Daniel 11:31 - CHUYA QELLQA La Biblia en Quechua de Ayacucho 2012

³¹ Soldadonkunapas Diospa santuarionpim chaynataq amparakuna wasipim millakuypaq kaqkunata ruwanqaku, Diospaq sapa punchaw animalkuna wañuchinankutapas harkakunqakum, hinaspam chaypa rantinpi millakuypaq kaqtaña ofrecenqaku.

Quechua Ayacucho Bible 1987

³¹ —Atiyniyoq kasqanraykum Diospa templonpi kaq amparakuna wasipipas millakuypaq kaqkunata ruranqa, harkakurunqam Diospaq sapa punchaw animalkuna wañuchinankutapas, chaypim churarunqaku purmachiq millakuypaq kaqtapas.

Chuya Qellqa 1992

³¹ Soldadonkunapas Diospa santuarionpim chaynataq amparakuna wasipim millakuypaq kaqkunata ruwanqaku, Diospaq sapa punchaw animalkuna wañuchinankutapas harkakunqakum, hinaspam chaypa rantinpi millakuypaq kaqtaña ofrecenqaku.

Daniel 11:31 Iomraidhean Croise

Jeremías 19:4

Qamkunaqa ñoqata saqeruwas-paykichikmi kay sitiotapas mana-ña asuykunaypaq hina ruwarunkichik, qamkunapapas, ñawpaq taytaykichik-kunapapas chaynataq Judá nacionpi reykunapapas mana reqsisqaykichik idolokunamanña inciensota kañaspaykichikmi, kay sitiopi inocente runakunata wañuchinkichik.

Jeremías 7:30

Tayta Diosmi kaynata nin: Judapa mirayninkunam mana munasqay kaqkunata ruwarunku. Ñoqapa temploypim millakuypaq idolokunata churarunku, chaykunawanmi qachacharunku.

Lamentaciones 1:10

Jerusalenpa kapuqninkunatam enemigonkuna lliwta apakunku, llaqtapi runakunam huklaw nacionniyuq runakunapa santuarionman yaykusqanta rikurqaku. Dios Taytalláy, qamqa manam munarqankichu chayna runakuna wasikiman yaykunantaqa.

Lamentaciones 2:7

Señorqa altarnintapas qepanchakururqam, santuariontapas wischupakururqam, llaqtapa perqantapas enemigonkunamanmi qoykurqa, enemigonkunam fiesta punchawpi hinaraq Tayta Diospa templonpi chaqwakunku.

Ezequiel 9:7

Paykunataqa kaytapas nirqataqmi: Temploman rispa millakuypaqta ruwamuychik, pationtapas wañusqakunawan huntachimuychik, nispa. Hinaptinmi lloqsiruspanku llaqtapi runakunata wañuchiyta qallaykurqaku.

Daniel 12:11

Diosman sapa punchaw animalkuna ofreceyta tanichisqankumantam otaq Diospa templonpi millakuypaq kaqkunata ofrecesqankumantam pasan-qa waranqa iskay pachak isqon chunka punchawkuna.

Daniel 8:24

Chay reyqa llumpay atiyniyuqmi rikurirunqa, ichaqa manam kikinpa atiyninraykuchu chaynaqa kanqa; payqa admirakuypaqtam tukuy imatapas purmachinqa, tukuy ima ruwasqanpipas allinpunim lloqsinqa, atiyniyuq runakunatam wañuchinqa, Diospa llaqtantapas wañuchinqam.

Daniel 8:26

Chay kimsa wata partenpi imakunam pasananmanta rikusqaykiqa cheqappunim. Chay rikusqaykimantaqa amam pimanpas willakunkichu, chayqa unay watakunamantañam cumplikunqa.

Daniel 9:27

Chay reymi achka runakunawan contratota huk semanapaq ruwanqa; ichaqa chawpi semanallapiraqmi Diospaq animalkuna wañuchinankutapas, Diosman kawsay ofrendakuna qonankutapas harkakurunqa. Templopa altarninpipas millakuypaq kaqkunatam ruwanqa, chaykunapa qepantam chay millakuypaq runata Diospuni puchukarachinqa.

Oseas 3:4

Israelpa mirayninkunapas unay watakunam mana reyniyuq, mana kamachiqniyuq kanqaku; sacrificiopas, sacerdotekunapas, idolokunapas manam kanqañachu.

Mateo 24:15

Profeta Danielmi qellqarqa “Chuya” sutiyuq lugarpi millakuypaq kaqkunamanta (pipas kayta leeqqa entiendechun). “Chuya” sutiyuq lugarpi chaykunata rikuspaykichikqa,

Marcos 13:14

Sichum [Profeta Danielpa qellqasqanman hina] templopi millakuypaq kaqkuna ruwasqata rikuspaykichikqa (pipas kayta leeqqa entiendechunyá), Judeapi kaqkunayá orqokunaman ayqeychik.

Lucas 21:20

Jerusalenpa muyuriqninpi tropa-kunata qawaspaqa, chay llaqtapa pur-machisqa kanan tiempo chayaramusqantañayá yachaychik.

Apocalipsis 17:12

Chay chunka waqrakuna rikusqay-kiqa manaraq munaychakuy qallariq chunka reykunam. Paykunaqa manchakuypaq animalwan kuskam rey kanankupaq huk horallapaq atiyta chaskinqaku.