Daniel 2:23 - CHUYA QELLQA La Biblia en Quechua de Ayacucho 2012

²³ Ñawpaq taytakunapa Diosnin, qanmanmi graciasta qoyki, qamtataqmi yupaychayki; qanmi yachayta qowarqanki, qamtaqmi atiytapas qowarqanki. Kunanmi imam mañakusqaykuta reqsiykachiwankiku, kunanmi reypa mosqorusqanta yachaykachiwankiku.

Quechua Ayacucho Bible 1987

²³ Abueloykunapa Diosnin, qanmanmi graciasta qoyki. Abueloykunapa Diosnin, qamtam ñoqaqa alabayki. Qanmiki ñoqamanqa qowarqanki yachayta. Qanmiki ñoqamanqa qowarqanki atiyta. Kunanmá qawaykachiwankiku imam mañakusqaykuta. Kunanmá yachaykachiwankiku reypa mosqorusqanta.

Chuya Qellqa 1992

²³ Ñawpaq taytakunapa Diosnin, qanmanmi graciasta qoyki, qamtataqmi yupaychayki; qanmi yachayta qowarqanki, qamtaqmi atiytapas qowarqanki. Kunanmi imam mañakusqaykuta reqsiykachiwankiku, kunanmi reypa mosqorusqanta yachaykachiwankiku.

Daniel 2:23 Iomraidhean Croise

Génesis 18:17

Chaymi Tayta Dios yuyaymanarirqa: Abrahammanqa manam ima ruwanaytapas pakaymanchu.

Génesis 31:42

Abrahampapas taytay Isaacpapas yupaychasqanku Dios ñoqawan mana kaptinqa lliwtachiki qechuruwankiman karqa. Ichaqa Diosmi ñakariywan llamkasqayta rikurqa, chaymi chisi tuta qaqchasurqanki, nispa.

1~Reyes 18:36

Wañuchisqan animalta kañananpaq sacrificio hora chayaramuptinmi, altarman asuykuspan profeta Elías kaynata qaparirqa: ¡Dios Taytalláy! ¡Abrahampa, Isaacpa hinaspa Israelpa Diosnin! ¡Israel nacionpi Dios kasqaykitayá kunan reqsichikuy, reqsichiytaq ñoqapas serviqniki kaspay kamachiwasqaykiman hina kaykuna ruwasqayta!

1~Reyes 8:57

Señorninchik Tayta Diosyá ñoqanchikwan kachun imaynam ñawpaq taytanchikkunawan kasqanta hina, amayá payqa wischuruwasunchu nitaq saqeruwasunchu.

1~Crónicas 29:10

Chayraykum llapallan runakunapa qayllanpi Tayta Diosta yupaychaspan David nirqa: Taytanchik Israelpa Diosninyá wiña-wiñaypaq hatunchasqa kachun.

1~Crónicas 29:13

Dios Taytallayku, chayraykum graciasta qospa suma-sumaq sutikita yupaychamuniku.

2~Crónicas 20:6

qayakurqa: Ñawpaq taytaykupa yupaychasqan Dios taytallayku, qamqa hanaq pachapi Diosmi kanki, qamqa llapallan nacionkunapim munaychakunki. Atiypas kallpapas makikipim kachkan, manam pipas qanwanqa atipanakunmanchu.

Éxodo 3:15

Kasqallanmi Moisesta Dios nirqa, Israelpa mirayninkunatam kaynata ninki: “Ñawpaq taytaykichik Abrahampa, Isaacpa hinaspa Jacobpa Diosninmi qamkunaman kachamuwan. Payqa Tayta Diosmi”, nispa. Kaymi wiñaypaq sutiyqa, kay sutiywanmi wiña-wiñaypaq yuyariwankichik.

Proverbios 21:22

Yachayniyuq runaqa allin nanachikusqa llaqtatapas vencerunmi, hapipakunanku perqankunatapas tuñirachinmi.

