Daniel 11:15 - CHUYA QELLQA La Biblia en Quechua de Ayacucho 2012

¹⁵ Norte lawpi rey hamuruspanmi, sur lawpi llaqtapa murallanpa qepanpi allpakunata huk hawaqllaman montorunqa, chayninta yaykuspam chay llaqtata vencerunqa. Sur law reypa tropankunaqa manam imayna kutichikuytapas atinqakuchu, akllasqa soldadonkunapas mana kallpayuqñam rikurirunqaku.

Quechua Ayacucho Bible 1987

¹⁵ Norte lawpi reymá surlawpi murallasqa llaqtaman chayarunqa hinaspam chay murallapa qepanpi allpakunata huk hawaqllaman montonaruspa chay llaqtapi kaqkunata vencerunqa. Surlaw reypa tropankunaqa manamá atinqakuchu enemigon tropakuna imaynam harkayta, wakin akllasqa kallpasapa soldadonkunapas mana kallpayoqñam rikurirunqa.

Chuya Qellqa 1992

¹⁵ Norte lawpi rey hamuruspanmi, sur lawpi llaqtapa murallanpa qepanpi allpakunata huk hawaqllaman montorunqa, chayninta yaykuspam chay llaqtata vencerunqa. Sur law reypa tropankunaqa manam imayna kutichikuytapas atinqakuchu, akllasqa soldadonkunapas mana kallpayuqñam rikurirunqaku.

Daniel 11:15 Iomraidhean Croise

Jeremías 33:4

Jerusalén llaqtapi wasikunamantawan Judá nacionpi reykunapa palacionmantam, Tukuy Atiyniyuq Tayta Dios kaynata nin: Lliwmi tuñichisqa kanqa.

Jeremías 5:10

Enemigonkuna yaykuspa uvas chakrakunata purmachichunku, ichaqa amayá pasaypaqtachu; llullu kallmankunata perqankunamanta rachupachunku, paykunaqa manañam uvas chakrayñachu.

Jeremías 52:4

Isqon wataña munaychakuchkaptinmi, chay watapa chunka kaq killapa chunka kaq punchawninpi Babiloniapa reynin Nabucodonosor llapa tropankunawan Jerusalenpa muyuriqninpi churakururqaku, hinaspankum llaqtaman yaykunankupaq rampakunata ruwarqaku.

Jeremías 6:6

Tukuy Atiyniyuq Tayta Diosmi kaynata nin: Sachakunata kuchuychik, Jerusalenta atacanaykichikpaq rampata ruwaychik. Ñakarichinakuypa huntasqan kasqanraykum Jerusalén llaqta castigasqa kanqa.

Ezequiel 17:17

Babilonia nacionpa reyninmi Jerusalén llaqtata atacaspan llaqtapa muyuriqninpi rampakunatawan murallakunata ruwaspan achkallaña runakunata wañuchinqa. Rey Faraonpas manam nana-nanaq tropankunata yanapananpaq kamachimunqachu.

Ezequiel 4:2

Chay llaqtapa muyuriqnintam ama ayqenankupaq hina perqarunki. Murallankunapa qepanpiñataqmi rampata ruwarunki. Llaqtapa muyuriqninpim tuñichinapaq machu-machu takaq qerukunata churarunki.

Daniel 11:14

Chay tiempopim, sur lawpi reypa contranpi achka runakuna hoqarikurunqaku. Paykunawantaqmi Israel llaqtaykimanta kaq mana allin runakunapas hatarinqaku, imaynam visionpi qawasqaykiman hina, ichaqa vencerachikunqakum.

Daniel 11:6

Watakunapa risqanman hinam, iskayninku huk contratota ruwanqaku. Sur lawpi kaq reymi warmi churinwan casarachinqa norte lawpi kaq reyta, chaynapi iskayninku hawkalla kawsanankupaq. Ichaqa chay casarachisqan warmi churinta qosantinta, wawankutawan chaynataq waqaychaqninkunatawan kuskata wañura-chisqankuraykum chay contrato ruwas-qanku yanqachakurunqa.

Daniel 8:7

Waqrapaspanmi chay carneropa iskaynin waqranta pakirurqa, hinaspanmi chay carnerota pampaman choqaruspan saruparurqa. Manam pipas chay chivatomanta carnerota libraykunanpaq karqachu; chaynapim chay carneroqa chivatopa ñawpaqninpi manaña sayayta atirqachu.

Josué 1:5

Kawsanayki punchawkamaqa manam pipas venceyta atisunkichu. Moisesta yanapasqayta hinam qamtapas yanapasqayki, manam saqesqaykichu nitaqmi qonqasqaykichu.