Daniel 11:35 - CHUYA QELLQA La Biblia en Quechua de Ayacucho 2012

³⁵ Yachayniyuq runakunamantapas wakinmi qatikachasqa kanqaku, chayna ñakarichisqaqa kanqaku metal chulluchisqa hina chuyanchasqa kanankupaqmi. Paykunaqa mana allinmanta rakisqa kaspankum mana huchayuqña kanqaku. Chaynaqa, tarikunqaku tukupay tiempo chayamunankamam.

Quechua Ayacucho Bible 1987

³⁵ Yachayniyoq wakin runakunapas humillachisqam kanqaku, chayna ñakarichisqaqa kanqaku metal chulluchisqa hina chuyanchasqa kanankupaqmi. Paykunaqa mana allinmanta rakisqa kaspankum mana huchayoqña kanqaku. Chaynaqariki tarikunqaku tukupay tiempo chayamunankamam, chaynam señalasqa kachkan cumplikunanpaq.

Chuya Qellqa 1992

³⁵ Yachayniyuq runakunamantapas wakinmi qatikachasqa kanqaku, chayna ñakarichisqaqa kanqaku metal chulluchisqa hina chuyanchasqa kanankupaqmi. Paykunaqa mana allinmanta rakisqa kaspankum mana huchayuqña kanqaku. Chaynaqa, tarikunqaku tukupay tiempo chayamunankamam.

Daniel 11:35 Iomraidhean Croise

2~Crónicas 32:31

Babilonia lawpi kamachikuqkunam runankunata kachamurqaku Judá nacionpi milagro apakusqanmanta yachanankupaq. Ezequiaspa sonqonpi tukuy ima kaqkunata pruebananpaqmi paymanta Tayta Dios karunchakururqa.

Proverbios 17:3

Crisolpim qollqetaqa chulluchinku, hornopim qoritaqa chulluchinku, Diosñataqmi runapa sonqonta chuyanchan.

Isaías 27:9

Chaywanpas Jacobpa mirayninkunapa huchantaqa pampachanqam, ichaqa kaykunatam ruwananku: Idolonkupa altarninkunatam isku rumita hina ñutupananku, Asera idolonkutam wikapananku, idolonkupaq incienso kañananku altarkunatam tuñichinanku.

Daniel 11:27

Chay iskay reykunaqa mana allin ruwanakuyllapi piensaspankum huk mesallapi tiyaykuspanku llullakunallata ninakunqaku, ichaqa yanqapaqmi chaykunata rimanakunqaku, Diospa nisqan tiempo manaraq chayamusqanrayku.

Daniel 11:29

Imam nisqan tiempo chayaramuptinmi sur lawman huktawan kutirinqa, ichaqa manam puntapi hinañachu vencenqa.

Daniel 11:33

Llapa runakunamanta allin yachay-niyuq kaqkunam achka-achka runakunata yachachinqaku, ichaqa tiempopa risqanman hinam wakiqninku guerra-pi ñakarispa kañasqa kanqaku, wakin-ñataqmi imallankutapas qechurachikuspanku preso rinqaku.

Daniel 11:40

Tukupay tiempo chayaramuptinmi, sur lawpi rey guerrawan hapirunqa norte lawpi reyta. Ichaqa norte lawpi reymi wayra-para hinaraq sur lawpi reypa contranpi mastarikunqa, guerrapaq carretankunawan, sillada tropankunawan, achkallaña barcokunawanmi chayarunqa; hinaspam lloqlla hinaraq achka llaqtakunata chinkarachinqa.

Daniel 12:3

Yachayniyuq runakunam, achkallaña runakunata allin ñanninta pusaqkunam, chuyay-chuyay kichasqa cielo hina kancharinqaku, chaskakuna hinam wiñaypaq kancharinqaku.

Daniel 12:4

Ichaqa Daniel, kay willasqaykunata libropi wichqay hinaspa tukupay tiempo chayamunankama selloykita churaykuy. Llapa runakunam yachayta maskaspanku kayman chayman purinqaku, nispa.

Daniel 8:10

Cielokunapi chaskakunapa kasqankamam llumpayta wiñarurqa, hinaspam wakin chaskakunata pampakama wichirichimuspa saruparqa.

Daniel 8:17

Chaynapim payqa ñoqapa kasqaykama asuykamuwarqa, chaymi manchakuyllawanña qonqoranpa kumuykuptiy niwarqa: “Runapa churin, kay imam qawasqaykiqa tukupay tiempokunapaqmi”, nispa.

