Daniel 4:1 - CHUYA QELLQA La Biblia en Quechua de Ayacucho 2012

¹ Ñoqa rey Nabucodonosormi kay pachapi llapallan runakunaman, lliw nacionkunaman, tukuy rikchaq rimayniyuqkunaman qellqamuykichik: Hawkayay qamkunapi kachun.

Quechua Ayacucho Bible 1987

¹ Rey Nabucodonosormi cartata apachirqa kayna niqta: Ñoqa Rey Nabucodonosormi munachkani llapallan runakuna, lliw nacionpi yachaqkuna, huk rikchaq rimayniyoqkuna hinaspa tukuy kay pachapi *f**yachaqkuna hawkalla tarikunaykichikta.

Chuya Qellqa 1992

¹ Ñoqa rey Nabucodonosormi kay pachapi llapallan runakunaman, lliw nacionkunaman, tukuy rikchaq rimayniyuqkunaman qellqamuykichik: Hawkayay qamkunapi kachun.

Daniel 4:1 Iomraidhean Croise

1~Crónicas 12:18

Hinaptinmi kimsa chunka soldadokunapa kamachiqnin Amasaiman Tayta Diospa Espiritun huntaykurqa, chaymi pay nirqa: ¡David, ñoqaykuqa qampam kaniku! ¡Isaipa churin, ñoqaykuqa qanwanmi kachkaniku! ¡Hawkayay qanwan kachun! ¡Yanapaqnikikunawanpas hawkayay kachun! ¡Diosnikim yanapasuqnikiqa! nispa. Chaymi paykunata David chaskiykuspan tropankunata kamachinankupaq churaykurqa.

Esdras 4:17

Hinaptinmi rey Artajerjes kaynata cartarqa: Kamachikuq Rehum, secretario Simsai, Samaria lawpi yachaqkuna hinaspa Eufrates mayupa waklawninpi kaqkuna, qamkunatam rimaykamuykichik.

Esdras 5:7

Reynillayku Darío, hawkayay qanwan kachun.

Ester 3:12

Hinaptinmi chay watapi punta kaq killapa chunka kimsayuq punchawninpi, reypa secretarionkuna Amanpa kamachikusqanman hina regionkunapi hinaspa provinciakunapi gobernadorkunaman, chaynallataq nacionkunapi kamachikuqkunamanpas, qellqasqankuman chaynataq rimayninkuman hina qellqarqaku. Rey Asueropa sutinpi qellqaspankum anillonwan sellarqaku.

Ester 8:9

Chaymi Siván sutiyuq kimsa kaq killapa iskay chunka kimsayuq punchawninpi reypaq qellqaqkunata qayachimurqaku, hinaptinmi Mardoqueopa tukuy kamachisqanta qellqarqaku judiokunaman, gobernadorkunaman chaynataq kamachikuqkunamanpas; Indiamanta qallaykuspa Etiopiakama pachak iskay chunka qanchisniyuq provinciakunaman, sapa provinciapa imaynam qellqankuman hina chaynataq rimayninkuman hina. Qellqarqakutaqmi judío runakunamanpas imaynam qellqasqankuman chaynataq rimayninkuman hina.

Daniel 3:29

Chayraykum llapallan runakunata, llapallan nacionkunata chaynataq huk rikchaq rimayniyuq runakunatapas kamachini; Sadracpa, Mesacpa, Abed-negopa Diosninkupa contranpi rimaqkunaqa tisapasqam kanqaku, wasinkupas ispakuna raqaymanñam tikrasqa kanqa, paykunapa Diosnin hina kayna librakuykuqqa manam kanchu, nispa.

Daniel 3:4

Willakamunanpaq reypa kamachisqanmi qayaykachakurqa kaynata: Llapallan runakuna, lliw nacionkunamanta kaqkuna hinaspa rikchaqmana rimayniyuqkuna, uyariychik.

Daniel 6:25

Chaymi rey Darío huk cartata llaqtakunaman, nacionkunaman, tukuy rikchaq rimayniyuqkunaman kayna niqta apachirqa: Ñoqa rey Dariom munachkani hawkalla tarikunaykichikta.

Daniel 6:27

Paymi salvaqninchikpas chaynataq libraqninchikpas, kay pachapipas hanaq pachapipas payllam milagrokunata ruwan, payllataqmi Danieltapas libraykun leonkunapa mikusqan kananmanta.

Daniel 7:14

Chaymi payman atiyta, ancha reqsisqa kayta, munaychakuyta qoykurqaku; chaynapi llaqtakuna, nacionkuna, rikchaqmana rimayniyuqkuna payta servinankupaq. Paypa munaychakuyninqa wiña-wiñaypaq mana tukuqmi, kamachikuyninpas mana haykapipas chinkaqmi.

Zacarías 8:23

Tukuy Atiyniyuq Tayta Diosmi kaynata nin: Chay punchawkunapim, tukuy rikchaq rimayniyuq huklaw nacionkunamanta chunka runakuna, Judá nacionniyuq runata capanmanta hapipakuruspa ninqaku: “Qamkunawan riytam munaniku, qamkunawan Dios kasqantam uyariruniku”, nispanku.

Hechos 2:6

Chay wayra hina qapariyta uyariruspankum lliw runakuna chay apostolkunapa kasqanman huñunakaramurqaku, hinaspankum sapakamapa rimayninkupi rimaqta uyariruspanku mana ima niytapas atirqakuchu.

Romanos 1:7

Chaymi Roma llaqtapi Diospa kuyasqankunaman qellqamuykichik, Diosmi kuyasunkichik, hinaspam payllapaqña kawsanaykichikpaq qayasurqankichik. Dios Taytanchikpa chaynataq Señorninchik Jesucristopa kuyakuyninwan hawkayayninyá qamkunawan kachun.

Efesios 1:2

Dios Taytanchikwan Señorninchik Jesucristoyá kuyapayakuynintawan hawkayayninta qamkunaman chaq-churimuchun.

1~Timoteo 1:2

Kuyasqay Timoteo rimaykamuykim, qamqa iñiypi cheqap churiymi kanki. Dios Taytanchikwan Señorninchik Jesucristoyá kuyakuynintawan hawkayayninta qampa hawaykiman chaqchurimuchun.

1~Pedro 1:2

Qamkunataqa Dios Taytam yachayninman hina ñawpaqmantaraq akllasurqankichik. Espiritunwanmi chuyanchasurqankichik kasukuq kanaykichikpaq hinaspa Jesucristopa yawarninwan mayllasqa kanaykichikpaq. Diospa kuyakuyninwan hinaspa hawkayayninyá qamkunapi llimparichun.