Daniel 4:14 - CHUYA QELLQA La Biblia en Quechua de Ayacucho 2012

¹⁴ Paymi kallpawan qaparispan nirqa: Chay sachata kuchuruychik, kallmankunatapas qoruruychik, rapinkunatapas chutaparuychik, rurunkunatapas cheqerachiychik, llantuyninpi kaq purun animalkunapas ayqekuchunku, kallmanpi kaq alton pawaq animalkunapas pawakuchunku.

Quechua Ayacucho Bible 1987

¹⁴ Paymi nisyuneqta qayarikuspan nirqa: Chay sachata kuchuruychik. Kallmankunatapas qoruruychik. Rapinkunatapas chutaparuychikyá. Rurunkunatapas cheqerachiychikyá. Ayqekuchunkuyá llantuyninpi kaq purun animalkunapas. Pawarikuchunkuyá kallmanpi kaq alton pawaq animalkunapas.

Chuya Qellqa 1992

¹⁴ Paymi kallpawan qaparispan nirqa: Chay sachata kuchuruychik, kallmankunatapas qoruruychik, rapinkunatapas chutaparuychik, rurunkunatapas cheqerachiychik, llantuyninpi kaq purun animalkunapas ayqekuchunku, kallmanpi kaq alton pawaq animalkunapas pawakuchunku.

Daniel 4:14 Iomraidhean Croise

Jobwan Sutichasqa Libro 24:20

Paykunataqa mamankupunipas qonqarunqam, paykunataqa urukunam mikurunqa, manañam pipas yuyarinqachu. Sacha hinam kuchusqa kanqaku.

Jeremías 27:5

Hatu-hatun atiyniywanmi kay pachatapas, chaypi kaq runakunatawan animalkunatapas ruwarqani. Chaynaqa, pimanpas munasqaymanmi qoykuyman.

Jeremías 51:6

¡Vidaykichikta salvanaykichikpaq Babiloniamanta lluptiychik! ¡Ama paykunapa huchanmanta wañuychikchu! ¡Ñoqa Tayta Diospa vengakunay punchawmi chayaramun! ¡Imam ruwasqankuman hinam pagapusaq!

Jeremías 51:9

¡Babiloniataqa hampirunikuñam, ichaqa manam sanoyanchu! ¡Saqeychik! Llaqtanchikman sapakama ripukusun. Huchankunaqa cielokamaraqmi chayarun, puyukamaraqmi hoqarikurun.

Ezequiel 31:10

Ñoqa Tayta Diosmi kaynata nini: Chay sacham llumpayta wiñarurqa, puntankunapas puyukamaraqmi cha-yarqa, sayayninman hinam hatuncha-kuyta qallaykurqa.

Daniel 2:21

Payllam tiempokunatawan punchawkunatapas tikran, payllam reykunata hurqon hinaspa churan, payllam yachayniyuqkunaman yachayta qon, payllataqmi yuyayniyuqmanpas yuyayta qon.

Daniel 3:4

Willakamunanpaq reypa kamachisqanmi qayaykachakurqa kaynata: Llapallan runakuna, lliw nacionkunamanta kaqkuna hinaspa rikchaqmana rimayniyuqkuna, uyariychik.

Daniel 4:12

Mayna sumaqmi llaqenkunapas kasqa, rurunkunapas llumpaymi kasqa, chaypiqa llapallanpaqmi mikuykunapas kasqa. Purun animalkunapas ukunpim llantukusqaku, alton pawaq animalkunapas kallmankunapim qesachakusqaku, llapallan kawsaqkunapas chayllawanmi kawsasqaku.

Daniel 4:23

Reynilláy, qamqa rikurqankitaqmi huk ángel hanaq pachamanta uraykamuspan: “Chay sachata kuchuruspa chinkarachiychik, kulluntañataq sapintinta hina allpapi saqeruychik, fierro cadenawan bronce cadenawan hinallapi wataruychik hinaspa purun pasto ukupi saqeruychik. Paytaqa sulla nuyuchun, qanchis watapuni purun animalkunawan pastota mikuchun”, niqtapas.

Daniel 4:29

Huk watamantañam Babilonia nacionpi palacionpa altosninpi purichkaspan

Daniel 5:20

Aswanqa hatun tukuruspa sonqonpi hoqarikuruptinmi rey kayninmantapas wischururqa, qechururqataqmi reqsisqa kaynintapas.

Daniel 5:21

Paytaqa runakuna ukumanta wischuruptinkum animal hinaña rikurirurqa, hinaspam purun asnokunawan kawsaspa torokunawan kuskaña pastota mikurqa, cuerpontapas sullam nuyurqa. Chaynam tarikurqa, tukuy imapa hawanpi munaychakuq Diospa llapallan runakunapa kamachikuyninpi munaychakusqanta reqsikunankama, reqsikurqataqmi chay kamachikuykunataqa munasqanman hina pimanpas Dios qosqantapas.

Mateo 3:10

Hachaqa ñam sachakunapa sapinman churasqaña kachkan. Mana allin ruruq sachakunaqa kuchusqa kaspam ninaman wischusqa kanqa.

Mateo 7:19

Mana allin ruruq sachaqa kuchuchikuspam ninaman wischuchikunqa.

Lucas 3:9

Hachaqa chayllam kachkan sachakunata sapinmanta kuchunapaq. Mana ruruq sachaqa sapinmanta kuchusqa kaspam ninaman wischusqa kanqa, nispa.

Apocalipsis 10:3

Hinaspam leonpa qaparisqanta hinaraq hatunmanta qaparirqa, chaynata qapariptinmi qanchis rayokuna toqyaramurqa.

Apocalipsis 18:2

Llumpayta qaparispanmi nirqa: ¡Wichiykunñam, wichiykunñam hatu-hatun Babilonia llaqtaqa! Demoniokunapa wasinñam rikurirun, chay llaqtaqa tukuy rikchaq mana allin espiritupa yachananñam rikurirun, millakuypaq hinaspa cheqnipay llapa animalkunapa qesanñam rikurirun.