Daniel 2:39 - CHUYA QELLQA La Biblia en Quechua de Ayacucho 2012

³⁹ Qampa qepaykitam huk rey hatarimunqa, ichaqa kamachikuyninmi qampamanta menoslla kanqa, chaypa qepantañataqmi bronceman rikchakuq kimsa kaq munaychakuq hatarimunqa, hinaspam tukuy kay pachapi munaychakunqa.

Quechua Ayacucho Bible 1987

³⁹ Qampa gobiernoyki tukuruptinñataqmi hatarimunqa huk gobiernoña, ichaqa chay gobiernoqa menosmi kanqa qampa gobiernoykimantaqa, chaypa qepantañataqmi hatarimunqa bronceman rikchakuq kimsa kaq gobierno. Chay gobiernom tukuy kay pachapi munaychakunqa.

Chuya Qellqa 1992

³⁹ Qampa qepaykitam huk rey hatarimunqa, ichaqa kamachikuyninmi qampamanta menoslla kanqa, chaypa qepantañataqmi bronceman rikchakuq kimsa kaq munaychakuq hatarimunqa, hinaspam tukuy kay pachapi munaychakunqa.

Daniel 2:39 Iomraidhean Croise

Isaías 44:28

Ñoqam rey Cirota nini: Qanmi michipuwaqniy kanki, munasqayta ruwaqmi kanki, nispay. Jerusalén llaqtatam nini: Musoqmanta hatarichisqam kanki, nispay. Templotapas kaynatam nini: Musoqmanta cimientasqam kanki, nispay.

Daniel 10:20

Chaymi pay niwarqa: ¿Yachankichum imapaqmi qanman hamusqayta? Kunanmi Persia nacionta waqaychaq angelwan peleanaypaq kutisaq, paywan peleayta tukuruptiymi Grecia nacionta waqaychaq ángel hamunqa.

Daniel 2:32

Umanmi kasqa qorimanta, qasqonwan brazonkunañataqmi qollqemanta, wiksanmanta siki chakankamañataqmi kasqa broncemanta.

Daniel 2:38

Qosurqankitaqmi tukuy hinastinpi runakunatapas, animalkunatapas hinaspa alton pawaqkunatapas, chaykunapi munaychakunaykipaq. Reynilláy, chay sayaqpa qorimanta umanqa qanmi kanki.

Daniel 2:40

Chaymantañataqmi tawa kaq munaychakuq hatarimunqa fierro hina fuertellaña. Imaynam fierroqa tukuy imata pakipaspan ñutun, chaynam paypas wakin munaychakuykunata pakipaspan ñutupanqa.

Daniel 7:23

Hinaptinmi chay willawaqniy niwarqa: Chay tawa kaq animalqa kay pachapi hatarimuq tawa kaq munaychakuymi, chayqa wakinmantaqa hukniraq munaychakuymi kanqa, paymi kay pachapi kaqkunata tukurunqa, tukuy imatapas ñutuparuspam saruparunqa.

Daniel 8:20

Chay iskay waqrayuq carnero rikusqaykiqa Media nacionpa hinaspa Persia nacionpa reyninkunam.

Daniel 8:21

Chay chivatoñataqmi Grecia nacionpa reynin, chay iskaynin ñawinkunapa chawpinpi kaq waqranñataqmi Grecia nacionpa punta kaq reynin.

Zacarías 6:3

kimsa kaq carretatam yuraq caballokuna, tawa kaq carretatañataqmi moro caballokuna.

Zacarías 6:6

Yana caballokunapa chutasqan carretam norte lawpi nacionman richkan, yuraq caballokunapa chutasqanmi intipa seqaykunan lawpi nacionman richkan, moro caballokunapa chutasqanñataqmi sur lawpi nacionman richkan, nispa.