Daniel 12:7 - CHUYA QELLQA La Biblia en Quechua de Ayacucho 2012

⁷ Hinaptinmi chay mayupa hawanpi sayaq linomanta pachayuq runa makinkunata altoman hoqarirqa, hinaspam kawsaq Diosrayku juraspan nirqa: Kaykunaqa cumplikunqa kimsa wata partenmantañam, Diospa chuya llaq-tanpa atiyninpa tuñichisqa kaynin tukuruptinñam, nispa.

Quechua Ayacucho Bible 1987

⁷ Hinaptinmi chay mayupa hawanpi sayaq linomanta pachayoq runa makinkunata altoman hoqarirqa hinaspam kawsaq Diosrayku juraspan nirqa: —Kaykunaqa cumplikunqa kimsa tiempo partenmantañam, Diospa sapaqchakusqan runakunapa atiynin puchukarachiq runa chinkachisqa kaptinñam tukuy kaykunaqa cumplikunqa —nispa.

Chuya Qellqa 1992

⁷ Hinaptinmi chay mayupa hawanpi sayaq linomanta pachayuq runa makinkunata altoman hoqarirqa, hinaspam kawsaq Diosrayku juraspan nirqa: Kaykunaqa cumplikunqa kimsa wata partenmantañam, Diospa chuya llaqtanpa atiyninpa tuñichisqa kaynin tukuruptinñam, nispa.

Daniel 12:7 Iomraidhean Croise

Jobwan Sutichasqa Libro 27:2

Derechoyta qechuruwaptinpas kawsaq Diosraykum jurani, llakichiwaptinpas Tukuy Atiyniyuq Diosraykum jurani,

Isaías 62:12

Israeltam sutichanqaku: “Tayta Diospa librasqan chuya llaqta” nispanku. Jerusalentañataqmi sutichanqaku: “Sumaq waqaychasqa munayllapaqña llaqta”, nispanku.

Jeremías 4:2

atinkim ñoqapa sutiypi jurayta, jurankiqa cheqap kaqwan, allin arreglowan hinaspa allin ruwaywanmi. Chaynapim llapa nacionkuna sutiyrayku bendecisqa kanqaku.

Ezequiel 20:5

Ñoqa Tayta Diospa nisqayta kaynata niy: Israelta akllakusqay punchawmi mirayninkunaman Egipto nacionpi reqsichikurqani, hinaspaymi jurarqani “ñoqa Tayta Diosmi, Diosnikiqa kani”, nispa.

Daniel 10:5

Hinachkaspam rikururqani linomanta pachayuq runata, paypaqqa weqaw watanpas qorimantam kasqa.

Daniel 11:13

Watakuna pasaruptinmi, norte lawpi reyqa, ñawpaqta nana-nanaq tropakuna huñusqanmantapas aswan achkataraq huñurunqa, hinaspam allin armasqa achkallaña tropankunawan sur lawman kutirinqa.

Daniel 12:6

Huk runam chay mayupa hawanpi sayarqa linomanta pachayuq. Paytam huknin tapurqa: ¿Haykapitaq kay admirakuypaq kaqkuna cumplikunqa? nispa.

Daniel 12:8

Chay uyarisqayta mana entiendespaymi payta tapurqani: Señorlláy, ¿imapitaq tukuy kaykuna tukunqa? nispa.

Daniel 4:31

Chay rimasqanta manaraqpas tukuykuchkaptinmi hanaq pachamanta kaynata rimapayamurqa: “Rey Nabuco-donosor, contraykipim huk decreto kachkan. Munaychakuynikim qanmanta qechusqaña;

Daniel 4:34

Chay sentenciawasqan tiempo cumplikuruptinmi ñoqa Nabucodonosor alto cielota qawarirqani, hinaptinmi yuyayniy huktawan kutiykuwarqa. Chaymi tukuy imapa hawanpi munaychakuq Diosta hatuncharqani, wiña-wiñaypaq kawsaq Diostam yupaycharqani, wiña-wiñaypaq Diosmanmi graciasta qorqani, paypa munaychakusqanqa wiña-wiñaypaqmi takyan, payqa runapa lliw mirayninkunapim munaychakun.

Daniel 7:21

Qawarqanitaqmi imaynam chay waqrachaqa Diospaq sapaqchasqa kaqkunata guerrawan hapispa vencerusqantapas.

