Daniel 11:44 - CHUYA QELLQA La Biblia en Quechua de Ayacucho 2012

⁴⁴ Ichaqa intipa qespimunan lawmantawan norte lawmantam mancharikuypaq noticiakunata uyarirunqa, chaymi piñakuyllawanña lloqsinqa tukuy imatapas purmachispan achka runakunata wañuchinanpaq.

Quechua Ayacucho Bible 1987

⁴⁴ Ichaqa intipa qespimunan lawmantawan norte lawmantam uyarirunqa mancharikuypaq noticiakunata, piñakuyllawanñam lloqsinqa tukuy imatapas purmachinanpaq hinaspa achka-achka runakunata wañuchinanpaq.

Chuya Qellqa 1992

⁴⁴ Ichaqa intipa qespimunan lawmantawan norte lawmantam mancharikuypaq noticiakunata uyarirunqa, chaymi piñakuyllawanña lloqsinqa tukuy imatapas purmachispan achka runakunata wañuchinanpaq.

Daniel 11:44 Iomraidhean Croise

Daniel 11:11

Norte law tropakunapa chayamusqanwanmi sur lawpi reyqa llumpayta piñakurunqa, hinaspam chay nana-nanaq tropakunawan peleaq lloqsispan pasaypaqta vencerunqa.

Daniel 11:30

Payqa Quitim lawmanta hamuq barcokunapa harkasqan kaspanmi hukmanyasqallaña kutirinqa. Diospa pacto ruwasqanpa contranpi llumpayllataña piñakuruspanmi millakuypaq kaqkunata ruwanqa, hinaspanmi Diospa pacto ruwasqan qepanchaqkunata yanapanqa.

Daniel 11:43

Egipto nacionpa qori-qollqenkunatapas chaynataq ancha valorniyuq kapuqninkunatapas apakunqam. Libia nacionwan Etiopía nacionpas paytam servinqaku.

Daniel 11:45

Chay reyqa, carpankunatam lamar qochamanta Diospaq sapaqchasqa “kuyayllapaq moqoman” riq ñanpi sayachinqa. Ichaqa wañunan punchaw chayaramuptinmi manaña pipas yanapanqachu.

Apocalipsis 16:12

Soqta kaq angelpas copa apasqantam hatun Eufrates mayuman talliykurqa hinaptinmi chay mayuqa chakirurqa, chakirurqaqa intipa qespimunan lawmanta hamuq reykuna chayninta chimpanankupaqmi.

Apocalipsis 17:13

Chay chunkantin reykunam huk sonqolla kachkanku atiyninkutawan munayninkuta manchakuypaq animalman qonankupaq.