Daniel 2:4 - CHUYA QELLQA La Biblia en Quechua de Ayacucho 2012

⁴ Chaymi Caldeamanta kaq yachayniyuqkuna Aram law rimayninkuman hina reyta nirqaku: Wiñaypaq kawsakuq reynillayku, imam ninanta willaykunaykupaqyá mosqosqaykita willaykuwayku, nispanku.

Quechua Ayacucho Bible 1987

⁴ Hinaptinmi Caldea runakunapi kaq yachaqkuna Aram lawpi rimayninkuman hina reyta kaynata nirqaku: —Wiñaypaq kawsakuq reyllayku, imam ninanta willaykunaykupaqyá mosqosqaykita willaykuwayku —nispa.

Chuya Qellqa 1992

⁴ Chaymi Caldeamanta kaq yachayniyuqkuna Aram law rimayninkuman hina reyta nirqaku: Wiñaypaq kawsakuq reynillayku, imam ninanta willaykunaykupaqyá mosqosqaykita willaykuwayku, nispanku.

Daniel 2:4 Iomraidhean Croise

Génesis 31:47

Chaytam arameokunapa rimayninpi Labán suticharqa “Jegar Sahaduta” nispa. Jacobñataqmi hebreokunapa rimayninpi suticharqa “Galaad” nispa.

Génesis 41:8

Chaymi Faraonqa paqarinnintin punchawta llumpay hukmanyasqallaña kaspa, Egipto nacionpi layqakunata chaynataq yachayniyuqkunata qayachirqa. Hinaspam mosqoyninta willakurqa, ichaqa manam mayqanninkupas mosqoyninpa imam ninantaqa willayta atirqakuchu.

1~Reyes 1:25

Payqa kunan punchawmi torokunata, wirayachisqan animalkunata, achka ovejakunata ofrecenanpaq uraykamuspan llapa churikikunata, tropakunapa capitanninkunata hinaspa sacerdote Abiatartapas convidaruptin Adoniaswan kuska mikuspanku upyaspanku, ¡kawsachun rey Adonías! nispa qaparichkanku.

1~Reyes 1:31

Chaymi Betsabeyqa reypa qayllanpi qonqoranpa kumuykuspan nirqa: ¡Wiñaypaq kawsachun señorniy rey David! nispa.

2~Reyes 18:26

Hinaptinmi Hilciaspa churin Elia-quimwan, Sebna hinaspa Joa, chay kamachikuqta nirqaku: Mañakuykikum, muralla hawanpi runakuna uyarichkaptinkuqa amayá Judá nacionpa rimayninpiqa rimapayawaykuchu, arameokunapa rimayninpi rimapayawaykuqa, kay serviqnikikunaqa entiendesaqkum, nispanku.

Esdras 4:7

Rey Artajerjespa tiemponpipas Bislamwan Mitrídates, Tabeel hinaspa paykunawan kaqkunam Persia nacionpa reynin Artajerjesman qellqarqaku. Chay cartaqa Arameo rimaypim qellqasqa karqa hinaspa persakunapa rimayninman tikrasqa.

Nehemías 2:3

reyta nirqani: Reynilláy, ¡wiñaypaqyá kawsakuy! ¿Imaynataq manaqa llakikuymanchu taytaykunapa pampakusqan llaqta hinalla purmasqa chaynataq punkunkunapas hina kañasqalla kachkaptinqa? nispay.

Isaías 36:11

Hinaptinmi chay kamachikuqta Hil-ciaspa churin Eliaquimwan Sebna hinaspa Joañataq nirqaku: Mañakuykikum, muralla hawanpi runakuna uyarichkaptinqa amayá hebreo simipiqa rimapayawaykuchu, Aram nacionniyuq runakunapa rimayninpi rimapayawaykuqa, ñoqaykuqa entiendesaqkum, nispanku.

Isaías 44:25

Pantay profetakunapa nisqantam yanqachani, qatipaqkunatapas penqaymanmi churani; yachaysapapa yuyaymanaynintam roqruyachini, yachaysapapa yachaynintam waspichini.

