Daniel 2:2 - CHUYA QELLQA La Biblia en Quechua de Ayacucho 2012

² Hinaspam layqakunata, qatipaqkunata, qawaqkunata qayachirqa, qayachirqataqmi Caldea runakunamanta yachayniyuqkunatapas; chaynapim paykunaqa reypa qayllanman hamurqaku.

Quechua Ayacucho Bible 1987

² Chayraykum qayachirqa brujokunata, espiritistakunata hinaspa musyaqkunata, qayachirqataqmi Caldea runakunamanta yachaqkunatapas, chaynapimá paykunaqa hamurqaku reypa qayllanman.

Chuya Qellqa 1992

² Hinaspam layqakunata, qatipaqkunata, qawaqkunata qayachirqa, qayachirqataqmi Caldea runakunamanta yachayniyuqkunatapas; chaynapim paykunaqa reypa qayllanman hamurqaku.

Daniel 2:2 Iomraidhean Croise

Génesis 41:8

Chaymi Faraonqa paqarinnintin punchawta llumpay hukmanyasqallaña kaspa, Egipto nacionpi layqakunata chaynataq yachayniyuqkunata qayachirqa. Hinaspam mosqoyninta willakurqa, ichaqa manam mayqanninkupas mosqoyninpa imam ninantaqa willayta atirqakuchu.

Ester 1:13

qayachimurqa leykuna reqsiq runakunata. Reypa costumbrenmi karqa asuntonkuna allichananpaqqa leykunatawan allin arreglo ruwaymanta yachaqkunata tapukuy.

Éxodo 7:11

Faraonpas yachaysapa runakunatawan layqakunata qayachiptinmi, Egipto nacionniyuq layqakunapas layqayninkuwan chaynata ruwarqaku.

Isaías 19:3

Egipto runakunapa yuyaymanaynintam chinkarachisaq, imapas ruway tanteasqankutam yanqacharusaq, hinaptinmi idolonkuta, layqakunata tapunqaku, wañuqkunapa almankunata tapukunqaku.

Isaías 8:19

Sichum runakuna nisunkichik: Espiritistakunata qayakuychik, wachachachaspa upallallamanta rimaq espirituyuqkunata qayakuychik, ¿runakunaqa manachum diosninkuta tapukunmanku? ¿Kawsaqkunaqa manachum wañuqkunapa almanta tapukunmanku? nispanku.

Daniel 1:20

Imapas yachay kaqkunamantawan entiendena kaqkunamanta rey tapuspanmi paykunata chunka kuti aswan yachayniyuqtaraq tarirqa, nacionninpi layqakunamantapas hinaspa qawaqkunamantapas.

Daniel 1:4

Paykunaqa kananku: Allin rikchayniyuq, sano cuerpoyuq, tukuy imapas yachaq, allin yachayniyuqkuna hinaspa palaciopi servikunankupaq hinam. Pay-kunatam yachachinanku Caldea law rimaytawan qellqayta.

Daniel 2:10

Chaymi reyta Caldeamanta kaq yachayniyuqkuna nirqaku: Kay pachapiqa manam pipas kanchu qam reyniykupa mañakusqanta willakuy atiq runaqa, kunankamaqa manataqmi ima reypas, maynaña hatun kaspa otaq maynaña atiyniyuq kaspapas mañakusqaykita hinaqa, ima layqatapas, qawaqtapas nitaq Caldea lawpi yachayniyuqkunatapas mañakurqachu.

Daniel 2:27

Chaymi Daniel nirqa: Chay pakasqa kaqkuna mosqorusqaykitaqa manam willayta atisunkimanchu yachayniyuq runakunapas, qawaqkunapas, layqakunapas, qatipaq runakunapas.

Daniel 3:8

Caldea runakunañataqmi chayman hapipakuruspanku rey Nabucodono-sorman asuykurqaku judío runakunata acusanankupaq.

Daniel 4:3

¡Mayna allinmi paypa milagronkunaqa! ¡Hatu-hatunmi admirakuypaq ruwasqankunaqa! Munaychakuyninpas wiña-wiñaypaqmi takyan, payqa runakunapa mirayninpim munaychakun.

Daniel 4:6

Chayraykum kamachikurqani Babilonia nacionpi llapallan yachayniyuq runakuna qayllayman hamunankupaq, chaynapi mosqorusqaypa imam ninanta willawanankupaq.

Daniel 5:7

Chaymi qaparispan qayachirqa qawaqkunata, Caldeapi yachayniyuq-kunata hinaspa adivinaqkunata. Payku-natam nirqa: Wak qellqata leey atiqqa chaynataq imam ninanta willaykuwaqniyqa sumaqllaña grosella pachawan pachachisqam kanqa, kunkanmanpas qorimanta collarwanmi wallqachisaq, munaychakuyniypipas payqa kimsa kaq kamachikuqmi kanqa, nispa.

1~Samuel 6:2

Chaymi filisteokuna, sacerdotekunata chaynataq qatipaqkunata tapunankupaq qayachirqaku: ¿Imatataq Diospa Arcanwan ruwasunchik? Willaykuwayku, ¿imaynatataq maymi kasqanman kutichichwanchik? nispa.