Daniel 2:5 - CHUYA QELLQA La Biblia en Quechua de Ayacucho 2012

⁵ Chaymi rey nirqa: Ñoqaqa ñam tantearuniña; sichum mosqosqaytapas nitaq imam ninantapas mana willawaspaykichikqa tisapasqam kankichik, wasikichikpas ispakuna raqayñam rikurirunqa.

Quechua Ayacucho Bible 1987

⁵ Chaymi reyñataq nirqa: —Ñoqaqa chunkay-chunkaytam tanteakuruni chaynaqa qamkunayá allinta uyariwaychik: Mosqosqaytapas hinaspa imam ninantapas mana willawaspaykichikqa tisapasqam kankichik, wasikichikpas qopa patañam rikurirunqa.

Chuya Qellqa 1992

⁵ Chaymi rey nirqa: Ñoqaqa ñam tantearuniña; sichum mosqosqaytapas nitaq imam ninantapas mana willawaspaykichikqa tisapasqam kankichik, wasikichikpas ispakuna raqayñam rikurirunqa.

Daniel 2:5 Iomraidhean Croise

2~Reyes 10:27

Baal idolotapas ñuturuspankum templontapas tuñirachirqaku, hinaspam ispakunanku sitiotaña ruwarurqaku, chaynam kachkan kunankamapas.

Esdras 6:11

Sichum pipas kay kamachikusqayta mana kasukuptinqa, wasinmanta qeruta hurqospa chaypi warkuspa wañuchichunku. Wasintapas tuñichispa purmachichunku.

Daniel 2:12

Chayta uyariykuspanmi reyqa llumpayta piñakururqa, hinaspam kamachirqa Babilonia nacionpi llapallan yachayniyuq runakunata wañuchi-nankupaq.

Daniel 3:29

Chayraykum llapallan runakunata, llapallan nacionkunata chaynataq huk rikchaq rimayniyuq runakunatapas kamachini; Sadracpa, Mesacpa, Abed-negopa Diosninkupa contranpi rimaqkunaqa tisapasqam kanqaku, wasinkupas ispakuna raqaymanñam tikrasqa kanqa, paykunapa Diosnin hina kayna librakuykuqqa manam kanchu, nispa.

Daniel 4:9

Yachayniyuqkunapa kamachiqnin Beltsasar, yachanim ñoqaqa chuya dioskunapa espiritun qampi kasqanta, yachanitaqmi pakasqa kaqkunatapas lliwta musyasqaykita, chaynaqa mosqorusqayta uyariykuspa imam ninanta willaykuway.

Deuteronomio 13:16

Chay llaqtapa llapa kapuqnintam plazapa chawpinpi huñuruspaykichik llaqtantinta kañaykunkichik, Señornikichik Tayta Diospaq lliw kañana ofrendata hina. Chaynapim chay llaqta wiñaypaq purmachisqa kanqa, manaña huktawanqa hatarichisqa kanankama.

Josué 6:26

Chay tiempopim juraspan Josué kaynata nirqa: Pipas kay Jericó llaqtata musoqmanta hatarichiqqa Tayta Diospa ñakasqanyá kachun. Piwi churinpa hawanpiyá cimientonkunatapas hatarichichun, sullka churinpa hawanpiyá punkunkunatapas churachun, nispa.

1~Samuel 15:33

Samuelmi ichaqa nirqa: Espadaykiwanmi achkallaña warmikunapa wawanta wañuchirqanki, chaynapunim mamaykipas manaña wawayuq kanqa. Chaynata nispanmi Agagta Samuel wañurachirqa Gilgal llaqtapi, Tayta Diospa ñawpaqninpim chika-chikanta kuchuparurqa.