Daniel 11:41 - CHUYA QELLQA La Biblia en Quechua de Ayacucho 2012

⁴¹ Sumaq allpamanpas yaykuruspanmi achka-achka runakunata wañurachinqa; Edom nacionniyuq Moab nacionniyuq runakunam ichaqa paymanta ayqekunqaku, ayqekunqakutaqmi Amonpa mirayninmanta ancha reqsisqa runa-kunapas.

Quechua Ayacucho Bible 1987

⁴¹ Chay norte nacionniyoq reyqa yaykunqataqmi Kuyayllapaq Allpamanpas hinaspam wañurachinqa achka-achka runakunata, Edom nacionniyoq runakunawan Moab nacionniyoq runakunaqa paymantam ayqekunqaku, ayqekunqakutaqmi Amonpa mirayninmanta allin reqsisqa runakunapas.

Chuya Qellqa 1992

⁴¹ Sumaq allpamanpas yaykuruspanmi achka-achka runakunata wañurachinqa; Edom nacionniyuq Moab nacionniyuq runakunam ichaqa paymanta ayqekunqaku, ayqekunqakutaqmi Amonpa mirayninmanta ancha reqsisqa runakunapas.

Daniel 11:41 Iomraidhean Croise

Jeremías 48:47

Chaywanpas tukupay tiempokunapim Moabmanta preso apasqa kaqkunata kutichimusaq. Chaynatam Moab nacionta juzgasaq. Ñoqa Tayta Diosmi chaynata nini.

Jeremías 49:6

Chaykunapa qepantam Amonmanta preso apasqakunata kutichimusaq. Ñoqa Tayta Diosmi chaynata nini.

Jeremías 9:26

Judá naciontapas, Egiptotapas, Amontapas, Edomtapas, Moabtapas hinaspa rinrinkupa ñawpaqnin lawpi kaq chukchanku rutukuqkunatapas chaynataq chunniqpi yachaqkunatapas castiganaypaq. Chay nacionpi kaqkunaqa llapallankum qari kayninkupi mana señalasqa runakuna, Israelpa mirayninkunañataqmi sonqonkupi mana señalasqa runakuna.

Daniel 11:16

Norte lawmanta hamuq reymi vencerachikuq enemigonkunawan munasqanta ruwanqa, manam pipas paypa contranpi sayariyta atinqachu. Chay sumaq allpapi munaychakuspam tukuy imata purmachinqa.

Daniel 11:42

Achka nacionkunapi mu-naychakuptinmi Egipto nacionpas mana lluptinqachu.

Daniel 11:45

Chay reyqa, carpankunatam lamar qochamanta Diospaq sapaqchasqa “kuyayllapaq moqoman” riq ñanpi sayachinqa. Ichaqa wañunan punchaw chayaramuptinmi manaña pipas yanapanqachu.

Daniel 8:9

Huknin waqramantam huk taksa waqracha wiñaramurqa, chay waqracham sur lawman llumpayllataña wiñarurqa, wiñarurqataqmi intipa qespimunan lawmanpas chaynataq sumaq allpa lawmanpas.