Proverbios 24:5

Yachayniyuq runaqa atiyniyuqmi, yachayniyuq runaqa ancha kallpayuqmi.

Proverbios 8:14

Allin yachachikuytawan allin tanteakuytam hatallini, yachaypas atiypas ñoqapam.

Eclesiastés 7:19

Llaqtapi kamachikuq chunka runakunamantapas mastaqa yachayninmi kallpanchan yachayniyuq runataqa.

Eclesiastés 9:16

Chayraykum ñoqa nini: Wakcha runapa yachaynin wischupakusqa kaspa mana pipa uyarisqanña kaptinpas, kallpasapa kaymantaqa yachayniyuq kaymi aswan allinqa, nispa.

Eclesiastés 9:18

Guerrapaq armakunamanta aswan allinqa yachaymi; ichaqa imapipas pantaruyllam ima allin kaqtapas tuñirachin.

Isaías 12:1

Chay punchawmi ninki: Dios Taytalláy, graciastam qoyki, contraypiña piñakuruchkaspaykipas piñakuynikitam ñoqamanta asuriykachinki. Kunanqa qanmi hawkayayta qoykuwanki.

Jeremías 33:3

Mañakuwaptikiqa contestasqaykim, hinaspaymi hatun kaqkunatawan mana reqsisqayki kaqkunata yachachisqayki.

Daniel 1:17

Diosmi qorqa chay tawa jovenkunaman yachaytawan allin yuyayniyuq kayta, chaynapim tukuy richkaq qellqakunata yacharqaku chaynataq ima yachaykunatapas hayparqaku. Danielqa entienderqataqmi llapa revelacionkunapa hinaspa mosqoykunapa imam ninantapas.

Daniel 2:18

chay pakasqa kaqkunamanta hanaq pacha Diospa yanapakuyninta mañakunankupaq; chaynapi Babilonia nacionpi wakin yachayniyuqkunatawan kuskata mana wañurachinankupaq.

Amós 3:7

Tayta Diosqa imam ruwananta profetankunaman mana willachkaspaqa manam imatapas ruwanqachu.

Mateo 11:25

Chay tiempopim, Taytanta mañakuspan Jesús nirqa: Hanaq pachapipas kay pachapipas munaychakuq Taytalláy, yachayniyuqkunamantawan yuyayniyuqkunamanta pakaykuspaykim, wawakunaman kaykunata reqsichirqanki, chayraykum yupaychayki.

Lucas 10:21

Chaypunillam Jesusqa, Chuya Espiritupa kusikuyninwan huntasqa kaspan nirqa: Hanaq pachapipas kay pachapipas munaychakuq Taytalláy, yachayniyuqkunamanta hinaspa yuyayniyuqkunamanta pakaykuspaykim wawakunaman kaykunata reqsichirqanki, chayraykum yupaychayki. Arí, Taytalláy, chaynatam munarqanki.

Juan 11:41

Tapasqanku rumita hurqoruptinkum Jesusqa hanaq pachata qawarispan nirqa: Taytáy, graciastam qoyki uyariykuwasqaykimanta.

Juan 15:15

Manañam serviqniykuna nisqaykichikñachu, sirvienteqa manam yachanchu patronninpa ruwasqankunataqa. Qamkunaqa amistadniyñam kankichik, chaymi Taytapa niwasqankunata yachachirqaykichik.

Apocalipsis 1:1

Diosmi kaykunata Jesucristoman qawachirqa imakunam pasakunanmanta serviqninkunaman willananpaq. Jesucristom kay revelasqanta angelninwan serviqnin Juanman willachirqa,

Apocalipsis 5:5

Chaymi huknin anciano niwarqa: Ama waqaychu, leonwan sutichasqa Judá ayllumanta kaq rey Davidpa mirayninmi vencerunña, rollopa qanchis sellonta paskaspa kichananpaq, nispa.