Daniel 2:45 - CHUYA QELLQA La Biblia en Quechua de Ayacucho 2012

⁴⁵ Qamqa reynilláy, rikurqankim orqomanta huk rumi lloqsiramuspan mana pipas kumpaykamuchkaptillan kururakamuspan fierrota, bronceta, kañasqa mituta, qollqeta hinaspa qoritapas ñutuparusqanta. Hatu-hatun Diosmi qanman hamuq punchawkunapi imam pasananmanta qawachisurqanki, chayraykum chay mosqorusqaykiqa cheqap, chaypa imam ninanpas cheqaptaqmi, nispa.

Quechua Ayacucho Bible 1987

⁴⁵ Qamqariki reynilláy, rikurqankim mana pipas horqochkaptillan huk rumi kumpakamuspan fierrota, bronceta, kañasqa mituta, qollqeta hinaspa qoritapas ñutuparusqanta. Chayraykum hatu-hatun Diosqa qanman qawachisurqanki hamuq punchawkunapi imam pasananmanta, chaynaqa chay mosqorusqaykiqa ciertopunim, chaypa imam ninanpas cheqaptaqmi —nispa.

Chuya Qellqa 1992

⁴⁵ Qamqa reynilláy, rikurqankim orqomanta huk rumi lloqsiramuspan mana pipas kumpaykamuchkaptillan kururakamuspan fierrota, bronceta, kañasqa mituta, qollqeta hinaspa qoritapas ñutuparusqanta. Hatu-hatun Diosmi qanman hamuq punchawkunapi imam pasananmanta qawachisurqanki, chayraykum chay mosqorusqaykiqa cheqap, chaypa imam ninanpas cheqaptaqmi, nispa.

Daniel 2:45 Iomraidhean Croise

Génesis 41:26

Qanchis sumaq vacakunawan qanchis sumaq espigakunaqa qanchis watallam. Mosqoynikiqa chullallam.

Génesis 41:28

Diosmi imam ruwananta qawachisuchkanki kay willasqayman hina:

Génesis 41:32

Diosmi chaynatapuni utqayman ruwanqa, chaypaqmi iskay kutikama mosqorqanki.

2~Samuel 7:22

Dios Taytalláy, ¡mayna hatunmi qamqa kanki! Qam hinaqa manam pipas kanchu. Uyarisqaykupi hinapas qanmanta sapaq Diosqa manam kanchu.

1~Crónicas 16:25

Tayta Diosqa ancha hatunmi, payqa yupaychana Diosmi, dioskunamantapas aswan manchakuypaqmi.

Nehemías 4:14

Hinaspaymi mancharisqallaña kasqankuta qawarispay, llapa kamachikuqkunatawan ancha reqsisqa runakunata hinaspa llapa runakunata kaynata nirqani: Ama paykunataqa manchakuychikchu, Diosninchikpa ancha atiyniyuq kasqantayá yuyariychik, chaynaqa aylluykichik, churikichikkuna, warmikichik hinaspa wasikichikrayku peleaychik, nispay.

Nehemías 9:32

Dios Taytallayku, qamqa tukuy atiyniyuqmi kanki, manchakuypaq atiyniyuqmi kanki, pacto ruwasqaykitawan hatun kuyakuynikita cumpliqmi kanki. Llapa reyniykupas, kamachiqniykupas, sacerdoteykupas, profetaykikunapas, taytaykupas chaynataq llapa runakunapas ñakarisqankutaqa amayá asllapaqqa hapiychu. Chaykunam pasawarqaku Asiria nacionniyuq reykunapa tiemponmanta kunankama.

Jobwan Sutichasqa Libro 36:26

Diosqa hatu-hatunmi, chayraykum mana entiendeyta atichwanchu, watankunatapas manataqmi yupayta atichwanchu.

Isaías 28:16

Chayraykum Tayta Dios kaynata nin: Ñoqam Sión moqopi cimientopaq churani, kuyayllapaq suni takyaq akllasqa esquina rumita. Pipas chay rumipi hapipakuqqa manam hukmanyanqachu.

Daniel 2:24

Chaymantam Daniel rirqa Ariocwan rimaq. Paytam rey kamachirqa Babilonia nacionpi llapallan yachayniyuq runakunata wañuchinanpaq. Danielmi payta nirqa: Amayá wañuchiychu Babilonia nacionpi yachayniyuq runakunataqa. Ñoqatayá reyman pusaruway mosqoyninpa imam ninanta willamunaypaq, nispa.

