Daniel 11:6 - CHUYA QELLQA La Biblia en Quechua de Ayacucho 2012

⁶ Watakunapa risqanman hinam, iskayninku huk contratota ruwanqaku. Sur lawpi kaq reymi warmi churinwan casarachinqa norte lawpi kaq reyta, chaynapi iskayninku hawkalla kawsanankupaq. Ichaqa chay casarachisqan warmi churinta qosantinta, wawankutawan chaynataq waqaychaqninkunatawan kuskata wañura-chisqankuraykum chay contrato ruwas-qanku yanqachakurunqa.

Quechua Ayacucho Bible 1987

⁶ Ichaqa watakunapa pasasqanman hinam paykunaqa iskayninku huk contratota ruranqaku, surlawpi kaq reypa warmi churinmi casarakunanpaq rinqa norte lawpi kaq reyman chaynapi chay contrato rurasqankuqa allin takyananpaq. Ichaqa chay warmi churinqa manam munaychakunqachu. Qosanpas mana munaychakusqanraykum mana takyanqachu. Chay reypa warmi churinqariki pusaqninkunapiwanmi traicionasqa kanqa, traicionasqataqmi kanqa taytan reypas chaynataq chay tiempopi warmi churinta yanapaqninpas.

Chuya Qellqa 1992

⁶ Watakunapa risqanman hinam, iskayninku huk contratota ruwanqaku. Sur lawpi kaq reymi warmi churinwan casarachinqa norte lawpi kaq reyta, chaynapi iskayninku hawkalla kawsanankupaq. Ichaqa chay casarachisqan warmi churinta qosantinta, wawankutawan chaynataq waqaychaqninkunatawan kuskata wañurachisqankuraykum chay contrato ruwasqankuta yanqachakurunqa.

Daniel 11:6 Iomraidhean Croise

Jobwan Sutichasqa Libro 38:15

Mana allin ruwaqkunamantaqa achkiyqa qechusqam, hatun tukuq makinkupas pakisqam.

Ezequiel 30:21

Runapa churin, Egipto nacionpa reynin Faraonpa makinta pakiruptiymi mana pipas hampiykuqnin nitaq wataykuqninpas kanchu, chaynapi kallpanchakuspan espadata hapinanpaq.

Daniel 11:13

Watakuna pasaruptinmi, norte lawpi reyqa, ñawpaqta nana-nanaq tropakuna huñusqanmantapas aswan achkataraq huñurunqa, hinaspam allin armasqa achkallaña tropankunawan sur lawman kutirinqa.

Daniel 11:15

Norte lawpi rey hamuruspanmi, sur lawpi llaqtapa murallanpa qepanpi allpakunata huk hawaqllaman montorunqa, chayninta yaykuspam chay llaqtata vencerunqa. Sur law reypa tropankunaqa manam imayna kutichikuytapas atinqakuchu, akllasqa soldadonkunapas mana kallpayuqñam rikurirunqaku.

Daniel 11:40

Tukupay tiempo chayaramuptinmi, sur lawpi rey guerrawan hapirunqa norte lawpi reyta. Ichaqa norte lawpi reymi wayra-para hinaraq sur lawpi reypa contranpi mastarikunqa, guerrapaq carretankunawan, sillada tropankunawan, achkallaña barcokunawanmi chayarunqa; hinaspam lloqlla hinaraq achka llaqtakunata chinkarachinqa.

Daniel 11:7

Ichaqa chay warmipa hukkaqnin ayllunmi norte lawpi tropakunapa contranpi hatarirunqa, hinaspam norte lawpi reypa murallasqa llaqtanman yaykuruspa vencerunqa.

Zacarías 11:16

Kunanmi kay nacionpi huk michiqta churasaq, chinkasqa ovejakunapas paytaqa manam imapas qokunqachu, uñachankunatapas manam maskamunqachu, chaki pakisqakunatapas manam hampiykunqachu, pisipasqakunatapas manam marqarinqachu, aswanmi poqosqan kaqkunata situntawanpas mikurunqa.