Daniel 11:36 - CHUYA QELLQA La Biblia en Quechua de Ayacucho 2012

³⁶ Norte nacionniyuq reymi tukuy imam munasqanta ruwanqa, hatun tukuspanmi kaynata ninqa: “Ñoqaqa llapallan dioskunapapas hawanpim kachkani”, nispa. Payqa Diospa contranpipas millakuypaq mana allinkunatam rimanqa. Payqa tukuy imapim allinllaña lloqsinqa Diospa piñakuynin payta hayparunankama. Diosqa imam tanteasqantaqa ruwanqapunim.

Quechua Ayacucho Bible 1987

³⁶ —Norte nacionniyoq reymi ruranqa tukuy imam munasqanta, hatunchakuspanmi kaynata ninqa: “Ñoqaqariki kachkani llapallan dioskunapapas hawanpim” nispa. Payqa cheqap Diospa contranpipas admirakuypaq kaqkunatam rimanqa. Payqa tukuy imapim allinllaña lloqsinqa Diospa piñakuynin wichiykunankama. Diosqariki ruranqapunim imam tanteasqantaqa.

Chuya Qellqa 1992

³⁶ Norte nacionniyuq reymi tukuy imam munasqanta ruwanqa, hatun tukuspanmi kaynata ninqa: “Ñoqaqa llapallan dioskunapapas hawanpim kachkani”, nispa. Payqa Diospa contranpipas millakuypaq mana allinkunatam rimanqa. Payqa tukuy imapim allinllaña lloqsinqa Diospa piñakuynin payta hayparunankama. Diosqa imam tanteasqantaqa ruwanqapunim.

Daniel 11:36 Iomraidhean Croise

Proverbios 19:21

Runapa sonqonpiqa tukuy rikchaq piensaykunam tarikun, chaywanpas Tayta Diospa munasqallanmi takyanqaqa.

Isaías 10:23

Tukuy Atiyniyuq Tayta Diosmi tantearun chayna chinkachiytaqa. Imam tanteasqantaqa lliw nacionpim ruwanqa.

Isaías 10:25

Manapas unaymantam contraykichikpi piñakuyniy tukurunqa, piñakuyniyqa enemigoykikunatañam pasaypaqta chinkachinqa, nispa.

Isaías 10:5

¡Ay, imaynaraq kanqa Asiria nacionpa reynin! Payqa castiganaypaq makiypi kaspim, piñakuyniytam makinman churani.

Isaías 14:13

Qanmi sonqoykipi nirqanki: Ñoqam hanaq pachaman qespirusaq, Tayta Diospa chaskakunapa altonpim tiyanayta churamusaq, norte lawman rispaymi tiyamusaq, dioskunapa huñunakunanku orqopim tiyamusaq.

Isaías 14:14

Alto-altopi kaq puyukunapa altonmanraqmi seqarusaq, “ñoqaqa hatu-hatun Dios hinam kasaq”, nispa.

Isaías 26:20

Llaqtalláy, wasikichikman yaykuychik, punkuykichikta wichqakamuspa chaypi pakakamuychik, Diospa piñakuynin pasarunankama pakakamuychik.

Isaías 30:33

Asiriapaqwan reyninpaqmi ñawpaqmantaraq ancho-ancho hinaspa uku-uku toqo allichasqa kachkan, achkallaña yantawan ratachisqa kunununuq ninam kachkan, Tayta Diospa samayninmi azufreyuq mayu hina chaypi rupanqa.

Isaías 46:10

Ñawpaqmantaraqmi manaraq imapas pasakuchkaptin, hamuq punchawkunapi imakunam pasakunanmanta willakuni. Ñoqam nini: Tanteasqaykunaqa takyanqam, tukuy munasqaykunatam ruwasaq, nispa.

Isaías 57:9

Moloc idolomanmi aceite aparisqa rirqanki, perfumekunatam payman aparqanki; karukunamanraqmi comisionta kacharqanki, wañuqkunapa kasqanmanraqmi uraykachirqanki.