Daniel 7:25

Chay reyqa tukuy imapa hawanpi munaychakuq Diostam kaminqa, Diospa llaqtantam ñakarichinqa, costumbrekunatawan Diospa kamachikuynintam tikraruyta munanqa, Diospaq sapaqchasqa kaqkunapim munaychakunqa, chaynataqa kimsa wata partenmi munaychakunqa.

Daniel 8:14

Hinaptinmi huknin angelñataq nirqa: Waranqa pachak pichqa chunka punchawkuna pasanankamam chay ofrendakunaqa mana ofrecesqachu kanqa tutaykuytapas nitaq achkiykuytapas, chaymantañam Diospa santuarionqa huktawan chuyanchasqa kanqa, nispa.

Daniel 8:24

Chay reyqa llumpay atiyniyuqmi rikurirunqa, ichaqa manam kikinpa atiyninraykuchu chaynaqa kanqa; payqa admirakuypaqtam tukuy imatapas purmachinqa, tukuy ima ruwasqanpipas allinpunim lloqsinqa, atiyniyuq runakunatam wañuchinqa, Diospa llaqtantapas wañuchinqam.

Lucas 21:14

Amayá puntataqa yuyaymanaychikchu imay-nam rimarikuytaqa.

Lucas 21:24

Wakinmi espadawan wañuchisqa kanqaku, wakinñataqmi huklaw nacionkunaman preso apasqa kanqaku. Jerusalén llaqtapas Diosta mana reqsiqkunapa sarupasqanmi kanqa, chaynaqa kanqa Diosta mana reqsiqkunapa munaychakunan tiempo tukunankamam.

Deuteronomio 26:19

Paymi wakin nacionkuna hatarichisqanmantapas ancha reqsisqata chaynataq allin qawasqata ruwasunkichik. Chaymi Señornikichik Tayta Diospa nisqanpi hina payllapaqña sapaqchasqa kankichik.

Deuteronomio 32:36

Tayta Diosmi llaqtanta mana kallpayuqta rikuspan nanachikunqa, manaña pipas kallpayuq qepasqanta rikuspanmi serviqninkunata llakipayarinqa.

Deuteronomio 32:40

Cieloman makiyta haywarispaymi jurani, wiñaypaq kawsaq Dios kasqayta.

Deuteronomio 7:6

Qamkunaqa Señornikichik Tayta Diospa sapaqchakusqan llaqtanmi kankichik. Tayta Diosmi kay pachapi llaqtakunamanta akllasurqankichik paypa kuyasqan llaqta kanaykichikpaq.

1~Pedro 2:9

Qamkunam ichaqa kankichik, Diospa akllasqan ayllukuna, Reyta serviq sacerdotekuna, Diospaq chuyanchasqan llaqta hinaspa Diospa rantisqan runankuna, chaynapi Diospa atiyninmanta willakunaykichikpaq, paymi tutayaymanta qayasurqankichik admirakuypaq achkiyninpi purinaykichikpaq.

Apocalipsis 12:14

Hinaptinmi warmiman qoykurqaku ankapa rapranta hina iskay raprakunata, chaytaqa qoykurqaku maqta urupa qayllanmanta maymi kasqan chunniqman pawarikunanpaqmi, chaynapi kimsa wata parten chaypi uywasqa kananpaq.

Apocalipsis 12:6

Warmiñataqmi Diospa alistapusqan chunniqman ayqekurqa, chaypi waranqa iskay pachak soqta chunka punchaw uywasqa kamunanpaq.

Apocalipsis 13:5

Chay manchakuypaq animalmanmi atiy qosqa karqa, Diospa contranpi tukuy imata rimananpaq hinaspa tawa chunka iskayniyuq killa munaychakunanpaq.

Apocalipsis 4:10

iskay chunka tawayuq ancianokuna wiña-wiñay kawsaqpa otaq tronopi kaqpa qayllanpi qonqorakuspanku coronankuta ñawpaqninman churaykuspanku kaynata yupaychasqaku:

Apocalipsis 4:9

Runaman rikchakuq chay kawsaqkuna, trononpi tiyaq wiña-wiñaypaq kawsakuq Diosta sapa kuti yupaychaspa hinaspa hatunchaspa graciasta qoptinkuñataqmi,