Daniel 2:47 - CHUYA QELLQA La Biblia en Quechua de Ayacucho 2012

⁴⁷ Hinaspam Danielta nirqa: Cheqaptapunipas qamkunapa Dios-nikichikmi llapa dioskunapa Diosninqa, payqa reykunapapas Reyninmi, payllataqmi pakasqa kaqkunatapas reqsichin. Chayraykum qamqa kay pakasqa kaqkunata rikuykachiwanki, nispa.

Quechua Ayacucho Bible 1987

⁴⁷ Hinaspam Danielta nirqa: —Cheqaptapunipas qamkunapa Diosnikichikmi llapa dioskunapa diosninqa, payqa reykunapapas kamachiqnintaqmi, payllam pakasqa kaqkunataqa rikuchiyta atin. Chayraykum qamqa kay pakasqa kaqkunata rikuykachiwanki —nispa.

Chuya Qellqa 1992

⁴⁷ Hinaspam Danielta nirqa: Cheqaptapunipas qamkunapa Diosnikichikmi llapa dioskunapa Diosninqa, payqa reykunapapas Reyninmi, payllataqmi pakasqa kaqkunatapas reqsichin. Chayraykum qamqa kay pakasqa kaqkunata rikuykachiwanki, nispa.

Daniel 2:47 Iomraidhean Croise

Génesis 41:39

Chaymi Joseyta Faraón nirqa: Diosllam tukuy kaytaqa willasurqanki, qam hina yuyayniyuq hinaspa yachayniyuq runaqa manam pipas kanchu.

2~Reyes 5:15

Chaymantam riqmasinkunapiwan Eliseopa kasqanman kutiruspanku ñawpaqninpi sayaykuspa Naamán nirqa: Kunanmi yachaykuni, manam kay pachapiqa Dios kanchu aswanqa Israel nacionllapim. Ama hina kaspaykiyá kay serviqnikimanta kay regalokuna apamusqayta chaskiykullaway, nispa.

Jobwan Sutichasqa Libro 12:19

Sacerdotekunatam llamkayninmanta hurqon, munaychakuqkunapa atiynintam tuñichin.

Ezequiel 26:7

Ñoqa Tayta Diosmi kaynata nini: Tiro llaqtapa contranpim norte lawmanta Babilonia nacionpa reynin Nabucodonosorta pusamuchkani, payqa llumpay atiyniyuq reymi, paymi carretakunawan, silladakunawan hinaspa nana-nanaq tropakunawan, Tiro llaqtata atacananpaq hamuchkan.

Daniel 11:36

Norte nacionniyuq reymi tukuy imam munasqanta ruwanqa, hatun tukuspanmi kaynata ninqa: “Ñoqaqa llapallan dioskunapapas hawanpim kachkani”, nispa. Payqa Diospa contranpipas millakuypaq mana allinkunatam rimanqa. Payqa tukuy imapim allinllaña lloqsinqa Diospa piñakuynin payta hayparunankama. Diosqa imam tanteasqantaqa ruwanqapunim.

Daniel 2:19

Chay tutam Diospuni Danielman revelacionpi chay pakasqa kaqkunata qawachirqa, chaymi Danielqa hanaq pacha Diosta

Daniel 2:22

Payllam sasa entiendena kaqkunata runakunaman yachachin, pakasqa kaqkunatapas reqsichin. Payqa tutayaypiña kaqkunatapas reqsinmi, achkiypas paywanmi tarikun.

Daniel 2:28

Ichaqa kachkanmi hanaq pachapi Dios, payllam kayna pakasqa kaqkunataqa reqsichin, hinaspam qanmanpas reynilláy Nabucodonosor hamuq punchawkunapi imam pasakunanmanta reqsichisunki. Ñoqam mosqoynikipi visión chaskisqaykita willasqayki.

Daniel 2:29

Reynilláy, qanmi camaykipi kachkaspayki hamuq punchawkunapi imam pasakunanmanta yuyaymanachkarqanki, hinaptinmi pakasqa kaqkunata reqsichiq qanman willasurqanki.

Daniel 2:30

Chay pakasqa kaqkunataqa ñoqamanpas qawachiwarqam; chaytaqa qawachiwarqa manam llapallan kawsaq runamantapas aswan yachayniyuq kasqayraykuchu, chaytaqa qawachiwarqa chay mosqorusqaykipa imam ninanta qanman willanaypaqmi chaynataq tukuy imam yuyaymanasqaykita yachanaykipaqmi.

Daniel 2:37

Reynilláy, qamqa kanki reykunapapas reyninmi, hanaq pacha Diosmi qosurqanki nacionkunata munaychakuspa atiywan kamachinaykipaq chaynataq ancha reqsisqa kanaykipaq.

Daniel 3:15

Chaynaqa, ¿listochu kachkankichik tocasqankuta uyariykuspa ruwachisqay idolopa ñawpaqninpi qonqorakunaykichikpaq hinaspa hatunchanaykichikpaq? Mana hatunchaspaykichikqa chaypunillam rupachkaq hornoman wischusqa kankichik. Hinaptinqa, ¿yaqachu mayqan diospas makiymanta librarusunkichikman? nispa.

