Daniel 11:21 - CHUYA QELLQA La Biblia en Quechua de Ayacucho 2012

²¹ Paypa rantinpim huk cheqnipay runa rey kananpaq hatarinqa, ichaqa manam reyta hinachu qawanqaku. Payqa qonqaymantam rikuriramunqa, hinaspam sakri-llawan munaychakuyta qallarinqa.

Quechua Ayacucho Bible 1987

²¹ —Paypa rantinpiñataqmi rey kananpaq hatarinqa huk cheqnipay runa, ichaqa paytaqa manam reyta hinachu respetowan qawanqaku. Payqariki rikuriramunqa runakuna hawka kawsakuchkaptinkum, artellawanñam gobiernopa reynin rikurirunqa.

Chuya Qellqa 1992

²¹ Paypa rantinpim huk cheqnipay runa rey kananpaq hatarinqa, ichaqa manam reyta hinachu qawanqaku. Payqa qonqaymantam rikuriramunqa, hinaspam sakrillawan munaychakuyta qallarinqa.

Daniel 11:21 Iomraidhean Croise

Isaías 32:5

Millay runataqa manañam “allin runam payqa” ninqakuñachu, yanqa rimaq runataq manañam “allin reqsisqa runam payqa” ninqakuñachu.

Daniel 11:20

Paypa rantinpi hatariq reyñataqmi munaychakuyninpi allinta takyananpaq impuesto cobraqta kachanqa, ichaqa manapas unaymantam wañurachinqaku, payqa manam guerrapichu nitaqmi piñanakuypichu wañunqa.

Daniel 11:32

Chay reyqa, Diospa pactonta qepanchakuqkunatam sumaq sakrillawanña rimapayaspan rantiypaq-rantirunqa; Dios reqsikuqkunam ichaqa kallpanchakuspa kutipakunqaku.

Daniel 11:34

Chayna ñakarichisqa kachkaspankum asllapipas yanapasqa kanqaku, hinaptinmi iskay uya runakuna achkallaña paykunaman hukllawakurunqaku.

Daniel 11:7

Ichaqa chay warmipa hukkaqnin ayllunmi norte lawpi tropakunapa contranpi hatarirunqa, hinaspam norte lawpi reypa murallasqa llaqtanman yaykuruspa vencerunqa.

Daniel 4:17

Kay sentenciataqa angelkunam qomurqaku, angelkunam chaynata tantearqaku, chaynapi llapa runakunapa kamachikuyninpiqa tukuy imapa hawanpi kaq Dioslla munaychakuq kasqanta yachanankupaq, chay kamachikuytaqa paymi munasqanman hina pimanpas qon, humilde runatapas huk nacionpa kamachiqnin kananpaqmi churan.

Daniel 7:8

Chay waqrakunata qawachkaptiymi, chawpinkumanta taksa waqracha wiñaramurqa, chay waqracha hatunyananpaqmi kimsa waqrakuna maymi kasqanmanta witusqa karqa. Chay waqrachaqa kasqa runapa ñawin ñawiyuqmi, kasqataqmi siminpas, chaymi hatun tukuspa rimarqa.

Daniel 8:23

Chay tawa kamachikuqkunapa munaychakuynin tukuykuchkaptinmi, chaynataq mana kasukuqkunapa tukuy mana allin ruwasqanku pasaypaqña rikuriruptinmi, llumpay hatun tukuq hinaspa sakri-sakri rey hatarimunqa.

Daniel 8:25

Sakrillaña kasqanraykum runakunata llumpayta engañanqa. Sonqonpi hatunchakuspanmi hawka kawsakuqkunatapas achkallataña wañuchinqa. Payqa kamachikuqkunapa kamachiqninpa contranpim hatarinqa, aswanqa vencesqam kanqa, ichaqa manam runakunapa atiyninwanchu.

Daniel 8:9

Huknin waqramantam huk taksa waqracha wiñaramurqa, chay waqracham sur lawman llumpayllataña wiñarurqa, wiñarurqataqmi intipa qespimunan lawmanpas chaynataq sumaq allpa lawmanpas.

Nahúm 1:14

Asiria llaqta, Tayta Diosmi contraykipi kaynata kamachikun: Sutikipas pasaypaq qonqasqam kanqa, yupaychanayki wasimantapas makikiwan ruwasqayki idoloykikunatam pasaypaqta chinkarachisaq, millakuypaq kasqaykiraykum sepulturaykitapas chaypi ruwachisaq.

1~Samuel 3:13

Nirqaniñam churinkunapa millay hucha ruwasqanmanta aylluntapas wiñay-paq juzganaymanta, ñoqapa contraypi rimachkaptinkupas payqa manam qaqchar-qachu.