Daniel 2:28

Ichaqa kachkanmi hanaq pachapi Dios, payllam kayna pakasqa kaqkunataqa reqsichin, hinaspam qanmanpas reynilláy Nabucodonosor hamuq punchawkunapi imam pasakunanmanta reqsichisunki. Ñoqam mosqoynikipi visión chaskisqaykita willasqayki.

Daniel 2:29

Reynilláy, qanmi camaykipi kachkaspayki hamuq punchawkunapi imam pasakunanmanta yuyaymanachkarqanki, hinaptinmi pakasqa kaqkunata reqsichiq qanman willasurqanki.

Daniel 2:44

Chay reykuna munaychakuchkaptinkum hanaq pacha Dios hatarichinqa wiñaypaq mana tuñichiy atina munaychakuyta, chay munaychakuypa hawanpiqa manam hukqa munaychakunqachu. Aswanqa chay munaychakuymi llapallan munaychakuykunata ñutupaspan wiña-wiñaypaq takyanqa.

Daniel 8:25

Sakrillaña kasqanraykum runakunata llumpayta engañanqa. Sonqonpi hatunchakuspanmi hawka kawsakuqkunatapas achkallataña wañuchinqa. Payqa kamachikuqkunapa kamachiqninpa contranpim hatarinqa, aswanqa vencesqam kanqa, ichaqa manam runakunapa atiyninwanchu.

Hageo 2:22

nacionku-napa atiynintam tuñichisaq, munay-chakuqkunatam puchukachisaq; gue-rrapaq carretakunatawan manejaq-ninkunatam wichichisaq, caballokunapas sillakuqninpiwanmi wañunqaku, kikinkupurallam espadankuwan wañuchinakunqaku.

Zacarías 12:3

Chay pun-chawpim Jerusalén llaqtata, llapa nacionkunapa contranpi llasa-llasaq rumita hina ruwarusaq; pipas hoqariy munaqtaqa chay rumim ñuturunqa. Hinaptinmi kay pachapi llapallan llaqtakuna contranpi huñunakunqaku, nispa.

Malaquías 1:11

Ñoqataqa intipa qespimunan lawmanta qallaykuspa intipa seqaykunan lawkamam lliw nacionkuna hatunchawanku, yupaychawanankupaqpas tukuy hinastinpim inciensokunatawan suma-sumaq ofrendakunata kañapuwanku. Llapallan nacionkunapim sutiyqa hatunchasqa. Tukuy Atiyniyuq Tayta Diosmi chay-nata nin.

Mateo 21:24

Chaymi Jesusñataq nirqa: Ñoqapas tapusqaykichikyá, sichum kay tapusqayta contestawaptikichikqa ñoqapas nisqaykichikmi ima atiywanmi kaykuna ruwasqayta.

Mateo 24:35

Hanaq pachawan kay pachapas tukurunqam, palabraykunam ichaqa wiñaypaq takyanqa.

Lucas 17:20

Haykapim Diospa munaychakuynin hamunanmanta fariseokuna tapuptinmi, Jesusñataq nirqa: Diospa munaychakuyninqa mana pipapas yachasqallantam hamunqa.

Deuteronomio 10:17

Señornikichik Tayta Diosqa dioskunapapas Diosninmi, señorkunapapas Señorninmi, Payqa hatun munayniyuqmi, Tukuy Atiyniyuqmi, kasukuna Diosmi. Manam pimanpas sayapakunchu nitaqmi sobornotapas chaskikunchu,

Apocalipsis 1:19

Chaynaqa, rikusqaykikunatayá qellqay, kunan kaqtapas chaynataq qepa punchawkunapi kaqkunatapas.

Apocalipsis 19:17

Rikurqanitaqmi huk angeltapas intipi sayachkaqta. Paymi llapallan alton pawaq animalkunata qayarqa kaynata: Huñunakuspayá Diospa hatun convi-donman hamuychik,

Apocalipsis 4:1

Chaymantam rikurqani hanaq pachapi punku kicharayachkaqta. Punta qayakuy uyarisqaymi trompetapa waqaynin hina karqa, ñoqawan rimaspanmi kaynata nirqa: ¡Kayman qespimuy, kaykunapa qepanman imakunam pasakunantaqa ñoqam qawachisqayki! nispa.