Daniel 3:28

Hinaptinmi rey Nabucodonosor chaylla nirqa: Sadracpa, Mesacpa, Abed-negopa Diosnin hatunchasqa kachun. Paymi angelninta kachamurqa hapipakuqnin serviqninkunata libraykunanpaq. Arí, paykunaqa Diosnillankuta hatunchayta munaspankum ñoqapa kamachikusqaytapas mana kasukurqakuchu, wañuytapas mana manchakuspankum huk dioskunataqa mana yupaycharqakuchu.

Daniel 3:29

Chayraykum llapallan runakunata, llapallan nacionkunata chaynataq huk rikchaq rimayniyuq runakunatapas kamachini; Sadracpa, Mesacpa, Abed-negopa Diosninkupa contranpi rimaqkunaqa tisapasqam kanqaku, wasinkupas ispakuna raqaymanñam tikrasqa kanqa, paykunapa Diosnin hina kayna librakuykuqqa manam kanchu, nispa.

Daniel 4:17

Kay sentenciataqa angelkunam qomurqaku, angelkunam chaynata tantearqaku, chaynapi llapa runakunapa kamachikuyninpiqa tukuy imapa hawanpi kaq Dioslla munaychakuq kasqanta yachanankupaq, chay kamachikuytaqa paymi munasqanman hina pimanpas qon, humilde runatapas huk nacionpa kamachiqnin kananpaqmi churan.

Daniel 4:25

Reynilláy, runakuna ukumanta wischusqa kaspam purun animalkunawanña kawsanki, torokuna hinam pastotaña mikunki, sullapas nuyusunkim. Qanchis watapunim chayna kawsanki, chaymantañam qamqa reqsikunki, tukuy imapa hawanpi munaychakuq Diosqa llapallan runakunapa kamachikuyninpi munaychakuq kasqanta, kamachikuq kananpaqqa paymi munasqanman hina pitapas churan.

Daniel 4:32

runakuna ukumanta wischusqa kaspam purun animalkunawanña kawsanki, torokuna hina pastota mikuspam qanchis watapuni kawsanki, chaymantañam reqsikunki tukuy imapa hawanpi munaychakuq Diosqa llapallan runakunapa kamachikuyninpi munaychakusqanta, payqa chay kamachikuytaqa munasqanmanmi pimanpas qon”, nispa.

Daniel 5:11

Kay munaychakusqayki nacionpiqa kachkanmiki chuya dioskunapa espiritunpa huntaykusqan runa. Abueloyki rey Nabucodonosorpa tiemponpim chay runaqa dioskuna hina allin yachayniyuq chaynataq allin yuyayniyuq kasqanta qawachikurqa. Chayraykum abueloyki Nabucodonosorqa payta churarurqa layqakunapa, qawaqkunapa, Caldeapi kaq yachayniyuqkunapa hinaspa adivinaqkunapa kamachiqnin kananpaq.

Amós 3:7

Tayta Diosqa imam ruwananta profetankunaman mana willachkaspaqa manam imatapas ruwanqachu.

1~Corintios 14:25

Chaynapim sonqonpi pakasqakunapas yachasqa kanqa, hinaptinmi qonqorakuykuspan Diosta yupaychanqa: Cheqaptapunim Diosqa qamkunawan kasqa, nispan.

Deuteronomio 10:17

Señornikichik Tayta Diosqa dioskunapapas Diosninmi, señorkunapapas Señorninmi, Payqa hatun munayniyuqmi, Tukuy Atiyniyuqmi, kasukuna Diosmi. Manam pimanpas sayapakunchu nitaqmi sobornotapas chaskikunchu,

1~Timoteo 6:15

Paytam tiempo chayamuptin Dios rikurichimunqa. Payllam Tukuy Atiyniyuq Diosqa, kamachikuqqa, reykunapa Reyninqa hinaspa señorkunapa Señorninqa.

Josué 22:22

Dioskunapapas Diosnin Señorninchik Tayta Diosmi yachan, chaytaqa manam paypa contranpi hatarispaykuchu nitaqmi payta qepanchaspaykuchu ruwarqaniku. Paymi yachan, qamkunapas yachaychikyá, sichum chayrayku ruwaptiykuqa, lliwtayá kunan wañurachiwayku.

Apocalipsis 1:5

chaynataq Jesucristomantapas. Payqa cheqap testigom, wañuqkunamanta punta kawsarimuqmi, reykunapa reyninmi, kuyawaspanchik huchanchikkunamanta yawarninwan mayllaqninchikmi.

Apocalipsis 17:14

Corderowan peleaptinkum Cordero vencerunqa, payqa señorkunapa Señorninmi, reykunapa Reyninmi. Paywan kaqkunaqa Diospa akllasqankunam hinaspa qayasqankunam, paykunaqa qaqa hinam sayachkanku, nispa.

Apocalipsis 19:16

Pachanpipas chaynataq piernanpipas kayna qellqasqam kasqa: “Reykunapa Reynin, Señorkunapapas Señornin” niq.