Daniel 12:1 - CHUYA QELLQA La Biblia en Quechua de Ayacucho 2012

¹ Chay tiempopim, Israel llaqtaykita waqaychaq ángel Miguel hatarimunqa. Chay punchawkunaqa ñakariy tiempom kanqa nacionkunapa rikurisqanmantapas chayna ñakariyqa manam haykapipas karqachu; ichaqa chayna kachkaptinmi llaqtaykimanta kaqkuna salvasqa kanqaku, salvasqaqa kanqaku libropi qellqasqa kaqkunallam.

Quechua Ayacucho Bible 1987

¹ —Chay tiempopim rikurimunqa Miguel sutiyoq hatun kamachikuq angel, payqariki llaqtamasikikunata nanachikuq angelmi. Chay tiempoqa ñakariy tiempom kanqa. Nacionkunapa rikurisqanmantapas manam karqachu chayna tiempoqa. Manataqmá chayna ñakariyqa karqachu chay tiempokamaqa. Ichaqa chaywanpas chay tiempopim llaqtamasikikuna librasqa kanqaku. Libropi qellqasqa sutiyoqkunam lliw librakunqaku.

Chuya Qellqa 1992

¹ Chay tiempopim, Israel llaqtaykita waqaychaq ángel Miguel hatarimunqa. Chay punchawkunaqa ñakariy tiempom kanqa nacionkunapa rikurisqanmantapas chayna ñakariyqa manam haykapipas karqachu; ichaqa chayna kachkaptinmi llaqtaykimanta kaqkuna salvasqa kanqaku, salvasqaqa kanqaku libropi qellqasqa kaqkunallam.

Daniel 12:1 Iomraidhean Croise

Isaías 4:3

Sión llaqtapi puchuqkunatam, Jerusalén llaqtapi qepaqkunatam Diospaq sapaqchasqawan sutichanqaku. Chaynataqa sutichanqaku Jerusalén llaqtapi kawsaqkunamanta listasqakunatam.

Isaías 9:7

Rey Davidpa trononmantam kamachikunqa, munaychakuyninpa atiyninmi tukuy hinastinman chayanqa, munaychakuyninpiqa hawkayaypas manam tukunqachu, munaychakuyninqa wiña-wiñaypaqmi takyanqa. Mana pimanpas sayapakuspam kamachikunqa, allin arreglokunawanmi munaychakunqa, kunanmanta wiña-wiñaykama. Tukuy Atiyniyuq Tayta Diospa kuyakuyninmi chaytaqa ruwanqa.

Jeremías 30:10

Ñoqa Tayta Diosmi kaynata nini: Serviqniy Jacobpa mirayninkuna ama manchakuychikchu, Israelpa mirayninkuna ama hukmanyaychikchu; ñoqam preso risqaykichik karu nacionmanta qamkunatapas miraynikichikkunatapas libramusqaykichik, kutimuspaykichikmi mana pipa manchachisqan hawkaña kawsakunkichik.

Jeremías 30:7

¡Mancharikuypaq punchawkunam hamuchkan! Manam chay punchaw hinaqa haykapas karqachu. Jacobpa mirayninkunapaqmi sasachakuy punchawkuna hamuchkan, chaywanpas paykunataqa ñoqam librasaq.

Ezequiel 13:9

Chaynaqa, profeta tukuspa revelacionpi yanqa qawaqkunapa contranpim hinaspa llullata profetizaqkunapa contranpim hatarisaq, llaqtay huñunakuptinpas manam chaymanqa yaykunqakuchu. Sutinkupas manam Israelpa listanpiqa qellqasqachu kanqa; Israel allpamanpas manam paykunaqa kutinqakuchu. Chaynapim Tayta Dios kasqayta yachankichik.

Ezequiel 34:24

Ñoqa Tayta Diosmi paykunapa Diosnin kasaq, serviqniy Davidñataqmi kamachiqninku kanqa. Ñoqa Tayta Diosmi chaynata nini.

Ezequiel 5:9

Qamtaqa ruwasqayki mana haykapipas ruwasqayta hinam, manataqmi chaynataqa huktawanqa ruwasaqñachu. ¡Mayna millakuypaqmi ruwasqaykikunaqa!

Daniel 10:13

Ichaqa Persia nacionta waqaychaq angelmi iskay chunka hukniyuq punchaw harkaramuwarqa, ichaqa kamachikuq ángel Miguelmi yanapawananpaq hamurqa, payqa hamurqa Persia nacionpa reyninkunawan sapallay qeparusqayraykum.

Daniel 10:21

Kunanmi nisqayki cheqap kaqmanta rimaq libropi imam qellqasqa kasqanta. Paykunawan peleaptiyqa manam pipas yanapawarqachu. Aswanqa Israel nacionta waqaychaq ángel Miguelmi yanapaykuwarqa.

Daniel 11:45

Chay reyqa, carpankunatam lamar qochamanta Diospaq sapaqchasqa “kuyayllapaq moqoman” riq ñanpi sayachinqa. Ichaqa wañunan punchaw chayaramuptinmi manaña pipas yanapanqachu.

Daniel 7:10

Ñawpaqninmantapas nina mayum lloqsirqa, paytaqa waranqantin-waranqantinmi servirqaku, ñawpaqninpipas manaña yupay atinam sayarqaku. Tribunalpi juez tiyaykuptinmi librokuna kichasqa karqa.

