Daniel 10:6 - CHUYA QELLQA La Biblia en Quechua de Ayacucho 2012

⁶ Cuerponpas topacio rumi hinam kasqa, uyanpas llipya hina kancharichkaqmi kasqa, ñawinkunapas lenwachkaq nina hinam kasqa, brazonkunawan chakinkunañataqmi lluchkay-lluchkay bronce hina llipipipisqa, rimasqanpas nana-nanaq runakunapa rimasqan hinaraqmi uyarikurqa.

Quechua Ayacucho Bible 1987

⁶ Paypaqa cuerponpas topacio alhaja rumi hinam kasqa, uyanpas kasqa llipyay hina kacharichkaqmi, ñawinkunapas kasqa lenguachkaq nina hinaraqmi, brazonkunawan chakinkunapas lluchkay-lluchkay rurasqa bronce hinam llipipipisqa, rimasqanpas nana-nanaq runakunapa rimasqan hinaraqmi uyarikurqa.

Chuya Qellqa 1992

⁶ Cuerponpas topacio rumi hinam kasqa, uyanpas llipya hina kancharichkaqmi kasqa, ñawinkunapas lenwachkaq nina hinam kasqa, brazonkunawan chakinkunañataqmi lluchkay-lluchkay bronce hina llipipipisqa, rimasqanpas nana-nanaq runakunapa rimasqan hinaraqmi uyarikurqa.

Daniel 10:6 Iomraidhean Croise

Éxodo 28:20

Tawa kaq seqepiñataqmi kanqa berilo, ónice hinaspa jaspe alhaja rumikuna. Chaykunaqa sapakamam qoriwan hapichisqa kanqa.

Cantares 5:14

Makinkunapas topacio rumikunawan adornasqa qori anillom, cuerponpas marfil zafiro rumikunawan adornasqam.

Ezequiel 1:14

Chay kawsaqkunam llipya hina kallpaylla risqakuraq kutimusqakuraq.

Ezequiel 1:16

Chay ruedakunapa rikchayninmi llipipipichkaq crisólito otaq topacio rumiman rikchakusqa. Tawanmi chay rikchayniyuqlla kasqaku. Rikchayninkum kasqa iskay chakanakuq rueda hina.

Ezequiel 1:24

Puriptinkum chay raprankupa qapa-riyninta uyarirqani. Chay qapariymi kasqa hatun mayupa kallpayninpa qapariynin hina, Tukuy Atiyniyuqpa qayakuynin hina, otaq nana-nanaq tropakunapa qapariynin hina. Sayaykuptinkuqa rapran-kupas cuerponkumanmi laqakuykuq.

Ezequiel 1:7

Chakinkunapas kasqa derechollam, situnkupas toropa hinam kasqa. Chay chakinkunam llipipipiq bronce hina kanchasqa.

Ezequiel 10:9

Qawarispaymi querubinkunapa waqtanpi tawa ruedakunata rikurqani, sapa querubinpa waqtanpim huk rueda kasqa. Chay ruedakunaqa crisólito rumi hinam llipipipisqa.

Ezequiel 40:3

Chayman aparuwaptinmi bronceman rikchakuq runata rikururqani. Paymi llaqtapa punkunpi sayachkasqa, linomanta cordeltawan tupuna kaspita aptarisqa.

Ezequiel 8:2

Hinaptinmi runaman rikchakuqta rikururqani; weqawmanta uraymanmi nina kasqa, weqawmanta hanaymanñataqmi llipipipichkaq bronce hina kancharisqa.

Mateo 17:2

Chaypim paykunapa qayllanpi Jesuspa rikchaynin tikrakururqa. Uyanmi inti hina kancharirqa, pachanñataqmi achkiy hina yuraqyarurqa.

Mateo 28:3

Rikchayninmi karqa llipya hina, pachanñataqmi riti hina yuraq-yuraq.

Lucas 9:29

Mañakuchkaptinmi rikchaynin tikrakururqa, pachankunapas yuraq-yuraq hinaspa kancharichkaqmi rikurirurqa.

Apocalipsis 10:1

Rikurqanitaqmi huk atiyniyuq angeltapas hanaq pachamanta uraykamuqta, payqa kasqa puyuwan wankusqam hinaspa umanpi chirapayuqmi. Uyanpas inti hinaraqmi achkirisqa, chakinkunañataqmi kasqa lenwaspa wichayman hoqarikuchkaq nina hinaraq.

Apocalipsis 19:12

Paypaqa ñawinpas lenwachkaq nina hinam kasqa, umanpiñataqmi achka diademakuna kasqa. Paypiqa huk sutipas qellqasqam kasqa, chaytaqa manam pipas yachanchu aswanqa kikillanmi.

Apocalipsis 2:18

Tiatira llaqtapi iglesiapa angelninman kaynata qellqay: Kancharichkaq nina hina ñawiyuq hinaspa lluchkayachisqa bronce hina chakiyuq Diospa Churinmi kaynata nin:

Apocalipsis 21:20

pichqa kaqñataqmi onicemanta, soqta kaqñataqmi cornalinamanta, qanchis kaqñataqmi crisolitomanta, pusaq kaqñataqmi berilomanta, isqon kaqñataqmi topaciomanta, chunka kaqñataqmi crisoprasomanta, chunka hukniyuq kaqñataqmi jacintomanta, chunka iskayniyuq kaqñataqmi amatistamanta.