Daniel 2:37 - CHUYA QELLQA La Biblia en Quechua de Ayacucho 2012

³⁷ Reynilláy, qamqa kanki reykunapapas reyninmi, hanaq pacha Diosmi qosurqanki nacionkunata munaychakuspa atiywan kamachinaykipaq chaynataq ancha reqsisqa kanaykipaq.

Quechua Ayacucho Bible 1987

³⁷ Reynilláy, qamqariki kanki reykunapapas reyninmi, Hanaq Pacha Diosmi qosurqanki nacionkunata munaychakuspa atiywan gobiernanaykipaq chaynataq allin reqsisqa kanaykipaq.

Chuya Qellqa 1992

³⁷ Reynilláy, qamqa kanki reykunapapas reyninmi, hanaq pacha Diosmi qosurqanki nacionkunata munaychakuspa atiywan kamachinaykipaq chaynataq ancha reqsisqa kanaykipaq.

Daniel 2:37 Iomraidhean Croise

1~Reyes 4:24

Salomonmi munaychakurqa Eufrates mayupa intipa seqaykunan lawpi Tifsa llaqtamanta Gaza llaqtakama. Chay llaqtakunapa reyninkunapim munaychakurqa, chaynapim muyuriqninpi kaq nacionkunawan hawkayaypi yacharqaku.

2~Reyes 25:28

Kuyakuywan rimapayaspanmi Babilonia llaqtapi wakin rey-kunamantapas aswan reqsisqataraq ruwaykurqa.

2~Crónicas 36:23

Persiapa reynin Cirom kaynata nin: Hanaq pachapi Tayta Diosmi kay pachapi nacionkunata qowarqa, hinaspam Judá nacionpi kaq Jerusalén llaqtapi templota hatarichipunaypaq kamachiwarqa. Chaynaqa, qamkuna ukupi pipas Tayta Diospa llaqtan kaspaqa kutikuchun, Tayta Diosmi paywan kan-qa, nispa.

Esdras 1:2

Persia nacionpa reynin Cirom kaynata nin: Hanaq pachapi Tayta Diosmi kay pachapi nacionkunata qowarqa, hinaspam Judá nacionpi kaq Jerusalén llaqtapi templota hatarichipunaypaq kamachiwarqa.

Esdras 7:12

Reykunapa reynin ñoqa Arta-jerjesmi rimaykamuyki qam sacerdote Esdrasta, qamqa kanki hanaq pachapi munaychakuq Diospa leynin yachachikuqmi, hawkayay qanwan kachun.

Proverbios 8:15

Ñoqa yanapaptiymi reykunapas munaychakunku, ñoqaraykum kamachikuqkunapas justiciata ruwanku.

Isaías 10:8

Paymi nin: Nacionkunapa reyninkunaqa nisqayta ruwaqkunallam.

Isaías 47:5

Sipas kaqlla Caldea llaqta upallalla tiyay, tutayaymanña yaykuy; qamtaqa manañam pipas nisunkiñachu: “Nacionkunapi munaychakuq llaqta”, nispaqa.

Jeremías 28:14

Ñoqa Israelpa yupaychasqan Tukuy Atiyniyuq Tayta Diosmi nini: Llapallan nacionkunapa kunkanmanmi fierromanta yugota watani, Babilonia nacionpa reynin Nabucodonosortaña servichinaypaq. Purun animalkunatapas paymanmi qoykuni munaychakunanpaq, nispa.

Jeremías 34:1

Babilonia nacionpa reynin Nabu-codonosor llapa tropankunawan chaynataq munaychakusqan nacionkunamanta kaq llapallan runakunawan, Jerusalén llaqtapa contranpi chaynataq muyuriqninpi kaq llaqtakunapa contranpi peleachkaptinmi, Jeremiasta Tayta Dios nirqa:

Ezequiel 26:7

Ñoqa Tayta Diosmi kaynata nini: Tiro llaqtapa contranpim norte lawmanta Babilonia nacionpa reynin Nabucodonosorta pusamuchkani, payqa llumpay atiyniyuq reymi, paymi carretakunawan, silladakunawan hinaspa nana-nanaq tropakunawan, Tiro llaqtata atacananpaq hamuchkan.

Daniel 1:2

Judá nacionpa reynin Joacimtam, templopi kaq achka serviciokunatawan rey Nabucodonosorman Tayta Dios qoykurqa, hinaptinmi chay reyqa tukuy imata Sinar sutiyuq Babilonia nacionman aparqa, hinaspam idolonpa kapuqninkuna waqaychana wasinman churaykurqa.

Daniel 2:31

Reynilláy, mosqoynikipim qawarqanki ñawpaqnikipi sayachkaqta hatunkaray kancharichkaq runa kaqllata hinaspa mancharikuypaq rikchayniyuqta.

Daniel 2:44

Chay reykuna munaychakuchkaptinkum hanaq pacha Dios hatarichinqa wiñaypaq mana tuñichiy atina munaychakuyta, chay munaychakuypa hawanpiqa manam hukqa munaychakunqachu. Aswanqa chay munaychakuymi llapallan munaychakuykunata ñutupaspan wiña-wiñaypaq takyanqa.

