Daniel 10:19 - CHUYA QELLQA La Biblia en Quechua de Ayacucho 2012

¹⁹ hinaspanmi niwarqa: Diospa kuyasqan Daniel, ama manchakuychu nitaq hukmanyaychu, astawan kallpanchakuy, nispa. Chaynata niwachkaptinmi kallpanchakuruspay payta nirqani: Taytalláy, rimapayawayña ñam kallpanchaykuwankiña, nispa.

Quechua Ayacucho Bible 1987

¹⁹ niwarqa: —Diospa kuyasqan Daniel, amayá qamqa manchakuychu nitaq hukmanyaychu, qamqa aswan-aswanyá kallpanchakuy —nispa. Chaynata rimapayawachkaptinmi kallpanchakuspay payta nirqani: —Taytáy, rimapayawayñayá ñamiki kallpanchaykuwankiña —nispa.

Chuya Qellqa 1992

¹⁹ hinaspanmi niwarqa: Diospa kuyasqan Daniel, ama manchakuychu nitaq hukmanyaychu, astawan kallpanchakuy, nispa. Chaynata niwachkaptinmi kallpanchakuruspay payta nirqani: Taytalláy, rimapayawayña ñam kallpanchaykuwankiña, nispa.

Daniel 10:19 Iomraidhean Croise

Isaías 35:4

Hukmanyasqa sonqoyuqkunatayá niychik: Kallpanchakuspa ama manchakuychikchu, Diosnikichikmi salvasunaykichikpaq kaypi kachkan, enemigoykichikkunatam imam ruwasqankuman hina castiganqa, nispa.

Isaías 41:10

Amayá manchakuychikchu, qamkunawanmi kachkani, amayá hukmanyaychikchu, ñoqam Diosnikichik kani, kallpanchaspaymi yanapasqaykichik, atiyniyuq makiywanmi pusasqaykichik.

Isaías 41:14

Ñoqa Tayta Diosmi nini: Jacobpa mirayninmanta kaq Israel llaqta, mana kallpayuq taksalla kaspapas ama manchakuychu, ñoqam yanapasqayki, Israelpa ñoqa Chuya Diosninmi reclamaqniki kani.

Daniel 10:18

Chaymi runapa churinman rikchakuq yapamanta llapchaykuwaspan kallpanchaykuwarqa,

Daniel 9:23

Mañakuyta qallaykuptillaykiraqmi Diosqa uyariykusurqankiña. Qamqa paypa ancha kuyasqanmi kanki, chayraykum uyarisusqaykita qanman willaykuq hamurqani. Chaynaqa, visionpi qawasqaykita entiendenaykipaqyá allinta uyariway:

Hageo 2:4

Chaynaqa, Tayta Diosmi nin: “Zoro-babel kallpanchakuy, Josadacpa churin sumo sacerdote Josué qampas kallpanchakuy; kay allpapi llapallan runakuna, qamkunapas kallpanchakuychik hinaspa llamkaychik, ñoqa Tayta Diosmi qamkunawan kachkani”, nispa. Tukuy Atiyniyuq Tayta Diosmi chaynata nin.

Zacarías 8:13

Judá nacionpi, Israel nacionpi yachaq-kuna, imaynam huklaw nacionkunapi ñakasqa karqankichik, kunanñataqmi salvaykuspay bendición kanaykichikpaq churasqaykichik. Chaynaqa, ama manchakuspa kallpanchakuychik, nispa.

Zacarías 8:9

Tukuy Atiyniyuq Tayta Diosmi kaynata nin: Chaynaqa, temploy musoqmanta hatarichisqa kananpaq cimientonkuna churasqa kasqanmanta kay punchawkunakama profetakunapa willakuyninta uyariqkuna kallpanchakuychik.

Juan 11:3

Lazaropa paninkunam Señor Jesusman willachiq kacharqaku: Señorlláy, amistadniki Lazarom onqochkan, nispanku.

Juan 11:36

Judiokunañataqmi ninakurqaku: Qawaychik maynatam kuyasqa, nispanku.

Juan 11:5

Jesusqa llumpaytam kuyarqa Lazarota, Martata chaynataq ñañantapas.

Juan 14:27

Hawkayaytam saqekichik, hawkayayniytam qoykichik, kay hawkayay qosqayqa manam runakunapa qosqan hinachu. Amayá hukmanyaychikchu nitaq manchakuychikpaschu.

Juan 16:33

Kaykunataqa nikichik hawkayayta ñoqapi tarinaykichikpaqmi. Kay pachapiqa ñakarinkichikmi, ichaqa kallpanchakuychikyá, kay pachapi mana allinkunataqa venceruniñam, nispa.

Juan 19:26

Jesusmi mamantawan kuyasqan discipulonta rikuruspan mamanta nirqa: Warmi, chayqaya wawayki, nispa.

Juan 21:20

Pedrom qepanta qawarispan rikururqa Jesuspa kuyasqan discipulon qatimuchkaqta. Paymi Pascuapi cenaptinku waqtanpi kaspa tapurqa: “Señorlláy, ¿mayqantaq traicionasunki?” nispa.

1~Corintios 16:13

Rikchan-rikchanllayá kaychik, iñiynikichikpi qaqa hina sayaychik, qarinchakuspayá allinta kallpan-chakuychik.

2~Corintios 12:9

Hinaptinmi Señor niwarqa: Kuyakuyniypiyá contentakuy, atiyniyqa mana kallpayuq runakunapim qawachikun, nispa. Chaymi mana kallpayuq kasqaymanta kusikuywan alabakuni, chaynapi Cristopa atiynin ñoqapi takyananpaq.

Efesios 6:10

Chaynaqa, wawqe-panillaykuna, Señorninchikpa tukuy atiyninpi kallpanchakuychik.

2~Timoteo 2:1

Churilláy Timoteo, Cristo Jesuspa kuyakuyninwan kallpanchakuy.

Josué 1:9

Ñoqam kamachiki kallpanchakunaykipaq chaynataq qarinchakunaykipaq. Amayá manchakuychu nitaq hukmanyaychu, ñoqa Señorniki Tayta Diosmi mayta riptikipas qanwan kasaq, nispa.

Apocalipsis 1:17

Rikuruspaymi ñawpaqninman wañusqa hina wichiykurqani, hinaptinmi alleq makinwan llapchaykuwaspan niwarqa: Ama manchakuychu, “Ñoqam kani Punta kaqpas, Qepa kaqpas

Jueces 6:23

Ichaqa Tayta Diosmi nirqa: Ama manchakuychu, hawkalla kay, manam wañunkichu, nispa.