Daniel 1:1 - CHUYA QELLQA La Biblia en Quechua de Ayacucho 2012

¹ Judá nacionpi rey Joacim kimsa wataña kamachikuchkaptinmi, Babilonia nacionpa reynin Nabucodonosor Jerusalén llaqtapa contranpi hamurqa, hinaspam campamentonta llaqtapa muyuriqninpi hatarirachirqa.

Quechua Ayacucho Bible 1987

¹ Juda nacionpa reynin Joacim kimsa watamanña gobiernachkaptinmi Babilonia nacionpa reynin Nabucodonosor hamurqa Jerusalen llaqtapa contranpi hinaspam llaqtapa muyuriqninpi campamentonta churarurqa.

Chuya Qellqa 1992

¹ Judá nacionpi rey Joacim kimsa wataña kamachikuchkaptinmi, Babilonia nacionpa reynin Nabucodonosor Jerusalén llaqtapa contranpi hamurqa, hinaspam campamentonta llaqtapa muyuriqninpi sayarachirqa.

Daniel 1:1 Iomraidhean Croise

2~Reyes 23:36

Rey Joacimqa iskay chunka pichqayuq watanpim munaychakuyta qallaykurqa, chunka hukniyuq watam Jerusalén llaqtapi munaychakurqa. Mamanmi karqa Ruma llaqtayuq Pedaiaspa churin Zebuda.

2~Reyes 24:13

Nabucodonosormi hurqorurqa, Tayta Diospa templonmanta chaynataq rey Joaquinpa palacionmanta, qorimanta qollqemanta kaqkunata. Pakiparurqataqmi Tayta Diospa nisqanman hina, Tayta Diospa templonpaq Israel nacionpa reynin Salomonpa ruwachisqan qorimanta serviciokunatapas.

Isaías 39:7

Miraynikikunatapas Babiloniamanmi reyta servimunankupaq apanqaku, nispa.

Jeremías 25:1

Josiaspa churin rey Joacim Judá nacionpi tawa wataña munaychakuchkaptinmi chaynataq Babilonia nacionpa reynin Nabucodonosorpas wataña munaychakuchkaptinmi, Judá nacionpa contranpi Jeremiasta Tayta Dios rimapayarqa.

Jeremías 35:1

Judá nacionpi Josiaspa churin rey Joacim munaychakuchkaptinmi, Jeremiasta rimapayaspan Tayta Dios nirqa:

Jeremías 35:11

Ichaqa Babilonia nacionpa reynin Nabucodonosor kay nacionpa contranpi hamuruptinmi ninakurqaniku: Caldea tropakunamanta chaynataq Siria tropakunamanta lluptikunanchikpaq Jerusalén llaqtaman ayqekusun, nispayku. Chayraykum kay Jerusalén llaqtapi yachachkaniku, nispanku.

Jeremías 36:1

Judá nacionpi Josiaspa churin rey Joacim tawa wataña munaychakuchkaptinmi Jeremiasta Tayta Dios nirqa:

Jeremías 45:1

Josiaspa churin rey Joacim tawa wataña Judá nacionpi munaychakuchkaptinmi, Jeremiaspa nisqanta Neriaspa churin Baruc qellqachkarqa, hinachkaptinmi Baructa Jeremías nirqa:

Jeremías 50:1

Babilonia nacionpa chaynataq Caldea runakunapa contranpim Jeremiasnintakama Tayta Dios kaynata nirqa:

Jeremías 52:12

Babilonia nacionpa reynin Nabuco-donosor chunka isqonniyuq wataña munaychakuchkaptinmi pichqa kaq killapa chunka kaq punchawninpi, Jerusalén llaqtaman chayaramurqa reyta waqaychaq soldadokunapa kamachiqnin Nabuzaradán.

Jeremías 52:28

Qanchis wataña rey Nabucodonosor munaychakuchkaspanmi, Judá nacionmanta kimsa waranqa iskay chunka kimsayuq runakunata presota aparqa.

Daniel 5:13

Qayllanman Danielta pusaruptinkum rey tapurqa: ¿Qamchu kachkanki abueloy Nabu-codonosorpa Judá nacionmanta preso pusamusqan Daniel?