Daniel 4:21 - CHUYA QELLQA La Biblia en Quechua de Ayacucho 2012

²¹ Chay sachapaqa llaqenkunapas sumaqllañam karqa, rurunkunapas llapallanku mikunankupaqmi achkallaña karqa, purun animalkunam chay sachapa ukunpi llantukurqaku, kallmankunapipas alton pawaq animalkunam qesachakurqaku.

Quechua Ayacucho Bible 1987

²¹ Llaqenkunapas chay sachapaqa sumaqllañam kasqa, rurunkunapas achka-achkataqmi kasqa, chaypiqa kasqataqmi llapallanpaq mikuykunapas, purun animalkuna chay sachapa ukunpi llantukuptinmi kallmankunapipas qesachakusqaku alton pawaq animalkuna.

Chuya Qellqa 1992

²¹ Chay sachapaqa llaqenkunapas sumaqllañam karqa, rurunkunapas llapallanku mikunankupaqmi achkallaña karqa, purun animalkunam chay sachapa ukunpi llantukurqaku, kallmankunapipas alton pawaq animalkunam qesachakurqaku.

Daniel 4:21 Iomraidhean Croise

Ezequiel 17:23

Israel nacionpa hatun orqonpim plantarusaq, kallmankunatapas mastarispam rurunqa, chaynapim payqa suma-sumaq cedro sachaña rikurirunqa, ukunpipas tukuy rikchaq alton pawaq animalkunam yachanqaku.

Ezequiel 31:6

Kallmankunapipas tukuy rikchaq alton pawaq urpikunam qesachakurqaku, llantuyninpipas tukuy rikchaq purun animalkunam wachakurqaku. Llantuyninpiqa achkallaña nacionkunam yachakurqaku.

Daniel 2:38

Qosurqankitaqmi tukuy hinastinpi runakunatapas, animalkunatapas hinaspa alton pawaqkunatapas, chaykunapi munaychakunaykipaq. Reynilláy, chay sayaqpa qorimanta umanqa qanmi kanki.

Daniel 4:11

Chay sacham wiñasqanman hina llumpayllataña rakuyarurqa, puntanpas cielokunakamam chayarurqa. Tukuy hinastinmantam rikukurqa.

Daniel 4:20

Qanmi rikurqanki hatu-hatun raku sachata, puntanpas cielokunakama chayaqta, chaymi tukuy hinastinmanta rikupasllaña karqa.

Daniel 4:22

Reynilláy, chay sachaqa qanmi kanki, wiñaruspam llumpay atiyniyuq rikurirunki, ancha reqsisqa kaynikipas cielokamam chayan, munaychakuynikipas tukuy hinastinmanmi mastarikurun.

Lucas 13:19

Diospa munaychakuyninqa rikchakun huk runapa tarpusqan mostaza muhumanmi, wiñaruspa sachayaruptinmi urpikunapas kallmankunapi qesachakun, nispa.