Daniel 4:19 - CHUYA QELLQA La Biblia en Quechua de Ayacucho 2012

¹⁹ Chaymi Beltsasar sutiyuq Danielqa mancharikuspan yaqa huk horata hina pensamientonpa intusqan rikurirurqa. Ñoqa reyñataqmi nirqani: “Beltsasar, imam mosqorusqaywanqa chaynataq imam ninanwanpas ama mancharikuychu”, nispay. Chaymi Beltsasarñataq niwarqa: Señorlláy, imam mosqorusqaykiqa kachun cheqnisuqniki runakunapaqyá, imam ninanpas enemigoykikunapaqyá kachun.

Quechua Ayacucho Bible 1987

¹⁹ Chaymi Beltsasar sutiyoq Danielqa huk rato hukmanyarurqa, mancharikuspanmi pensamientopa intusqan karurqa ichaqa reymi payta nirqa: “Beltsasar, amayá qamqa mancharikuychu imam mosqorusqaymantaqa chaynataq imam ninanmantapas” nispa. Hinaptinmi Beltsasarñataq nirqa: “Señorlláy, imam mosqorusqaykiqa kachun cheqnisuqniki runakunapaqyá imam ninanpas kachun enemigoyki runakunapaqyá.

Chuya Qellqa 1992

¹⁹ Chaymi Beltsasar sutiyuq Danielqa mancharikuspan yaqa huk horata hina pensamientonpa intusqan rikurirurqa. Ñoqa reyñataqmi nirqani: “Beltsasar, imam mosqorusqaywanqa chaynataq imam ninanwanpas ama mancharikuychu”, nispay. Chaymi Beltsasarñataq niwarqa: Señorlláy, imam mosqorusqaykiqa kachun cheqnisuqniki runakunapaqyá, imam ninanpas enemigoykikunapaqyá kachun.

Daniel 4:19 Iomraidhean Croise

Génesis 31:35

Hinaptinmi taytanta Raquel nirqa: Taytáy, ama piñakuychu, manam hatariyta atiymanchu killaywanmi kachkani, nispa. Chaymi Labanqa idolonkunata maskaspan mana tarirqachu.

Génesis 32:18

kaynatam ninki: “Señorlláy Esaú, kaykunataqa serviqniki Jacobmi qanman apachimuwarqa, paypas qepaykutam hamuchkan”, nispa.

Génesis 40:12

Joseyñataqmi nirqa: Kaymi mosqoynikipa imam ninanqa: Kimsa kallmakunam kimsa punchaw.

1~Reyes 18:7

Abdiasmi ñanninta richkaspan Eliaswan tuparurqa, reqsiruspanmi qonqoranpa kumuykuspan nirqa: ¿Manachum qamqa taytay Elías kachkanki? nispa.

Éxodo 32:32

Aswanqa huchankutayá pampachaykuy, mana pampachaspaykiqa libropi qellqasqaykimanta sutiytapas chinkarachiy, nispa.

Jeremías 29:7

Chay yachasqaykichik llaqtapa hawkayaynintayá maskaychik, chaypaqyá ñoqata mañakuwaychik, chaynapi llaqta hawkalla kaptin qamkunapas hawkalla kanaykichikpaq.

Jeremías 4:19

¡Ay, sonqollaymi nanawachkan! ¡Sonqollaymi nisyuta tukukuchkan! Manañam hawkayayta tarinichu, manam upallaymanchu. Trompetapa waqasqantam uyarichkani, guerrapaq qapariytam uyarichkani.

Daniel 1:7

Paykunatam palaciopi servikuqkunapa jefen suticharurqa: Danielta Beltsasarwan, Ananiasta Sadracwan, Misaelta Mesacwan, Azariastañataq Abed-negowan.

Daniel 2:26

Hinaptinmi Beltsasar sutiyuq Danielta rey tapurqa: ¿Yaqachum imam mosqorusqaytawan imam ninanta willaykuwankiman? nispa.

Daniel 2:37

Reynilláy, qamqa kanki reykunapapas reyninmi, hanaq pacha Diosmi qosurqanki nacionkunata munaychakuspa atiywan kamachinaykipaq chaynataq ancha reqsisqa kanaykipaq.

Daniel 4:24

Chaynaqa reynilláy, musqokusqaykipa imam ninanqa kaymi: Tukuy imapa hawanpi Diosmi contraykipi decretaspa sentenciarun.

Daniel 5:12

Sutinmi Daniel, paytam Beltsasarwan abueloyki suticharqa, payqa kachkan admirakuypaq espirituyuqmi, yachaypapas hinaspa yuyaypapas huntaykusqanmi; yachantaqmi mosqoykunapa chaynataq sasa entiendena watuchikunapa imam ninantapas. Payqa sasachakuykuna allichaytapas atinmanmi. Chaynaqa, Danieltayá qayamuychik, paymi chay qellqapa imam ninantaqa willasunkichik, nispa.

Daniel 5:18

Tukuy imapa hawanpi munaychakuq Diosmi, taytayki Nabucodonosorta nacionkunapi munaychakunanpaq, hatunchasqa kananpaq hinaspa reqsisqa kananpaq churarqa.

Daniel 5:19

Chaynata hatuncharuptinmi lliw nacionkunapi runakunapas, huk rikchaq rimayniyuqkunapas, katkatataspa payta manchakurqaku, chaynapim runakunataqa munasqanman hina wañurachiqpas otaq kawsachiqpas, hatuncharuqpas otaq usuchiqpas.

Daniel 7:15

Chaykunawanmi ñoqa Daniel hukmanyaruspay pensamientopa intusqan mancharisqallaña karqani.

Daniel 7:28

Kaypim chay willawasqan tukun. Ñoqa Danielñataqmi chaykunapi yuyaymanarispay anchata mancharikurqani, uyaypas hukmanyarurqam; ichaqa chaykunata sonqollaypi waqaychaspam mana pimanpas willarqanichu.

Daniel 8:27

Ñoqa Danielmi eqoyaruspay achka pun-chawkuna onqorurqani, chaymantañam allinyaykuspay reypa kaqninkunata huktawan ruwarqani, ichaqa chay imam rikusqaykunawanmi muspaypi hina tarikurqani, chayqa karqa mana entiendey atinam.

Habacuc 3:10

Orqokunapas rikususpaykim katkatatanku, parapas cielomantam lloqlla hinaraq tallikamun, lamar qochapa ukunkunañataqmi olankuna orqochakuspa hoqarikuptin qaparimun.

1~Samuel 1:15

Chaymi Ana nirqa: Manam taytalláy vinotapas nitaq ima sinkachikuqtapas tomarqanichu, ñoqaqa sonqoypi ancha llakisqam kachkani, chaymi Diospa qayllanpi sonqoymanta mañakuchkani.

1~Samuel 24:8

Ichaqa Davidmi machaymanta Saulpa qepallanta lloqsiramuspan qayarqa: ¡Señorlláy, reynilláy! nispa. Chaymi qepaman Saúl qawariykuptin Davidñataq qonqoranpa pampaman kumuykuspan,

1~Samuel 26:15

Chaymi David nirqa: ¿Manachum qamqa kanki Israel runakuna ukupi mana pipapas igualay atinan? ¿Imanasqataq servisqayki reyta mana allintachu nanachikurqanki? ¡Huk runam reyta wañuchinanpaq yaykumurqa!

1~Samuel 3:17

Chaymi sacerdote Elí tapurqa: ¿Imatataq Dios nisurqanki? Ama pakawaspa willaykuway. ¡Diosyá castigasunki imapas nisusqaykita pakawaptikiqa! nispan.