Daniel 11:40 - CHUYA QELLQA La Biblia en Quechua de Ayacucho 2012

⁴⁰ Tukupay tiempo chayaramuptinmi, sur lawpi rey guerrawan hapirunqa norte lawpi reyta. Ichaqa norte lawpi reymi wayra-para hinaraq sur lawpi reypa contranpi mastarikunqa, guerrapaq carretankunawan, sillada tropankunawan, achkallaña barcokunawanmi chayarunqa; hinaspam lloqlla hinaraq achka llaqtakunata chinkarachinqa.

Quechua Ayacucho Bible 1987

⁴⁰ —Tukupay tiempo chayamuptinmi chay norte lawpi reytaqa guerrawan hapirunqa surlawpi kaq rey. Ichaqa chay norte lawpi reymi wayra para hinaraq mastarikunqa paypa contranpi. Chay norte nacionniyoq reyqariki pasanqa guerrapaq carretankunawanmi chaynataq sillada tropankunawanmi hinaspa nana-nanaq buquenkunawanmi, payqa chayarunqa nacionpi lloqlla kallpachkaq hinaraqmi.

Chuya Qellqa 1992

⁴⁰ Tukupay tiempo chayaramuptinmi, sur lawpi rey guerrawan hapirunqa norte lawpi reyta. Ichaqa norte lawpi reymi wayra-para hinaraq sur lawpi reypa contranpi mastarikunqa, guerrapaq carretankunawan, sillada tropankunawan, achkallaña barcokunawanmi chayarunqa; hinaspam lloqlla hinaraq achka llaqtakunata chinkarachinqa.

Daniel 11:40 Iomraidhean Croise

Isaías 21:1

Lamar qochapa hichpanpi chunniq lawpa contranpim Isaías kaynata nirqa: Imaynam Neguev lawninta sinchi wayra hamun, chaynam manchakuypaq chunniq lawmanta enemigo hamuchkan.

Isaías 5:28

Ñawchiy-ñawchiymi flechankupas, suma-sumaq estirasqam arconkupas. Rumi hinaraqmi caballonkupa situnpas, remolino wayra hinaraqmi carretankupa ruedankunapas.

Isaías 66:15

Tayta Diosqa ninapa chawpinpim hamuchkan, carretankunapas kallpasapa viento hinaraqmi hamuchkan; llumpay piñakuynintam kacharimunqa, lenwachkaq nina hina piñakuyninwami castiganqa.

Jeremías 4:13

Qawariychik, enemigoykichikmi puyu hinaña hamuchkan, guerrapaq carretankupas sinchi wayra hinaraqmi hamuchkan, caballonkupas ankamantapas mastaraqmi pawamuchkan. ¡Ay ñoqanchikya, imaynaraq kasunchik!

Ezequiel 38:4

Kakichuykimanta ganchokunawan hapirachispaymi llapa tropaykikunatawan kuskata hurqorusqayki, hurqorusaqtaqmi caballoykikunatapas chaynataq suma-sumaq pachasqa sillada tropaykikunatapas. Tropaykikunaqa espadakunawan hinaspa tukuy rikchaq escudokunawan armasqam kachkanku.

Ezequiel 38:9

Hinachkaptinmi puyu tapaykuchkaq hinaraq chayaruspa, wayra-para hinaraq nana-nanaq tropaykikunawan chay nacionta intuykunki.

Daniel 11:10

Ichaqa norte lawpi reypa churinkunam piñakuspanku nana-nanaq tropakunata hatarichinqaku. Lloqlla hinaraq mastarikuspankum sur lawpi reypa murallasqa llaqtanman chayaruspanku huktawan atacanqaku.

Daniel 11:11

Norte law tropakunapa chayamusqanwanmi sur lawpi reyqa llumpayta piñakurunqa, hinaspam chay nana-nanaq tropakunawan peleaq lloqsispan pasaypaqta vencerunqa.

Daniel 11:13

Watakuna pasaruptinmi, norte lawpi reyqa, ñawpaqta nana-nanaq tropakuna huñusqanmantapas aswan achkataraq huñurunqa, hinaspam allin armasqa achkallaña tropankunawan sur lawman kutirinqa.

Daniel 11:22

Payqa kallpasapallaña lloqlla hinam contranpi hatarimuqkunatapas pasaypaqta chinkarachinqa, paykunatawan kuskatam contrato ruwaq kamachikuqtapas wañurachinqa.

Daniel 11:25

Atiyninpi kallpanchakuspam achka nana-nanaq tropankunawan sur law reypa contranpi rinqa. Sur lawpi reypas nana-nanaq kallpasapa tropankunata huñuruspan guerraman yaykunqa, ichaqa runankuna qepancharuptinmi enemigonkuna venceyta mana atinqachu.

Daniel 11:35

Yachayniyuq runakunamantapas wakinmi qatikachasqa kanqaku, chayna ñakarichisqaqa kanqaku metal chulluchisqa hina chuyanchasqa kanankupaqmi. Paykunaqa mana allinmanta rakisqa kaspankum mana huchayuqña kanqaku. Chaynaqa, tarikunqaku tukupay tiempo chayamunankamam.

Daniel 11:39

Payqa rikchaqmana idolokunata yupaychaq tropakunawan yanapa-chikuspam, mana yaykuy atina mura-llasqa llaqtakunata vencenqa; reyninkupaq chaskiqnin runakunamanmi tukuy imata qonqa, chay runakunata hatunchaspanmi llaqtakunapi kamachikuq kanankupaq churanqa. Paykunamanqa yanapasqanmantam chakrakunata rakinanqa.

Daniel 11:7

Ichaqa chay warmipa hukkaqnin ayllunmi norte lawpi tropakunapa contranpi hatarirunqa, hinaspam norte lawpi reypa murallasqa llaqtanman yaykuruspa vencerunqa.

Daniel 12:4

Ichaqa Daniel, kay willasqaykunata libropi wichqay hinaspa tukupay tiempo chayamunankama selloykita churaykuy. Llapa runakunam yachayta maskaspanku kayman chayman purinqaku, nispa.

Daniel 12:9

Hinaptinmi payñataq niwarqa: Daniel, pasakuyña. Kay willasqayku-naqa wichqasqañam, tukupay tiempo-kamam sellasqaña kachkan.

Daniel 8:17

Chaynapim payqa ñoqapa kasqaykama asuykamuwarqa, chaymi manchakuyllawanña qonqoranpa kumuykuptiy niwarqa: “Runapa churin, kay imam qawasqaykiqa tukupay tiempokunapaqmi”, nispa.

Habacuc 3:14

Capitanninkunatapas kikinpa flechallanwanmi wañurachirqanki, chaynataqa ruwarqanki cheqerachiwanankupaq kallpasapa wayra hinaraq pawaykamuwaptinkum, mana pipa yachasqallanta chinkarachiwanankupaq pawaykamuwaptinkum.

Zacarías 9:14

Tayta Diosmi llaqtanpi qawachikunqa, flechankunatapas llipyata hinam kacharinqa; Tayta Diosmi trompetata tocanqa, sur lawmanta hatarimuq remolino wayrapa chawpintam hamunqa.

Apocalipsis 16:12

Soqta kaq angelpas copa apasqantam hatun Eufrates mayuman talliykurqa hinaptinmi chay mayuqa chakirurqa, chakirurqaqa intipa qespimunan lawmanta hamuq reykuna chayninta chimpanankupaqmi.

Apocalipsis 9:16

Uyarirqanitaqmi sillada tropakunapa haykam kasqantapas, paykunaqa kasqa iskay pachak wara-waranqam.