Daniel 4:19

Chaymi Beltsasar sutiyuq Danielqa mancharikuspan yaqa huk horata hina pensamientonpa intusqan rikurirurqa. Ñoqa reyñataqmi nirqani: “Beltsasar, imam mosqorusqaywanqa chaynataq imam ninanwanpas ama mancharikuychu”, nispay. Chaymi Beltsasarñataq niwarqa: Señorlláy, imam mosqorusqaykiqa kachun cheqnisuqniki runakunapaqyá, imam ninanpas enemigoykikunapaqyá kachun.

Daniel 4:22

Reynilláy, chay sachaqa qanmi kanki, wiñaruspam llumpay atiyniyuq rikurirunki, ancha reqsisqa kaynikipas cielokamam chayan, munaychakuynikipas tukuy hinastinmanmi mastarikurun.

Daniel 4:25

Reynilláy, runakuna ukumanta wischusqa kaspam purun animalkunawanña kawsanki, torokuna hinam pastotaña mikunki, sullapas nuyusunkim. Qanchis watapunim chayna kawsanki, chaymantañam qamqa reqsikunki, tukuy imapa hawanpi munaychakuq Diosqa llapallan runakunapa kamachikuyninpi munaychakuq kasqanta, kamachikuq kananpaqqa paymi munasqanman hina pitapas churan.

Daniel 4:3

¡Mayna allinmi paypa milagronkunaqa! ¡Hatu-hatunmi admirakuypaq ruwasqankunaqa! Munaychakuyninpas wiña-wiñaypaqmi takyan, payqa runakunapa mirayninpim munaychakun.

Daniel 4:32

runakuna ukumanta wischusqa kaspam purun animalkunawanña kawsanki, torokuna hina pastota mikuspam qanchis watapuni kawsanki, chaymantañam reqsikunki tukuy imapa hawanpi munaychakuq Diosqa llapallan runakunapa kamachikuyninpi munaychakusqanta, payqa chay kamachikuytaqa munasqanmanmi pimanpas qon”, nispa.

Daniel 4:34

Chay sentenciawasqan tiempo cumplikuruptinmi ñoqa Nabucodonosor alto cielota qawarirqani, hinaptinmi yuyayniy huktawan kutiykuwarqa. Chaymi tukuy imapa hawanpi munaychakuq Diosta hatuncharqani, wiña-wiñaypaq kawsaq Diostam yupaycharqani, wiña-wiñaypaq Diosmanmi graciasta qorqani, paypa munaychakusqanqa wiña-wiñaypaqmi takyan, payqa runapa lliw mirayninkunapim munaychakun.

Daniel 5:18

Tukuy imapa hawanpi munaychakuq Diosmi, taytayki Nabucodonosorta nacionkunapi munaychakunanpaq, hatunchasqa kananpaq hinaspa reqsisqa kananpaq churarqa.

Daniel 7:14

Chaymi payman atiyta, ancha reqsisqa kayta, munaychakuyta qoykurqaku; chaynapi llaqtakuna, nacionkuna, rikchaqmana rimayniyuqkuna payta servinankupaq. Paypa munaychakuyninqa wiña-wiñaypaq mana tukuqmi, kamachikuyninpas mana haykapipas chinkaqmi.

Oseas 8:10

Nacionkunaman chaynataq Asiriaman tributo qoyninkupas, paykunataqa manam yanapanqachu, paykunataqa huklaw nacionkunakama apachiptiymi, reykunapa munaychakuqkunapa ñakarichisqan kanqaku ichaqa manam unaychu ñakarinqaku.

Mateo 6:13

Amayá tentacionmanqa kachaykuwaykuchu, aswanqa mana allinmanta libraykuwayku. [Qampam munaychakuypas, atiypas, hatun kaypas wiña-wiñaypaq. Amén].

Juan 19:11

Jesusñataqmi nirqa: Sichum atiyta Dios mana qosuptikiqa manam imanawankimanchu. Chaynaqa, qampa makikiman ñoqata churamuqmi qanmantapas aswan huchayuqqa, nispa.

Apocalipsis 1:5

chaynataq Jesucristomantapas. Payqa cheqap testigom, wañuqkunamanta punta kawsarimuqmi, reykunapa reyninmi, kuyawaspanchik huchanchikkunamanta yawarninwan mayllaqninchikmi.

Apocalipsis 17:14

Corderowan peleaptinkum Cordero vencerunqa, payqa señorkunapa Señorninmi, reykunapa Reyninmi. Paywan kaqkunaqa Diospa akllasqankunam hinaspa qayasqankunam, paykunaqa qaqa hinam sayachkanku, nispa.

Apocalipsis 19:16

Pachanpipas chaynataq piernanpipas kayna qellqasqam kasqa: “Reykunapa Reynin, Señorkunapapas Señornin” niq.

Apocalipsis 4:11

“Señor Diosnillayku, hatunchaytapas, yupaychaytapas, atiytapas chaskinaykipaq hinapunim kanki. Qanmi tukuy ima kaqkunatapas unancharqanki, munaynikiman hina unanchaptikim tukuy imapas kachkan”, nispanku.

Apocalipsis 5:12

Paykunam qaparispa nirqaku: “Sacrificasqa kaq Corderollam, munaychakuyta, apu kayta, yachayta, kallpata, hatunchasqa kayta, qapaqchasqa kayta, chaynataq yupaychasqa kayta chaskinanpaq hinaqa”, nispanku.