Daniel 2:27 - CHUYA QELLQA La Biblia en Quechua de Ayacucho 2012

²⁷ Chaymi Daniel nirqa: Chay pakasqa kaqkuna mosqorusqaykitaqa manam willayta atisunkimanchu yachayniyuq runakunapas, qawaqkunapas, layqakunapas, qatipaq runakunapas.

Quechua Ayacucho Bible 1987

²⁷ Chaymi Danielñataq kaynata nirqa: —Chay pakasqa kaqkuna mosqorusqaykitaqa manam willayta atisunkimanchu yachayniyoq runakunapas nitaq espiritista runakunapas nitaq brujokunapas nitaq adivinaq runakunapas.

Chuya Qellqa 1992

²⁷ Chaymi Daniel nirqa: Chay pakasqa kaqkuna mosqorusqaykitaqa manam willayta atisunkimanchu yachayniyuq runakunapas, qawaqkunapas, layqakunapas, qatipaq runakunapas.

Daniel 2:27 Iomraidhean Croise

Génesis 40:8

Chaymi paykuna nirqaku: Mosqokurunikum hinaptinmi mana pipas imam ninanta niwaqniyku kanchu, nispanku. Hinaptinmi José paykunata nirqa: Willawaychikyá, Diosmi nisunkichik mosqoynikichikpa imam ninanta, nispa.

Génesis 41:8

Chaymi Faraonqa paqarinnintin punchawta llumpay hukmanyasqallaña kaspa, Egipto nacionpi layqakunata chaynataq yachayniyuqkunata qayachirqa. Hinaspam mosqoyninta willakurqa, ichaqa manam mayqanninkupas mosqoyninpa imam ninantaqa willayta atirqakuchu.

Isaías 19:3

Egipto runakunapa yuyaymanaynintam chinkarachisaq, imapas ruway tanteasqankutam yanqacharusaq, hinaptinmi idolonkuta, layqakunata tapunqaku, wañuqkunapa almankunata tapukunqaku.

Isaías 44:25

Pantay profetakunapa nisqantam yanqachani, qatipaqkunatapas penqaymanmi churani; yachaysapapa yuyaymanaynintam roqruyachini, yachaysapapa yachaynintam waspichini.

Jeremías 10:7

Qamqa nacionkunapa reyninmi kanki, lliwpa manchakunanmi kanki. Llapallan yachayniyuqkunamantapas, kay pachapi reykunamantapas, qam hinaqa manam pipas kanchu.

Daniel 1:20

Imapas yachay kaqkunamantawan entiendena kaqkunamanta rey tapuspanmi paykunata chunka kuti aswan yachayniyuqtaraq tarirqa, nacionninpi layqakunamantapas hinaspa qawaqkunamantapas.

Daniel 2:2

Hinaspam layqakunata, qatipaqkunata, qawaqkunata qayachirqa, qayachirqataqmi Caldea runakunamanta yachayniyuqkunatapas; chaynapim paykunaqa reypa qayllanman hamurqaku.

Daniel 4:7

Chaymi hamurqaku layqakuna, qawaqkuna, Caldea lawpi yachayniyuqkuna hinaspa qatipaqkuna-pas. Paykunamanmi imam mosqorus-qayta willarqani, ichaqa manam chay mosqoypa imam ninan willawayta atirqakuchu.