Ezequiel 28:2

Runapa churin, ñoqa Tayta Diospa nisqayta Tiro llaqtapa reyninman kaynata nimuy: Sonqoykipi hatunchakuspam kaynata nirqanki: “Ñoqaqa diosmi kani, diospa trononpim tiyachkani lamar qochapa chawpinpim tiyachkani”, nispayki. Qamqa manam dioschu kanki, diospaq hapikuspaykipas runallam kanki.

Ezequiel 35:13

Qamqa mana upallaykuspam ñoqapa contraypi rimarqanki, contraypi rimasqaykitam ñoqaqa uyariruni.

Daniel 11:16

Norte lawmanta hamuq reymi vencerachikuq enemigonkunawan munasqanta ruwanqa, manam pipas paypa contranpi sayariyta atinqachu. Chay sumaq allpapi munaychakuspam tukuy imata purmachinqa.

Daniel 11:3

Chaymantam llumpay qari tukuq rey hatarimunqa, payqa llumpay atiywan munaychakuspam munasqanta ruwanqa.

Daniel 11:37

Chay norte nacionniyuq reyqa, ñawpaq taytankunapa diosnintapas, warmikunapa yupaychasqan diostapas nitaq mayqan diostapas manam kaqpaqpas hapinqachu. Payqa llapallan dioskunamantapas aswan hatunpaqmi hapikunqa.

Daniel 12:7

Hinaptinmi chay mayupa hawanpi sayaq linomanta pachayuq runa makinkunata altoman hoqarirqa, hinaspam kawsaq Diosrayku juraspan nirqa: Kaykunaqa cumplikunqa kimsa wata partenmantañam, Diospa chuya llaq-tanpa atiyninpa tuñichisqa kaynin tukuruptinñam, nispa.

Daniel 2:47

Hinaspam Danielta nirqa: Cheqaptapunipas qamkunapa Dios-nikichikmi llapa dioskunapa Diosninqa, payqa reykunapapas Reyninmi, payllataqmi pakasqa kaqkunatapas reqsichin. Chayraykum qamqa kay pakasqa kaqkunata rikuykachiwanki, nispa.

Daniel 4:35

Paypa qayllanpiqa kay pachapi runakunaqa mana kaq hinallam kanku, hanaq pachapi tropakunawanpas munasqanman hinam ruwan, kay pachapi yachaqkunawanpas munasqanman hinam ruwan, manam pipas sayarinmanchu paypa atiyninpa contranpiqa, manam pipas tapupayanmanchu paypa imam ruwasqantaqa.

Daniel 5:19

Chaynata hatuncharuptinmi lliw nacionkunapi runakunapas, huk rikchaq rimayniyuqkunapas, katkatataspa payta manchakurqaku, chaynapim runakunataqa munasqanman hina wañurachiqpas otaq kawsachiqpas, hatuncharuqpas otaq usuchiqpas.

Daniel 5:20

Aswanqa hatun tukuruspa sonqonpi hoqarikuruptinmi rey kayninmantapas wischururqa, qechururqataqmi reqsisqa kaynintapas.

Daniel 7:8

Chay waqrakunata qawachkaptiymi, chawpinkumanta taksa waqracha wiñaramurqa, chay waqracha hatunyananpaqmi kimsa waqrakuna maymi kasqanmanta witusqa karqa. Chay waqrachaqa kasqa runapa ñawin ñawiyuqmi, kasqataqmi siminpas, chaymi hatun tukuspa rimarqa.

Daniel 8:19

niwarqa: Kunanmi willasqayki tukupay tiempokunapi imaynam Diospa piñakuynin kananmanta.

Daniel 8:4

Qawachkaptiymi chay carneroqa intipa seqaykunan lawman, norte lawman hinaspa sur lawman takarqa; manam ima animalpas chay carneropa ñawpaqninpiqa sayayta atirqachu, manataqmi pipas paypa atiyninmantaqa librakuyta atirqachu. Munasqanman hina imatapas ruwaspanmi aswan-aswan hatunyarqa.

