Daniel 11:33 - CHUYA QELLQA La Biblia en Quechua de Ayacucho 2012

³³ Llapa runakunamanta allin yachay-niyuq kaqkunam achka-achka runakunata yachachinqaku, ichaqa tiempopa risqanman hinam wakiqninku guerra-pi ñakarispa kañasqa kanqaku, wakin-ñataqmi imallankutapas qechurachikuspanku preso rinqaku.

Quechua Ayacucho Bible 1987

³³ Llapa runakunamanta allin yuyayniyoq kaqkunam yachachinqaku achka-achka runakunata ichaqa paykunapa wakinninkum tiempopa pasasqanman hina guerrapi ñakarispa kañasqa kanqaku, wakinñataqmi imallankutapas qechurachikuspan preso rinqaku.

Chuya Qellqa 1992

³³ Llapa runakunamanta allin yachayniyuq kaqkunam achka-achka runakunata yachachinqaku, ichaqa tiempopa risqanman hinam wakiqninku guerrapi ñakarispa kañasqa kanqaku, wakinñataqmi imallankutapas qechurachikuspanku preso rinqaku.

Daniel 11:33 Iomraidhean Croise

Daniel 12:10

Ach-kallañam kay willasqay ñakariykunataqa pasanqaku, paykunaqa chay ñakariykunawanmi chuyanchasqa kanqaku. Mana allin runakunam ichaqa hina mana allinllata ruwanqaku, paykunaqa manam imatapas entiendenqakuchu, entiendenqakuqa yachayniyuq runakunallam.

Malaquías 2:7

Sacerdotekunapa ruwayninqa ñoqa Diosta reqsiwanankupaq runakunata yachachiymi, chayraykum runakunapas paykunamanta yachachikuyta chaskinanku, paykuna ñoqa Diosmanta willakuqkuna kasqankurayku.

Mateo 10:21

Runakunam wawqenta wañuyman qonqa, taytakunapas churinkutam wañuyman qonqa; churikunañataqmi tayta-mamanpa contranpi hatarispa wañuchinqa.

Mateo 13:11

Chaymi payñataq nirqa: Diosmi qamkunamanqa munaycha-kuyninpi pakasqa kaqkunata yachachisunkichik, paykunamanmi ichaqa mana reqsichinchu.

Mateo 20:23

Hinaptinmi Jesusñataq nirqa: Arí, cheqaptapunim qamkunapas ñoqa hina ñakarinkichik, chaywanpas alleq lawniypi otaq ichoq lawniypi tiyanaykichikpaqqa manam ñoqachu kamachisaq, chaypiqa tiyanqaku Taytaypa akllasqan kaqkunallam, nispa.

Mateo 24:9

Hinaptinmi ñakarinaykichikpaq entregasqa kaspa wañuchisqa kankichik, ñoqaraykum llapa runakuna cheqnisunkichik.

Mateo 28:20

Qam-kunaman tukuy ima kamachisqayta kasukunankupaq yachachimuychik. Ñoqaqa sapa punchawmi qamkunawan kasaq kay pacha puchukanankama, nispan.

Juan 16:2

Sinagogakunamantam qarqosunkichik, hamuchkanmi wañu-chisunaykichik punchawkuna, chayta ruwaspankum “Diostam servichkani”, ninqaku.

Hechos 11:26

Chaypim Antoquía iglesiapi huk watapuni karqaku achka iñiqkunata yachachistin. Antioquía llaqtapim Jesucristoman iñiqkunata “cristianokuna” nispa sutichayta qallaykurqaku.

Hechos 14:21

Jesucristomanta allin noticiata Derbe llaqtapi willakuspankum achkallataña iñichirqaku. Chaymantam kutirqaku Listra, Iconio hinaspa Antioquía llaqtakunaman.

1~Corintios 4:9

Piensasqayman hinaqa ñoqayku apostolkunataqa Diosmi qepamanña churaruwanku, chaymi wañuypaq sentenciasqa hinaña kachkaniku. Chaymi runakunapaqpas hinaspa angelkunapaqpas kay pachapi qawakuwanankupaq kachkaniku.

2~Timoteo 1:12

Chayraykum kaynataña ñakarini, aswanqa piman iñisqayta yachakuspaymi mana penqakunichu. Payqa atiyniyuq kasqanraykum imam qowasqantaqa chay punchawkama waqaychanqa.

2~Timoteo 4:6

Ñoqata wañuchiwananku punchawmi chayamuchkanña, ripukunay punchawmi hichpamuchkanña.

Hebreos 11:34

ninapipas manam ruparqakuchu, espadawan wañuchisqa kanankumantam lluptirqaku, mana kallpayuq kachkaspankupas kallpanchakurqakum, guerrapi peleaspankupas qarinchakuspankum huklaw llaqtayuq tropakunatapas qatikacharurqaku.

Apocalipsis 1:9

Ñoqa, wawqekichik Juanmi ñakariqmasikichik kani chaynataq Diospa munaychakuyninpi Jesusrayku imapipas pacienciakuqmasikichikmi kani, Diospa palabranmanta hinaspa Jesucristomanta willakusqayraykum Patmos islapi preso karqani.

Apocalipsis 17:6

Allinta qawaykuptiyqa chay warmiqa Diospi iñiqkunapa yawarninwanmi hinaspa Jesusmanta willakusqankurayku wañuqkunapa yawarninwanmi sinka kachkasqa. Chayta qawaykuspay sinchita admirakuptiymi

Apocalipsis 2:13

Ñoqaqa yachanim imam ruwasqaykitawan hinaspa Satanaspa trononpa kasqanpi yachasqaykitapas. Chaywanpas qaqa hina sayaspam qatiwachkanki. Chay llaqtapim tukuy sonqonwan serviwaqniy Antipasta wañurachirqaku, ichaqa chaykunawanpas iñiynikichiktaqa manam negarqankichikchu.

Apocalipsis 6:9

Pichqa kaq sellota Cordero kichaykuptinñataqmi altarpa sikinpi rikururqani Diospa palabranta willakusqankurayku wañuqkunapa almanta.

Apocalipsis 7:14

Ñoqañataqmi nirqani: Señorlláy, qanmi yachanki, nispay. Chaymi payñataq niwarqa: Paykunaqa hatu-hatun ñakariymanta hamuqkunam hinaspa pachankutapas Corderopa yawarninwan taqsaspa yuraqyachiqkunam.