Daniel 2:20 - CHUYA QELLQA La Biblia en Quechua de Ayacucho 2012

²⁰ kaynata yupaycharqa: Wiñaymanta wiñaykama Diospa sutin bendecisqa kachun. Paymantam hamun tukuy yachaykunapas, paymantataqmi hamun tukuy atiypas.

Quechua Ayacucho Bible 1987

²⁰ kaynata: Wiñaymanta wiñaykamayá alabasqa kachun Diospa sutinqa. Paymantamiki hamun tukuy yachaykunaqa. Paymantamiki hamun tukuy atiyqa.

Chuya Qellqa 1992

²⁰ kaynata yupaycharqa: Wiñaymanta wiñaykama Diospa sutin bendecisqa kachun. Paymantam hamun tukuy yachaykunapas, paymantataqmi hamun tukuy atiypas.

Daniel 2:20 Iomraidhean Croise

Génesis 14:20

Tukuy Atiyniyuq Dios yupaychasqa kachun, paymi enemigoykikunata vencechisurqanki, nispa. Chaymi Abramqa lliw kutichimusqanmanta diezmonkunata qoykurqa.

1~Reyes 8:56

Tayta Diosyá bendecisqa kachun, paymi nisqanman hina hawkayayta qoykun Israel llaqtanman. Serviqnin Moisesnintakama rimarisqan promesankunataqa lliwtam ruwarun, manam hukllapas faltanchu.

1~Crónicas 29:20

Chaymantam huñunasqa runakunata David nirqa: Kunanyá Tayta Diosta yupaychaychik, nispa. Hinaptinmi llapallan huñunasqa runakuna ñawpaq taytankupa yupaychasqan Tayta Diospa ñawpaqninpi hinaspa reypa ñawpaqninpi qonqoranpa kumuykuspa yupaycharqaku.

2~Crónicas 20:21

Runakunawan tanteanakuyta tukuruspanmi, takiqkunata churarqa chuya pachawan pachasqatakama, paykunam tropakunapa ñawpaqninta rispa Tayta Diosta yupaychaspanku kaynata nirqaku: “Tayta Diostayá hatunchaychik, kuyapayakuyninqa wiña-wiñaypaqmi”, nispanku.

Nehemías 9:5

Chay-mantam levitakunamanta Josueywan Cadmiel, Bani, Hasabnías, Serebías, Hodías, Seba-nías hinaspa Petaías, kaynata nirqaku: Hatarispa wiñaymanta wiñaykama yupaychasqanchik Tayta Diosta hatun-chaychik. Dios Taytallayku, tukuy imamantapas aswanqa sutikiyá hatunchasqa kachun.

Jobwan Sutichasqa Libro 12:13

Yachaypas atiypas Dioswanmi kachkan, pay tanteaptinmi imapas ruwasqa.

Proverbios 8:14

Allin yachachikuytawan allin tanteakuytam hatallini, yachaypas atiypas ñoqapam.

Jeremías 32:19

Tanteasqaykikunaqa ancha hatunmi, ruwasqaykikunapas ancha atiyniyuqmi. Runakunapa imaynam kawsasqantam qawachkanki, kawsayninkuman hinaspa imam ruwayninkuman hina paganaykipaq.

Ezequiel 28:3

¿Danielmantapas aswan yachayniyuqchu kanki? ¿Tukuy pakasqa kaqkuna reqsiqchu kanki?

Mateo 6:13

Amayá tentacionmanqa kachaykuwaykuchu, aswanqa mana allinmanta libraykuwayku. [Qampam munaychakuypas, atiypas, hatun kaypas wiña-wiñaypaq. Amén].

Judas 1:24

Sapallan salvaqninchik Diosmi atiyninwan waqaychasunkichik huchaman mana wichiykunaykichikpaq, payllam mana huchayuqta qayllanman kusisqata chayachisunkichik.

Apocalipsis 5:12

Paykunam qaparispa nirqaku: “Sacrificasqa kaq Corderollam, munaychakuyta, apu kayta, yachayta, kallpata, hatunchasqa kayta, qapaqchasqa kayta, chaynataq yupaychasqa kayta chaskinanpaq hinaqa”, nispanku.