Daniel 2:48 - CHUYA QELLQA La Biblia en Quechua de Ayacucho 2012

⁴⁸ Danielta llumpayta hatunchaspanmi achkallaña regalokunata rey qorqa, hinaspam Babilonia lawpi gobernador kananpaq, chaynallataq chay nacionpi llapallan yachayniyuq runakunapa kamachiqnin kananpaq churarqa.

Quechua Ayacucho Bible 1987

⁴⁸ Danielta rey llumpayllataña hatunchaspanmi qorqa achkallaña suma-sumaq regalokunata hinaspam churarqa Babilonia lawpi prefecto kananpaq. Paytaqa churarurqataqmi chay nacionpi llapallan yachayniyoq runakunapa jefen kananpaqpas.

Chuya Qellqa 1992

⁴⁸ Danielta llumpayta hatunchaspanmi achkallaña regalokunata rey qorqa, hinaspam Babilonia lawpi gobernador kananpaq, chaynallataq chay nacionpi llapallan yachayniyuq runakunapa kamachiqnin kananpaq churarqa.

Daniel 2:48 Iomraidhean Croise

2~Samuel 19:32

Barzilaiqa pusaq chunka watayuq yuyaqñam karqa, Mahanaim llaqtapi kachkaptinmi Barzilaiqa apu-apu kasqanrayku reyta tukuy imawan yanaparqa.

2~Reyes 5:1

Naamanqa karqa Siria nacionpi reypa llapa tropankunapa kamachiqninmi, paynintakamam Siria nacionta enemigonkunamanta Tayta Dios librarqa, chayraykum reyninqa anchata kuyarqa. Payqa allinnin qari-qari soldadom karqa, ichaqa lepra onqoywanmi ñakarirqa.

Jobwan Sutichasqa Libro 1:3

Karqataqmi qanchis waranqa ovejankunapas, kimsa waranqa camellonkunapas, pichqa pachak pares toronkunapas, pichqa pachak china asnonkunapas hinaspa achka-achka criadonkunapas. Jobqa intipa qespimunan lawpi llapallan runakunamantapas ancha apu-apum karqa.

Jeremías 5:5

Chaynaqa, yachayniyuqkunawanyá rimamusaq. Paykunaqa yachankum Tayta Diospa munasqanman hina kawsayta. Ichaqa paykunapas Diospa contranpi hoqarikuruspankum mana kasukurqakuchu.

Daniel 2:6

Mosqorusqaytawan imam ninanta willaykuwaptikichikmi ichaqa hatunchaspay regalokunata qosqaykichik, qamkunataqa ancha reqsisqatam ruwasqaykichik; chaynaqa imam mosqosqaytawan imam ninanta willaykuwaychik, nispa.

Daniel 3:1

Rey Nabucodonosormi qorimanta idolota ruwachirqa, chaypa sayayninmi karqa yaqa kimsa chunka metro, anchonñataqmi yaqa kimsa metro karqa. Hinaspam kamachikurqa Babilonia lawpi Dura sutiyuq pampapi sayachinankupaq.

Daniel 3:12

Reynillayku, ichaqa kachkanmi qampa kamachisqaykita mana kasukuq judío runakuna, paykunataqa Babilonia lawpi kamachikuqkuna kanankupaqraqmi churarqankipas, chayna kachkaspapas manam idoloykikunatapas nitaq qorimanta ídolo sayachisqaykitapas yupaychankuchu, paykunapa sutinmi: Sadrac, Mesac hinaspa Abed-negom, nispa.

Daniel 3:30

Chaynapim rey Nabucodonosorqa, Sadracta, Mesacta, Abed-negota aswan atiyniyuq kanankupaqraq Babiloniapi churarqa.

Daniel 4:6

Chayraykum kamachikurqani Babilonia nacionpi llapallan yachayniyuq runakuna qayllayman hamunankupaq, chaynapi mosqorusqaypa imam ninanta willawanankupaq.

Daniel 4:9

Yachayniyuqkunapa kamachiqnin Beltsasar, yachanim ñoqaqa chuya dioskunapa espiritun qampi kasqanta, yachanitaqmi pakasqa kaqkunatapas lliwta musyasqaykita, chaynaqa mosqorusqayta uyariykuspa imam ninanta willaykuway.

Daniel 5:11

Kay munaychakusqayki nacionpiqa kachkanmiki chuya dioskunapa espiritunpa huntaykusqan runa. Abueloyki rey Nabucodonosorpa tiemponpim chay runaqa dioskuna hina allin yachayniyuq chaynataq allin yuyayniyuq kasqanta qawachikurqa. Chayraykum abueloyki Nabucodonosorqa payta churarurqa layqakunapa, qawaqkunapa, Caldeapi kaq yachayniyuqkunapa hinaspa adivinaqkunapa kamachiqnin kananpaq.

Daniel 5:16

Qanmantam ichaqa uyarirqani tukuy imakunapapas imam ninan willakuy atisqaykita chaynataq ima sasallaña kaqtapas allichay atisqaykita. Chaynaqa, sichum wak qellqata leeykuspa imam ninanta niykuwaptikiqa sumaqllaña grosella pachawanmi pachachisqayki, kunkaykimanpas qorimanta collartam wallqachisqayki, munaychakuyniypipas kimsa kaq kamachikuq kanaykipaqñam churasqayki, nispa.

Daniel 5:29

Chaynata Daniel willaykuptinmi, rey Belsasar kamachikurqa sumaqllaña grosella pachawan Danielta pachachinankupaq chaynataq qorimanta collarwanpas wallqachinankupaq, hinaspam munaychakuyninpi Danielqa kimsa kaq kamachikuq kasqanta llapallanman willachimurqa.

Daniel 5:7

Chaymi qaparispan qayachirqa qawaqkunata, Caldeapi yachayniyuq-kunata hinaspa adivinaqkunata. Payku-natam nirqa: Wak qellqata leey atiqqa chaynataq imam ninanta willaykuwaqniyqa sumaqllaña grosella pachawan pachachisqam kanqa, kunkanmanpas qorimanta collarwanmi wallqachisaq, munaychakuyniypipas payqa kimsa kaq kamachikuqmi kanqa, nispa.

Daniel 8:27

Ñoqa Danielmi eqoyaruspay achka pun-chawkuna onqorurqani, chaymantañam allinyaykuspay reypa kaqninkunata huktawan ruwarqani, ichaqa chay imam rikusqaykunawanmi muspaypi hina tarikurqani, chayqa karqa mana entiendey atinam.

Números 24:11

Chaynaqa, wasikiman ripuy. Ñoqaqa ancha reqsisqatam ruwaykiman karqa, aswanqa Tayta Diosmi harkakurun, nispa.

1~Samuel 17:25

kaynata ninakurqaku: ¿Qawachkankichikchu wak runata? Wak runaqa lloqsiramun insultawananchikpaqmi. Pipas wañurachiqtaqa, reymi qori-qollqewan apuyachispa warmi churinwan casarachinqa, ayllunkunamantapas manañam impuestota cobran-qañachu, nispanku.

1~Samuel 2:8

Diosllam wakchatapas hatarichin, payllam millay lugarmanta usuqkunatapas sayarichin, allin reqsisqa runakunawanmi tiyaykachin. Tayta Diosmi kay pachata takyachin.

1~Samuel 25:2

Maón llaqtapim yacharqa huk apu runa, kimsa waranqa ovejayuq, waranqa cabrayuq. Paymi chay punchawkunapi Carmel llaqtapi ovejankunata rutuchkarqa.