Daniel 1:7 - CHUYA QELLQA La Biblia en Quechua de Ayacucho 2012

⁷ Paykunatam palaciopi servikuqkunapa jefen suticharurqa: Danielta Beltsasarwan, Ananiasta Sadracwan, Misaelta Mesacwan, Azariastañataq Abed-negowan.

Quechua Ayacucho Bible 1987

⁷ Paykunapa sutintam chay palaciopi servikuqkunapa jefen tikrarurqa. Danielpa sutinmi karqa Beltsasar, Ananiaspa sutinmi karqa Sadrac, Misaelpa sutinmi karqa Mesac, Azariaspa sutinñataqmi karqa Abed-nego.

Chuya Qellqa 1992

⁷ Paykunatam palaciopi servikuqkunapa jefen suticharurqa: Danielta Beltsasarwan, Ananiasta Sadracwan, Misaelta Mesacwan, Azariastañataq Abed-negowan.

Daniel 1:7 Iomraidhean Croise

Génesis 41:45

Joseytam Faraón suticharqa “Zafnat-panea” nispan. Casarachirqañataqmi On llaqtapi sacerdote Potiferapa warmi churin Asenatwan, chaynapim Joseyqa Egipto nacionpi allin reqsisqa karqa.

2~Reyes 23:34

Hinaspanmi Faraón Necaoqa rey kananpaq Josiaspa huknin churin Eliaquimtaña churarurqa, chaynapi taytanpa rantinpi munaychakunanpaq. Rey Eliaquimpa sutintam Joacinman tikrarurqa. Joacaztañataqmi Egipto nacionman pusaruptin chaypi wañukurqa.

2~Reyes 24:17

Chaymantam Babilonia nacionpa reyninqa, Jerusalén llaqtapi rey kananpaq Joaquinpa rantinpi tion Mataniastaña churarurqa. Mataniaspa sutintam Sedequiasman tikrarurqa.

Daniel 1:19

Paykunawan rey rimaspanmi, wa-kin jovenkunapiqa mana hukllatapas tarirqachu Danielta, Ananiasta, Misaelta hinaspa Azariasta hinaqa. Chaynapim paykunaqa reypa serviqninña kanankupaq akllasqa karqaku.

Daniel 1:3

Chaymantam rey Nabucodonosorqa palacionpi serviqninkunapa jefen Aspe-nazta kamachirqa Israel reykunapa mirayninmanta chaynataq ancha reqsisqa runakunapa mirayninmanta jovenkunata pusananpaq.

Daniel 10:1

Persia nacionpi rey Ciro kimsa wataña munaychakuchkaptinmi, Beltsasarwan sutichasqa Daniel huk cheqap revelacionta chaskirqa, ichaqa sasa entiendeymi karqa. Danielmi ichaqa chay revelacionpa imam ninantapas allinta entiendeykurqa.

Daniel 2:26

Hinaptinmi Beltsasar sutiyuq Danielta rey tapurqa: ¿Yaqachum imam mosqorusqaytawan imam ninanta willaykuwankiman? nispa.

Daniel 2:49

Chaymantam reyta Daniel mañakurqa Sadracpaq, Mesacpaq hinaspa Abed-negopaq, hinaptinmi paykunata Babilonia lawpi kamachikuqkuna kanankupaq rey churarqa; Danielñataqmi reypa palacionpi qeparqa.

Daniel 4:5

Ichaqa camaypi puñuykuspaymi mancharikuypaqta mosqokururqani, chaymi pensamientopa intusqan hukmanyarurqani.

Daniel 4:8

Hamurqataqmi diosniypa sutinwan sutichasqa Beltsasar sutiyuq Danielpas, paypiqa chuya dioskunapa espiritunmi kawsakuchkan, paymanmi mosqorusqayta willarqani kaynata:

Daniel 5:12

Sutinmi Daniel, paytam Beltsasarwan abueloyki suticharqa, payqa kachkan admirakuypaq espirituyuqmi, yachaypapas hinaspa yuyaypapas huntaykusqanmi; yachantaqmi mosqoykunapa chaynataq sasa entiendena watuchikunapa imam ninantapas. Payqa sasachakuykuna allichaytapas atinmanmi. Chaynaqa, Danieltayá qayamuychik, paymi chay qellqapa imam ninantaqa willasunkichik, nispa.