Daniel 2:30 - CHUYA QELLQA La Biblia en Quechua de Ayacucho 2012

³⁰ Chay pakasqa kaqkunataqa ñoqamanpas qawachiwarqam; chaytaqa qawachiwarqa manam llapallan kawsaq runamantapas aswan yachayniyuq kasqayraykuchu, chaytaqa qawachiwarqa chay mosqorusqaykipa imam ninanta qanman willanaypaqmi chaynataq tukuy imam yuyaymanasqaykita yachanaykipaqmi.

Quechua Ayacucho Bible 1987

³⁰ Chay pakasqa kaqkunataqa ñoqamanpas qawachiwarqam, ichaqa chaytaqa qawachiwarqa manam llapallan kawsaq runamantapas aswan yachayniyoq kasqayraykuchu, chaytaqariki qawachiwarqa chay mosqorusqaykipa imam ninanta qanman willanaypaqmi chaynataq pensamientopa intusqan kasqaykitapas entiendenaykipaqmi.

Chuya Qellqa 1992

³⁰ Chay pakasqa kaqkunataqa ñoqamanpas qawachiwarqam; chaytaqa qawachiwarqa manam llapallan kawsaq runamantapas aswan yachayniyuq kasqayraykuchu, chaytaqa qawachiwarqa chay mosqorusqaykipa imam ninanta qanman willanaypaqmi chaynataq tukuy imam yuyaymanasqaykita yachanaykipaqmi.

Daniel 2:30 Iomraidhean Croise

Génesis 41:16

Joseyñataqmi Faraonta nirqa: Chayqa manam ñoqallamantachu, aswanqa Diosmi allinnikipaq willasunki, nispa.

Isaías 45:4

Akllakusqay serviqniy Jacobraykum, Israel llaqtayraykum, sutikimanta qayayki. Mana reqsiwachkaptikipas ancha reqsisqa sutitam churayki.

Daniel 1:17

Diosmi qorqa chay tawa jovenkunaman yachaytawan allin yuyayniyuq kayta, chaynapim tukuy richkaq qellqakunata yacharqaku chaynataq ima yachaykunatapas hayparqaku. Danielqa entienderqataqmi llapa revelacionkunapa hinaspa mosqoykunapa imam ninantapas.

Daniel 2:47

Hinaspam Danielta nirqa: Cheqaptapunipas qamkunapa Dios-nikichikmi llapa dioskunapa Diosninqa, payqa reykunapapas Reyninmi, payllataqmi pakasqa kaqkunatapas reqsichin. Chayraykum qamqa kay pakasqa kaqkunata rikuykachiwanki, nispa.

Daniel 2:49

Chaymantam reyta Daniel mañakurqa Sadracpaq, Mesacpaq hinaspa Abed-negopaq, hinaptinmi paykunata Babilonia lawpi kamachikuqkuna kanankupaq rey churarqa; Danielñataqmi reypa palacionpi qeparqa.

Amós 4:13

Kayqaya: Orqokunata unanchaqqa, wayrakunata hatarichiqqa, imam munasqanta runakunaman reqsichiqqa, tutayayta achkiyman tikraqqa, kay pachapa hawankunapi puriqqa. Payqa Tukuy Atiyniyuq Tayta Diosmi.

Mateo 24:22

Sichum chay ñakariy punchawkuna mana asllayachisqa kaptinqa manachá pipas wañuymanta librakunmanchu. Ichaqa akllasqakunaraykum chay punchawkunaqa asllayachisqa kanqa.

Marcos 13:20

Sichum chay punchawkunata mana Dios asllayachiptinqa manachá pipas wañuymanta librakunmanchu. Aswanqa akllasqankunaraykum chay punchawkunata asllayachinqa.

Hechos 3:12

Pedroñataqmi hamusqankuta qawarispan nirqa: Israelpa mirayninkuna, ¿imanasqataq admirasqallaña kachkankichik? ¿Imanasqataq ñoqaykuta qawarayawachkankiku? Manam kikillaykumantachu, nitaqmi atiyniykuwanchu kay runataqa purirachiniku.

Romanos 8:28

Ñoqanchikqa yachanchikmi, Dios kuyaqkunataqa tukuy imapas allinninpaqmi yanapan, chaykunaqa yanapan haykam munasqanman hina qayasqankunatam.

2~Corintios 4:15

Tukuy chaykunataqa ñakarirqaniku allinnikichikpaqmi, chaynapi achkallaña runakuna Diospa kuyakuyninta chaskispa aswan-aswan Diosman graciasta qospa hatunchanankupaq.