Daniel 11:25 - CHUYA QELLQA La Biblia en Quechua de Ayacucho 2012

²⁵ Atiyninpi kallpanchakuspam achka nana-nanaq tropankunawan sur law reypa contranpi rinqa. Sur lawpi reypas nana-nanaq kallpasapa tropankunata huñuruspan guerraman yaykunqa, ichaqa runankuna qepancharuptinmi enemigonkuna venceyta mana atinqachu.

Quechua Ayacucho Bible 1987

²⁵ Sonqonpi hoqarikuspanmi kallpancharikuspa nana-nanaq tropankunawan rinqa surlaw reypa contranpi. Surlawpi reypas nana-nanaq kallpasapa tropankunawanmi alistakuykuspa guerraman yaykunqa ichaqa runakunapa traicionasqan kasqanraykum enemigonkunataqa mana venceyta atinqachu.

Chuya Qellqa 1992

²⁵ Atiyninpi kallpanchakuspam achka nana-nanaq tropankunawan sur law reypa contranpi rinqa. Sur lawpi reypas nana-nanaq kallpasapa tropankunata huñuruspan guerraman yaykunqa, ichaqa runankuna qepancharuptinmi enemigonkuna venceyta mana atinqachu.

Daniel 11:25 Iomraidhean Croise

Proverbios 15:18

Chaylla piñakuruq runaqa piñanakuyllatam hatarichin, llampu sonqo runam ichaqa tanichin.

Proverbios 28:25

Apuyaruyllata maskaq runaqa peleollatam hatarichin, Tayta Diosman hapipakuqmi ichaqa allin kawsakunqa.

Daniel 11:10

Ichaqa norte lawpi reypa churinkunam piñakuspanku nana-nanaq tropakunata hatarichinqaku. Lloqlla hinaraq mastarikuspankum sur lawpi reypa murallasqa llaqtanman chayaruspanku huktawan atacanqaku.

Daniel 11:2

Kunanmi ichaqa cheqap kaqta yacha-chisqayki: Persia nacionpiqa kimsa reykunaraqmi munaychakunqa, paykunapa qepantañataqmi tawa kaq rey munaychakunanpaq hatarimunqa, chay reyqa kimsantin reykunamantapas aswan apu-apum kanqa. Apullaña kasqanraykum ancha munaysapallaña kanqa, hinaspam llapallanta Grecia nacionpa contranpi hatarichinqa.

Daniel 11:40

Tukupay tiempo chayaramuptinmi, sur lawpi rey guerrawan hapirunqa norte lawpi reyta. Ichaqa norte lawpi reymi wayra-para hinaraq sur lawpi reypa contranpi mastarikunqa, guerrapaq carretankunawan, sillada tropankunawan, achkallaña barcokunawanmi chayarunqa; hinaspam lloqlla hinaraq achka llaqtakunata chinkarachinqa.

Daniel 11:5

Sur lawpi kaq reymi aswan atiyniyuq kanqa, ichaqa tropankunapa kamachiqninmi paymantapas aswan atiyniyuqraq rikurinqa, payqa atiyniyuq kasqanraykum achkallaña nacionkunapi munaychakunqa.