchik? nispaykichik.

Jonás 3:9

Diosqa icharaqpas llakipayariwaspanchik piñakuyninta sapaqchaykuptin mana puchukaruchwanchu, nispa.

Habacuc 1:11

Kallpasapa wayra hinam pasarunku, paykunaqa kallpankuta diosninkupaq hapispam chaywan huchallikunku.

Sofonías 2:15

Chaynatam chay hatun tukuspa hawka kawsakuq llaqta tukunqa. Runankunapas chay llaqtamantaqa kaynataraqmi niqku: “Llaqtanchik hinaqa manam kay pachapi ima llaqtapas kanchu”, nispankuraq. ¡Imaynamá tuñichisqa, purun animalkunapa uchkunñaqa rikurirun! Pipas chayninta pasaqqa burlakuspam umantapas aywinqaraq.

Mateo 3:8

Huchaykichikmanta wanakusqaykichikta kawsaynikichikpi qawachikuychik.

Lucas 11:41

Kapusuqnikichikmantayá limosnatapas qoychik, chaynapi tukuy imapas limpio kapusunaykichikpaq.

Hechos 24:25

Ichaqa runapa allin ruwananmanta, controlakuy yachaq kanamanta hinaspa llapallan runakunaqa Diospa juzgasqan kananmanta Pablo rimaruptinmi, gobernador Félix mancharikuspan nirqa: Pasakuyña, tiempoy kaptinñam qayachimusqayki, nispan.

Hechos 26:20

chaymi Damasco llaqtapi puntata willakurqani, hinaspañataq Jerusalén llaqtapi, lliw Judea lawpi kaqkunamanpas chaynataq mana judío kaqkunamanpas. Paykunatam nirqani: “Huchaykichikmanta wanakuspaykichik Diosman kutirikuychik hinaspa imatapas allin kaqkunataña ruwaychik wanakusqaykichikta qawanankupaq”, nispay.

Hechos 8:22

Mana allin ruwaynikikunamantayá wanakuy, hinaspayá Diosta mañakuy, icharaqpas sonqoykipi chay mana allin piensasqaykita pampachasunkiman.

2~Corintios 5:11

Chaymi Señorqa kasukuna kasqanta yachasqaykurayku runakunata iñichiypi riniku. Ichaqa Diosmi yachan imaynam kasqaykutapas, chaymi qam-kunapas reqsiwanaykikuta munach-kaniku.

Gálatas 5:13

Wawqe-panillaykuna, Diosqa libre kanaykichikpaqmi qayasurqankichik. Ichaqa libre kaynikichiktaqa amayá aychapa munasqanpaq hinachu hapiychik, aswanqa kuyakuywanyá huknikichikmanta huknikichikkama yanapanakuychik.

Gálatas 5:22

Chuya Espiritupa ruruyninñataqmi kaykuna: Kuyakuy, kusikuy, hawkayay, pacienciakuy, sumaq sonqoyuq kay, kuyapayakuy, iñiyniyuq kay,

Gálatas 5:6

Jesucristowan huklla kaptinchikqa manam imananchu qari kayninchikpi señalasqa otaq mana señalasqa kayninchikpas. Iñiyllam valenqa, chay iñiyqa kuyakuywan ruwaypim qawachikun.

Efesios 4:28

Pipas suwakuqqa amañayá suwakuchunchu, aswanqa imatapas allinta ruwaspayá llamkachun, chaynapi mana imayuqkunata imallawanpas yanapaykunanpaq.

Deuteronomio 24:13

Inti seqaykuyllatam kutiykachipunki, chaynapi puñuq yaykuspa chaywan qatakunanpaq. Hinaptinqa qampaq Señornikichik Tayta Diosta mañakuptinmi chay ruwasqaykiwan paypa qayllanpi allin kanki.

Deuteronomio 32:27

Ichaqa enemigokunapa asipayasqa kanantam mana munarqanichu, yanqañataq contrankupi kaqkuna ninmanku: “Kaytaqa kallpallanchikwanmi ruwarunchik, manam Tayta Dioschu ruwan”, nispanku.

Deuteronomio 8:17

Yanqañataq sonqoykichikpi niwaqchik: “Kay llapa kapuqninchiktaqa kall-panchikwanmi armakurqanchik”, nispaykichik.

1~Pedro 4:8

Tukuy imamantapas llalliriqtaqa kuyanakuychik-yá, kuyanakuyqa maynaña huchatapas pampachaykunmi.