Daniel 8:19

niwarqa: Kunanmi willasqayki tukupay tiempokunapi imaynam Diospa piñakuynin kananmanta.

Daniel 9:27

Chay reymi achka runakunawan contratota huk semanapaq ruwanqa; ichaqa chawpi semanallapiraqmi Diospaq animalkuna wañuchinankutapas, Diosman kawsay ofrendakuna qonankutapas harkakurunqa. Templopa altarninpipas millakuypaq kaqkunatam ruwanqa, chaykunapa qepantam chay millakuypaq runata Diospuni puchukarachinqa.

Habacuc 2:3

Kay visionqa mana chaylla cumplikuspanpas tiemponpim cumplikunqa, manam yanqaqa kanmanchu; unamuptinpas qamqa suyaykuy, chay visionqa cheqaptapunim cumplikunqa.

Zacarías 13:9

Chay puchuqkunatam qollqeta hina ninapi chulluchisaq, qorita hinam chuyanchasaq. Hinaptinmi paykuna qayakamuwaptinku ñoqañataq uyariykuspay kaynata nisaq: “Llaqtalláy” nispay, paykunañataqmi ninqaku: “Tayta Diosllam Diosninchikqa”, nispanku.

Mateo 16:17

Chaymi Jesús nirqa: Jonaspa churin Simón, mayna kusisqam kanki, kaytaqa manam runachu qawachisurqanki, aswanqa hanaq pachapi kaq Taytaymi.

Mateo 26:56

Tukuy kaykunaqa pasakun profetapa qellqasqan cumplikunanpaqmi, nispa. Llapa discipulokunañataqmi Jesusta sapallanta saqeruspanku ayqekurqaku.

Juan 15:2

Ñoqapi kaq kallmakuna mana ruruqtaqa paymi kuchurunqa, ruruq kallmatañataqmi aswanraq rurunanpaq rawmapaykunqa.

Juan 20:25

Wakin discipulokunam willarqaku: Señortam rikuramuniku, nispanku. Tomasñataqmi nirqa: Sichum mana rikusaqchu makinpi clavospa yaykusqanta chaynataq clavospa yaykusqanman dedoyta mana hinasaqchu chaynataq makiywan mana waqtan tuksisqa kasqanta llapchasaqchu, hinaspayqa manam creesaqchu, nispa.

Hechos 13:13

Pablom riqmasinkunapiwan Pafosmanta barcopi lloqsispanku Panfilia lawpi Perge llaqtaman chayarurqaku. Juanñataqmi paykunamanta rakikuruspan Jerusalenman kutikurqa.

Deuteronomio 8:16

Chunniqpim “maná” sutiyuq mikuyta mikuchisurqankichik, ñawpaq taytanchikkunapapas mana reqsisqan mikuyta. Chaykunatam uchuychasunaykichikpaq hinaspa pruebasunaykichikpaq ruwarqa, chaynapi chay pruebakuna tukusqa kaptin allinnikichikpaqña kananpaq.

Santiago 1:2

Wawqe-panillaykuna, imaymana sasachakuykunapi tarikuspaykichikqa aswanraqyá kusikuychik.

Apocalipsis 14:15

Hinaptinmi templomanta huk ángel lloqsiramurqa, paymi hatunmanta qaparispa puyupa hawanpi tiyaqta qayarqa: “Rutunaykiwan rutuy, ñam rutuna tiempoqa chayaramunña, kay pachapi cosechaqa ñam poqosqaña kachkan”, nispa.

Apocalipsis 17:17

Diosmi churarqa paykunapa sonqonkuman kikillankupa munasqanta ruwanankupaq. Reykunam huklla kaspanku munaychakuyninkuta animalman qoykurqaku, chaynataqa ruwarqaku Diospa nisqan cumplikunanpaqmi.

Apocalipsis 2:10

Amayá manchakuychu ñakarinaykimantaqa, wakiqnikichiktam pruebasqa kanaykichikpaq carcelman diablo wichqachisunkichik; chunka punchawmi ñaka-rinkichik. ¡Wañukunaykikamayá qaqa hina sayay! Hinaptinqa ñoqam qosqayki kawsay coronata.

Apocalipsis 7:14

Ñoqañataqmi nirqani: Señorlláy, qanmi yachanki, nispay. Chaymi payñataq niwarqa: Paykunaqa hatu-hatun ñakariymanta hamuqkunam hinaspa pachankutapas Corderopa yawarninwan taqsaspa yuraqyachiqkunam.