Zacarías 11:16

Kunanmi kay nacionpi huk michiqta churasaq, chinkasqa ovejakunapas paytaqa manam imapas qokunqachu, uñachankunatapas manam maskamunqachu, chaki pakisqakunatapas manam hampiykunqachu, pisipasqakunatapas manam marqarinqachu, aswanmi poqosqan kaqkunata situntawanpas mikurunqa.

Juan 5:30

Manam imatapas kikillaymantaqa ruwaymanchu. Ñoqaqa Taytapa kamachiwasqanman hinam juzgani, juzganiqa mana pimanpas sayapakuspaymi, ñoqaqa manam kikiypa munasqaytachu ruwani, aswanqa kachamuwaqniy Taytaypa munasqantam.

Juan 6:38

Hanaq pachamantaqa hamurqani manam kikiy-pa munasqayta ruwanaypaqchu, aswanqa kachamuwaqniypa munasqanta ruwanaypaqmi.

Hechos 4:28

Chaynataqa ruwarqaku ñawpaqmantaraq qampa munasqayki cumplikunanpaqmi.

Deuteronomio 10:17

Señornikichik Tayta Diosqa dioskunapapas Diosninmi, señorkunapapas Señorninmi, Payqa hatun munayniyuqmi, Tukuy Atiyniyuqmi, kasukuna Diosmi. Manam pimanpas sayapakunchu nitaqmi sobornotapas chaskikunchu,

2~Tesalonicenses 2:3

Amayá piwanpas engañachikuychikchu, puntataqa runakunam Diosta qepanchanqaku, hinaptinmi rikurimunqa Diospa enemigon millay runa, chay runaqa chinkananpaq citasqañam kachkan.

2~Tesalonicenses 2:4

Paymi Diospa sutinwan sutichakuqkunapa contranpi chaynataq yupaychana kaqkunapa contranpi hatarinqa. Diospa templonpi tiyaykusparaqmi “Diosmi kani” nispa Dios tukunqa.

2~Tesalonicenses 2:8

Hinaptinmi chay millay runa rikurimunqa. Paytam Señorqa samayllanwan wañuchinqa, kancharistin rikurimuspanmi paytaqa chinkarachinqa.

Josué 22:22

Dioskunapapas Diosnin Señorninchik Tayta Diosmi yachan, chaytaqa manam paypa contranpi hatarispaykuchu nitaqmi payta qepanchaspaykuchu ruwarqaniku. Paymi yachan, qamkunapas yachaychikyá, sichum chayrayku ruwaptiykuqa, lliwtayá kunan wañurachiwayku.

Apocalipsis 10:7

aswanqa qanchis kaq angelpa trompeta tocanan tiempo chayaramuptinmi Diospa pakasqa kaqninkuna cumplikunqa, chaynaqa kanqa imaynam serviqnin profetankunapa nisqankuman hinam, nispa.

Apocalipsis 12:14

Hinaptinmi warmiman qoykurqaku ankapa rapranta hina iskay raprakunata, chaytaqa qoykurqaku maqta urupa qayllanmanta maymi kasqan chunniqman pawarikunanpaqmi, chaynapi kimsa wata parten chaypi uywasqa kananpaq.

Apocalipsis 13:1

Chaymantam lamar qochapa patanpi sayaykuspay rikururqani lamar qochamanta qanchis umayuq hinaspa chunka waqrayuq manchakuypaq animal lloqsimuqta. Sapa waqranpim kasqa huk corona, umankunapiñataqmi kasqa Dios kamiq sutikuna.

Apocalipsis 17:17

Diosmi churarqa paykunapa sonqonkuman kikillankupa munasqanta ruwanankupaq. Reykunam huklla kaspanku munaychakuyninkuta animalman qoykurqaku, chaynataqa ruwarqaku Diospa nisqan cumplikunanpaqmi.

Apocalipsis 17:3

Espiritupim huk ángel purunman aparuwarqa, hinaptinmi huk warmita rikurqani manchakuypaq animalpi silladata, chay animalqa kasqa Dios kamiq qellqakunawan lliw cuerponpi qellqasqam chaynataq qanchis umayuq hinaspa chunka waqrayuqmi.