Daniel 11:34 - CHUYA QELLQA La Biblia en Quechua de Ayacucho 2012

³⁴ Chayna ñakarichisqa kachkaspankum asllapipas yanapasqa kanqaku, hinaptinmi iskay uya runakuna achkallaña paykunaman hukllawakurunqaku.

Quechua Ayacucho Bible 1987

³⁴ Ichaqa chayna ñakarichisqa kachkaspankum tumpallatapas yanapasqa kanqaku, achkallaña runakunam artellawanña rimaspa paykunaman hukllawakurunqa.

Chuya Qellqa 1992

³⁴ Chayna ñakarichisqa kachkaspankum asllapipas yanapasqa kanqaku, hinaptinmi iskay uya runakuna achkallaña paykunaman hukllawakurunqaku.

Daniel 11:34 Iomraidhean Croise

Daniel 11:21

Paypa rantinpim huk cheqnipay runa rey kananpaq hatarinqa, ichaqa manam reyta hinachu qawanqaku. Payqa qonqaymantam rikuriramunqa, hinaspam sakri-llawan munaychakuyta qallarinqa.

Daniel 11:32

Chay reyqa, Diospa pactonta qepanchakuqkunatam sumaq sakrillawanña rimapayaspan rantiypaq-rantirunqa; Dios reqsikuqkunam ichaqa kallpanchakuspa kutipakunqaku.

Mateo 7:15

Llulla profetakunamantayá waqay-chakuychik. Paykunaqa ovejaman pachasqam hamunku, ukunkupim ichaqa suwa atoqkuna kanku.

Romanos 16:18

Paykunaqa manam Señorninchik Jesucristotachu servinku, aswanqa kikinkupa wiksallankumantam afanakunku. Sumaqllataña rimaspankum manaraq ancha yachaqkunata engañanku.

Gálatas 2:4

Chaywanpas wakin runakunam iñiqmasinchik tukuspanku yaykuramurqaku, tukuy ima ruwasqaykuta wateqawanankupaq, hinaspam Jesucristo librawasqanchikta mana munaspa llumpay sasa kamachikuykuna kasukunaykuta munarqaku.

2~Timoteo 4:3

Chayamunqam tiempokuna allin yacha-chikuykunata manaña chaskinankupaq, paykunaqa achkallaña yachachikuqkunata huñukuruspankum aychankuman hina munasqallankutaña uyarinqaku.

Tito 1:11

Chayna runakunataqa upallachinapunim, paykunaqa yanqamanta qollqella ganayta munaspankum pantaykunata yachachispanku achka ayllukunataña chaqwarunku.

1~Juan 4:1

Kuyasqallaykuna, amayá Diospa espiritunpa huntasqanmi kani niqkunapiqa creeychikchu, aswanqa allintayá qatipaykuychik Diospa otaq Satanaspa kasqanta yachanaykichikpaq. Achkallañam kay pachapi pantachikuq profetakuna rikuriramunku.

1~Juan 4:5

Paykunaqa kay pachapi kaqkunallam, chayraykum kay pachapi kaqkunallamanta rimanku, kay pachapi kaqkunañataqmi uyarinku.

2~Juan 1:7

Achkaq pantachikuqkunam kay pachapi purichkanku, paykunaqa Jesucristopa runa kayninpi hamusqantapas negankum, chayna yachachiqkunaqa pantachikuqmi hinaspa anticristom.

Judas 1:4

Wakin ru-nakunam mana musyachikuspalla yaykuramunku, paykunapa condenasqa kanankumantaqa Qellqapas ñawpaqmantaraqmi nirqaña. Paykunaqa Diostapas manam yupaychankuchu, Diosninchikpa kuyakuyninpi kawsaytapas qanra vidapi purikuymanñam tikrarunku. Paykunaqa munaychakuq sapallan Señorninchik Jesucristotapas negankum.

Apocalipsis 12:13

Dragonñataqmi kay pachaman wischusqa kasqanta qawakuykuspan qari wawa wachakuq warmita qatikacharqa.

Apocalipsis 2:20

Ichaqa kaymi contraykipi kachkan: Diosmanta willakuqmi kani niq Jezabel warmitam hatallichkanki. Paymi yacha-chispan pantachin serviqniykunata hucha-pakuykunapi purinankupaq hinaspa idolokunaman ofrecesqa aychata miku-nankupaq.