Daniel 11:4 - CHUYA QELLQA La Biblia en Quechua de Ayacucho 2012

⁴ Ichaqa chay munaychakuyninmi allinta richkaspan tawaman rakinasqa kanqa. Chay reypa munaychakuyninqa manam mirayninkunamanpas qosqachu kanqa, manataqmi ñawpaq tiemponpi hina ancha atiyniyuqchu kanqa. Chaynaqa, kanqa tawaman rakinasqa kaspa sapaq runakunapa munaychakusqanña kasqanraykum.

Quechua Ayacucho Bible 1987

⁴ ichaqa chayna hatariruspan gobiernachkaptinñataqmi chay gobiernonqa rakinasqa kanqa tawa parteman. Chay reypa munaychakusqanqa manam qosqachu kanqa mirayninkunamanpas, chay gobiernonpas manataqmi kanqa ñawpaq tiemponpi hina ancha atiyniyoqchu. Chaynaqariki kanqa chay gobiernon wichichisqa kasqanraykum hinaspapas manaña mirayninmanta kaq runapa gobiernasqan kasqanraykum.

Chuya Qellqa 1992

⁴ Ichaqa chay munaychakuyninmi allinta richkaspan tawaman rakinasqa kanqa. Chay reypa munaychakuyninqa manam mirayninkunamanpas qosqachu kanqa, manataqmi ñawpaq tiemponpi hina ancha atiyniyuqchu kanqa. Chaynaqa, kanqa tawaman rakinasqa kaspa sapaq runakunapa munaychakusqanña kasqanraykum.

Daniel 11:4 Iomraidhean Croise

Eclesiastés 4:8

Mana wawqeyuq, mana churiyuq, mana piniyuq runatam rikurqani. Mana samaykuspam llamkan, tukuy imayuq kasqanwanpas manam contentakunchu. Payqa manam tapukunchu: “¿Pipaqtaq kusikuytapas qepancharispay kaynataña llamkani?” nispaqa. Chaypas waspiy hina chinkaruqllam.

Jeremías 12:15

Chaynata hurqoruspaypas paykunataqa llakipayarisaqmi, hinaspaymi sapakamata nacionninkuman kutichisaq.

Jeremías 12:17

Mana kasuwaqniy naciontam ichaqa sapinmanta sachata hurqochkaq hina pasaypaqta chinkarachisaq. Ñoqa Tayta Diosmi chaynata nini.

Jeremías 18:7

Munasqay horapim mayqan nacionpa, mayqan munaychakuypa contranpipas pelarunaypaq, tuñichinaypaq hinaspa chinkachinaypaqpas rimarisaq.

Jeremías 31:40

Chaymantam ayakuna wischunanku lawninta hinaspa uchpa wischunanku wayqonta chutarikunqa Cedrón wayqonta intipa qespimunan lawpi Caballokunapa yaykunanwan sutichasqa punkukama. Tukuy chaykunam ñoqa Tayta Diospaq sapaqchasqa kanqa. Chay llaqtaqa manañam haykapipas tuñichisqachu nitaq purmachisqachu kanqa.

Jeremías 45:4

Tayta Diosmi kaynata nisunki: Hatarichisqaytam tuñirachini, plantasqaytam pelaruni. Chaynatam kay pachatapas ruwasaq.

Jeremías 49:36

Elam nacionpa contranpim, kay pachapa tawan lawninmanta wayrata chayarachimusaq; hinaptinmi tukuy hinastinman cheqenqaku, llapallan nacionkunamanmi lluptinqaku, manam chulla nacionpas mana chayasqankuqa kanqachu.

Ezequiel 37:9

Chaymantam Tayta Dios niwarqa: Runapa churin, kawsachikuq samayta kaynata niy: Tayta Diosmi kaynata nisunki: ¡Kawsachikuq samay, tawan lawmanta hamuspa kay wañusqakunata kawsarichiy! nispa.

Daniel 7:2

kaynata qellqarqa: Ñoqam mosqoyniypi qawachkasqani tukuy hinastinmanta vientokuna puku-muspan hatun lamar qochapa yakunkunata kayman chayman kuyuchiqta.

Daniel 7:6

Kimsa kaq animalmi leopardoman rikchakusqa, chay animalqa kasqa wasanpi tawa raprayuqmi hinaspa tawa umayuqmi. Chaymi munaychakunanpaq payman atiy qosqa karqa.

Daniel 7:8

Chay waqrakunata qawachkaptiymi, chawpinkumanta taksa waqracha wiñaramurqa, chay waqracha hatunyananpaqmi kimsa waqrakuna maymi kasqanmanta witusqa karqa. Chay waqrachaqa kasqa runapa ñawin ñawiyuqmi, kasqataqmi siminpas, chaymi hatun tukuspa rimarqa.

Daniel 8:22

Rikurqankitaqmi imaynam chay punta kaq waqran pakiruptin chaypa rantinpi tawa waqrakunaña wiñaramusqantapas. Chay waqraqa huk munaychakuymi, chaymantam tawa kamachikuqkuna lloqsimunqaku, paykunaqa manam punta kaq munaychakuq hina ancha atiyniyuqchu kanqaku.

Daniel 8:8

Chay chivatom aswan atiyniyuq rikurirurqa, chayna atiyniyuqllaña kachkaptinmi hatun waqran pakikururqa, hinaptinmi chay waqrapa rantinpi tawa waqrakunaña wiñaramurqa, chay tawa waqrakunaqa tawa lawmanmi qawarqa.

Zacarías 2:6

Tayta Diosmi kaynata nin: ¡Lluptiychik, lluptiychik! norte lawpi yachaqkuna. Ñoqam kay pachapi tukuy hinastinman cheqechirqaykichik. Tayta Diosmi chaynata nin.

Zacarías 6:5

Chay angelñataqmi niwarqa: Kay carretakunaqa hanaq pachapi tawa wayrakunam, paykunam kay pachapi munaychakuq Tayta Diospa qayllanman yaykusqankumanta lloqsichkanku.

Mateo 12:25

Imaynam yuyaymanasqankuta yacha-ruspanmi Jesús nirqa: Ima nacionpas kikinpura rakinasqa kaspaqa purmachisqam kanqa, llaqtapas otaq ayllupas rakinasqa kaspaqa manam takyanqachu.

Lucas 12:20

Ichaqa Diosmi payta nirqa: “Mana yuyayniyuq runa, kunan tutam almayki mañaq hamuchkan. Chaynaqa, ¿pipaqtaq kanqa tukuy ima huñukusqaykiqa?” nispa.

Apocalipsis 7:1

Chaymantam rikurqani tawa angelkunata kay pachapa tawan lawpi sayachkaqta, paykunam wayrata harkamusqaku kay pachamanpas, lamar qochamanpas chaynataq ima sachamanpas mana wayramunanpaq.