Daniel 9:12

Qamqa ñam cumplirunkiña contraykupi chaynataq kamachiqniykupa contranpi rimasqaykitapas, chaynapim chay hatun ñakariyta hawaykuman chayachimurqanki; sasachakuyqa manam haykapipas Jerusalén llaqtapiqa karqachu.

Joel 2:2

Chay punchawqa tutayaymi kanqa, tutayaypa yana puyupa pampaykusqanmi kanqa. Imaynam paqariypi achkiy urqukunapi mastarikun, chaynam huk kallpasapa llaqta achkallaña tropayuq hamuchkan, chayna tropakunaqa ñawpaqtapas manam karqachu, nitaqmi qepamanpas kanqachu.

Malaquías 3:16

Hinaptinmi Tayta Diosta kasukuspa hatunchaqkuna kikinkupura rimanakurqaku, chaytam Tayta Dios allinta uyarirqa. Chaymi Tayta Diospa qayllanpi huk librota qellqarqaku, Diosta kasukuqkunamanta chaynataq sutinta hatunchaqkunamanta yuyarinankupaq.

Mateo 24:21

Chay punchawkunapiqa hatun ñakariymi kakunqa, chayna ñakariyqa kay pachapa qallariyninmantapuni kunankamapas manam karqachu, nitaqmi haykapipas kanqachu.

Marcos 13:19

Chay punchawkunapiqa hatu-hatun ñakariymi kanqa, chayna ñakariyqa manam kay pachata Dios unanchasqanmanta kunankamapas karqachu, manataqmi qepamanpas kanqachu.

Lucas 10:20

Amayá kusikuy-chikqa demoniokunapa kasususqaykichikwanchu, aswanqa sutikichik hanaq pachapi qellqasqa kasqanwanyá, nispan.

Romanos 11:15

Judiokunata Dios qepanchakuruptinmi llapallan runakuna Dioswan allinyanakurunku. Chaynaqa, ¡mayna allinraq kanqa judiokunata Dios chaskiykuptinqa! ¡Wañuymanta kawsarimuchkaq hinaraqcha kanqaku!

Romanos 11:26

Chaymantañam llapallan judiokunapas salvasqa kanqaku. Chuya Qellqapim kaynata nin: “Sión llaqtamantam librakuqqa hamunqa, hinaspam Jacobpa mirayninta huchamanta rakinqa.

Efesios 1:21

Hinaspam hatuncharun gobiernaqkunapa, kamachikuqkunapa, atiyniyuqkunapa, munaychakuqkunapa, chaynataq kunan tiempopi, hamuq tiempopi imaymana sutiyuqkunapa hawanpim hatuncharun.

Filipenses 4:3

Llamkaqmasilláy, qamtañataqmi valekuyki chay paninchikkunata yanapaykunaykipaq. Paykunapas yanapaykuwarqakum Cristomanta allin noticiata willakuptiy, yanapaykuwarqataqmi Clementewan wakin llam-kaqmasiykunapas. Paykunapa sutinqa wiñay kawsay libropi qellqasqañam kachkan.

Judas 1:9

Angelkunata kamachiq Miguelmi Moisespa cuerponmanta diablowan pelearqa, chaywanpas diablotaqa manam ñakarqachu, aswanqa kaynallatam nirqa: “Señoryá qaqchasunki”, nispan.

Apocalipsis 1:5

chaynataq Jesucristomantapas. Payqa cheqap testigom, wañuqkunamanta punta kawsarimuqmi, reykunapa reyninmi, kuyawaspanchik huchanchikkunamanta yawarninwan mayllaqninchikmi.

Apocalipsis 12:7

Chaymantam hanaq pachapi hatu-hatun guerra karqa. Miguelmi angelninkunapiwan dragonpa contranpi pelearqa. Dragonpas angelninkunapiwanmi kutichikurqa

Apocalipsis 13:8

Chay manchakuypaq animaltam kay pachapi llapallan yachaqkuna otaq Corderopa kawsay libronpi sutinku mana qellqasqa kaqkuna yupaycharqaku. Chay Corderoqa manaraqpas kay pacha unanchasqa kachkaptinmi wañunanpaq citasqaña karqa.

Apocalipsis 17:14

Corderowan peleaptinkum Cordero vencerunqa, payqa señorkunapa Señorninmi, reykunapa Reyninmi. Paywan kaqkunaqa Diospa akllasqankunam hinaspa qayasqankunam, paykunaqa qaqa hinam sayachkanku, nispa.

Apocalipsis 20:12

Chaymantam rikurqani hatunpas, taksapas ñawpaq wañuqkunatapas, paykunaqa Diospa qayllanpim sayachkasqaku, hinaptinmi librokuna kichasqa karqa. Wiñay kawsay libropas kichasqataqmi karqa hinaptinmi chay libropi qellqasqaman hina hinaspa imam ruwasqankuman hina wañusqakuna juzgasqa karqaku.

Apocalipsis 20:15

Kawsay libropi sutinku mana qellqasqa kaqkunapas chay rupachkaq qochamanmi wischusqa karqaku.

Apocalipsis 3:5

Pipas venceqkunaqa yuraq pachawan pachachisqam kanqaku, sutinkutapas manataqmi kawsay libromantaqa chinkachisaqchu, hinaspam Taytaypa chaynataq angelninkunapa qayllanpi sutinkumanta willakusaq.

Apocalipsis 7:14

Ñoqañataqmi nirqani: Señorlláy, qanmi yachanki, nispay. Chaymi payñataq niwarqa: Paykunaqa hatu-hatun ñakariymanta hamuqkunam hinaspa pachankutapas Corderopa yawarninwan taqsaspa yuraqyachiqkunam.