Daniel 1:4

Paykunaqa kananku: Allin rikchayniyuq, sano cuerpoyuq, tukuy imapas yachaq, allin yachayniyuqkuna hinaspa palaciopi servikunankupaq hinam. Pay-kunatam yachachinanku Caldea law rimaytawan qellqayta.

Daniel 2:7

Chaymi paykuna yapamanta reyta nirqaku: Reynillayku, qamyá niykuwayku imam mosqorusqaykita, hinaptinqa imam ninantapas willaykusqaykikum, nispanku.

Daniel 3:9

Paykunam nirqaku: Wiñaypaq kawsakuq reynillayku,

Daniel 4:19

Chaymi Beltsasar sutiyuq Danielqa mancharikuspan yaqa huk horata hina pensamientonpa intusqan rikurirurqa. Ñoqa reyñataqmi nirqani: “Beltsasar, imam mosqorusqaywanqa chaynataq imam ninanwanpas ama mancharikuychu”, nispay. Chaymi Beltsasarñataq niwarqa: Señorlláy, imam mosqorusqaykiqa kachun cheqnisuqniki runakunapaqyá, imam ninanpas enemigoykikunapaqyá kachun.

Daniel 4:7

Chaymi hamurqaku layqakuna, qawaqkuna, Caldea lawpi yachayniyuqkuna hinaspa qatipaqkuna-pas. Paykunamanmi imam mosqorus-qayta willarqani, ichaqa manam chay mosqoypa imam ninan willawayta atirqakuchu.

Daniel 4:9

Yachayniyuqkunapa kamachiqnin Beltsasar, yachanim ñoqaqa chuya dioskunapa espiritun qampi kasqanta, yachanitaqmi pakasqa kaqkunatapas lliwta musyasqaykita, chaynaqa mosqorusqayta uyariykuspa imam ninanta willaykuway.

Daniel 5:10

Reypa qaparisqantawan ancha reqsisqa runakunapa qaparisqanta reina uyariruspanmi, chay convido salaman yaykuspan nirqa: Wiñaypaq kawsakuq rey, amayá mancharikuychu, nitaq uyaykipas ayayachunchu.

Daniel 5:8

Chaynapim reyta serviq yachayniyuq runakunaqa reypa ñawpaqninman hamurqaku, ichaqa manam mayqanninkupas chay qawasqanku qellqa leeyta atirqakuchu, manataqmi chaypa imam ninan kasqantapas reyman willayta atirqakuchu.

Daniel 6:21

Hinaptinmi Daniel nimurqa: Wiñaypaq kawsakuq reynilláy,

Daniel 6:6

Chaymi Danielpa kamachikuqmasinkunawan gobernadorkuna reypa kasqanman rispa nirqaku: Wiñaypaq kawsakuq rey Darío,

Daniel 6:7

munaychakuynikipi tarikuq kamachikuqkuna, capitankuna, consejaqnikikuna hinaspa lliw gobernadorkunam tanteanakuruniku huk kamachikuyta decretaspa cumplichinaykipaq: “Kimsa chunka punchaw ama pipas huk diostaqa nitaq huk runatapas mañakuchunkuchu, mañakuspaqa mañakuchunku qam reynillaykuta. Pipas chayta mana kasukuqqa leonkunapa kasqan uchkuman wischusqa kachun.

Mateo 21:9

Ñawpaqninta qepanta riq runakunañataqmi qaparir-qaku: ¡Davidpa churinqa yupaychayqayá kachun! ¡Señorpa sutinpi hamuqqa yupaychasqayá kachun! ¡Hanaq pacha-pipas Diosqa yupaychasqayá kachun! nispanku.

1~Samuel 10:24

Samuelmi llapallan runakunata tapurqa: ¿Qawachkankichikchu reynikichikpaq Tayta Dios akllasqanta? ¡Qamkuna ukupiqa manam pipas kanchu pay hinaqa! nispa. Hinaptinmi runakuna kusikuymanta qaparirqaku: ¡Kawsachun reyninchik! nispanku.