Colosenses 2:4 - CHUYA QELLQA La Biblia en Quechua de Ayacucho 2012

⁴ Kaykunataqa nimuchkaykichik sumaqllataña rimasqankuwan ama pipas engañasunaykichikpaqmi.

Quechua Ayacucho Bible 1987

⁴ Kaykunataqa nimuchkaykichik suma-sumaqllataña rimasqankuwan ama pipas engañasunaykichikpaqmi.

Chuya Qellqa 1992

⁴ Kaykunataqa nimuchkaykichik sumaqllataña rimasqankuwan ama pipas engañasunaykichikpaqmi.

Colosenses 2:4 Iomraidhean Croise

1~Juan 4:1

Kuyasqallaykuna, amayá Diospa espiritunpa huntasqanmi kani niqkunapiqa creeychikchu, aswanqa allintayá qatipaykuychik Diospa otaq Satanaspa kasqanta yachanaykichikpaq. Achkallañam kay pachapi pantachikuq profetakuna rikuriramunku.

Efesios 4:14

manam kasunqa warmakuna hinañachu, warmakunaqa hukta-hukta creeruspankum wayrawan apachikuchkaq hina runakunapa yachachisqanwan apachikunku, paykunataqa sakri runakunam sumaqllataña rimaspa pantachin.

Mateo 24:4

Jesusñataqmi nirqa: Allintayá cuidakuychik, yanqataq pipas pantachisunkichikman.

2~Juan 1:7

Achkaq pantachikuqkunam kay pachapi purichkanku, paykunaqa Jesucristopa runa kayninpi hamusqantapas negankum, chayna yachachiqkunaqa pantachikuqmi hinaspa anticristom.

Marcos 13:22

Cristo tukuqkunawan profeta tukuqkunam rikurimunqaku, hinaspam admirakuypaq milagrokunata ruwaspanku Diospa akllasqan kaqkunatapas engañanqaku.

Apocalipsis 20:8

hinaspam lloqsimunqa kay pachapi llapallan nacionkunata engañananpaq. Gogtawan Magogtapas engañaspanmi paykunapa tropankunata guerrapaq huñunanqa, chay tropakunaqa lamar qochapa patanpi aqo hina manaña yupay atinam kanqa.

2~Timoteo 3:13

Mana allin runakuna hinaspa engañakuq runakunam ichaqa aswan-aswanraq mana allinman chayanqaku, pantachispankum paykunapas pantachisqa kanqaku.

2~Timoteo 2:16

Mana respetowan yanqapas-yanqa rimaqkunataqa ama uyariychu, chayna rimaqkunaqa aswan-aswanmi Diosmanta karunchakunku.

Efesios 5:6

Amayá yanqakuna rimaqwanqa engañachikuychikchu, kaynakuna kasqanraykum Diospa piñakuyninqa mana kasukuqkunaman hamun.

Hechos 20:30

Qamkuna ukumantapas wakinkunam hatarinqaku, paykunam iñiqkuna qatinanta munaspanku llullakunata yachachinqaku.

Apocalipsis 20:3

Paytam tutayaq ukuman wischuykurqa, hinaspam punkunta wichqaruspan sellota churarurqa waranqa wata pasanankama, chaynapi nacionkunatapas amaña engañananpaq. Waranqa wata pasaruptinñataqmi pisi tiempollapaq kacharisqa kanqa.

Apocalipsis 13:8

Chay manchakuypaq animaltam kay pachapi llapallan yachaqkuna otaq Corderopa kawsay libronpi sutinku mana qellqasqa kaqkuna yupaycharqaku. Chay Corderoqa manaraqpas kay pacha unanchasqa kachkaptinmi wañunanpaq citasqaña karqa.

Apocalipsis 12:9

Chaynapim chay hatun dragonqa wischumusqa karqa. Payqa ñawpaqmantaraq Diablowan hinaspa Satanaswan sutichasqa maqta urum. Paymi kay pachapi llapallan runakunata engañan. Paymi angelninkunapiwan kay pachaman wischumusqa karqa.

1~Juan 2:26

Qamkunata pantachiy munaqkunamantam qellqamuchkaykichikqa.

1~Juan 2:18

Kuyasqay churillaykuna, ñam tukupay tiempopiña kachkanchik. Anticristopa hamunanmantaqa ñam uyarirqankichikña, chaymi kunanqa achkallaña anticristokuna rikuriramunku, chaynapim yachanchik tukupay tiempoña kasqanta.

Colosenses 2:18

Premioykichiktaqa amayá qechurachikuychikchu uchuychakuq tukuspa angelkuna yupaychaqkunawanqa, paykunaqa revelacionta chaskiq tukuspankum aychaman hina piensasqallankuwan yanqapaq hatun tukurunku.

Colosenses 2:8

Chaynaqa, cuidakuychikyá, amayá engañachikuychikchu yachayninkumanta rimaqkunawanqa hinaspa yanqakunalla rimaqkunawanqa, paykunaqa runakunapa costumbrenman chaynataq kay pachapi atiyniyuqkunallaman hapipasqam kachkanku, manam Cristomanchu.

Gálatas 2:4

Chaywanpas wakin runakunam iñiqmasinchik tukuspanku yaykuramurqaku, tukuy ima ruwasqaykuta wateqawanankupaq, hinaspam Jesucristo librawasqanchikta mana munaspa llumpay sasa kamachikuykuna kasukunaykuta munarqaku.

2~Corintios 11:3

Ichaqa engañasqa kanaykichikmantam manchakuchkani, maqta urum sakrillaña kasqanrayku Evata engañarurqa, chaynam qamkunapas Cristoman chuya sonqo kasqaykichikmanta pantachisqa kawaqchik.

1~Corintios 2:4

Diosmanta willakuspayqa manam runakunapa yachayninman hinachu nitaq sumaq rimayman hinachu iñichiyta munarqani. Aswanqa iñichirqaykichikqa Chuya Espiritupa atiyninwanmi.

Mateo 24:24

Chay punchawkunapiqa cristo tukuqku-nawan profeta tukuqkunam hatarimunqaku, hinaspam admirakuypaq milagrokunatawan señalkunata ruwan-qaku, chaykunawanmi Diospa akllasqan kaqkunatañapas pantachinqaku.

Efesios 4:17

Señorninchikpa sutinpim nikichik: Amañayá Dios mana reqsiq runakuna hinaqa kawsaychikchu, paykunaqa mana allin piensasqankuman hinallam kawsachkanku.