Colosenses 2:2 - CHUYA QELLQA La Biblia en Quechua de Ayacucho 2012

² Chaytam ruwani sonqoykichikpi kallpan-chakunaykichikpaq hinaspa kuyakuypi huklla kaspa tukuy yachaypa huntasqan kanaykichikpaq chaynataq Dios Taytapa hinaspa Cristopa tukuy pakasqa kaqkunata reqsinaykichikpaq.

Quechua Ayacucho Bible 1987

² Tukuy ima rurasqayqa paykuna kallpanchakunankupaqmi, chullalla hina kuyanakunankupaqmi hinaspa tukuy allin kaqta entiendenankupaqmi chaynapi ñawpaq pakasqa kaq Cristota reqsinankupaq.

Chuya Qellqa 1992

² Chaytam ruwani sonqoykichikpi kallpachakunaykichikpaq hinaspa kuyakuypi huklla kaspa tukuy yachaypa huntasqan kanaykichikpaq chaynataq Dios Taytapa hinaspa Cristopa tukuy pakasqa kaqkunata reqsinaykichikpaq.

Colosenses 2:2 Iomraidhean Croise

1~Reyes 3:28

Israelpa mirayninkunam reypa allin arreglo ruwasqanta yacharurqaku, chayraykum anchata reyta respetarqaku, chaynapim qawarqaku Tayta Diospa yachay qosqanwan allinta munaychakusqanta.

Isaías 32:17

Allinkuna ruwaymi hawkayaytawan, hawka samakuyta hinaspa hawka kawsakuyta, wiña-wiñaypaq rurunqa.

Isaías 40:1

Yupaychasqaykichik Tayta Diosmi kaynata nin: Llaqtayta consuelaychik, runaykunata kallpanchaychik.

Isaías 53:11

Ñakarisqanpa rurunta qawaspam sinchita kusikunqa; Tayta Diospa serviqninmi achkaqta mana huchayuqtaña ruwanqa, paykunapa mana allin ruwasqankutam apanqa.

Jeremías 9:24

Pipas alabakuyta munaspaqa alabakuchun ñoqa reqsiwasqanmanta, ñoqa Tayta Dios kasqayta yachasqanmanta, kuyapayakuywan allin arreglo ruwaq kasqaymanta, kay pachapi allinkuna ruwaq kasqaymanta; chayna ruwaytam ñoqaqa munani. Ñoqa Tayta Diosmi chaynata nini.

Mateo 11:25

Chay tiempopim, Taytanta mañakuspan Jesús nirqa: Hanaq pachapipas kay pachapipas munaychakuq Taytalláy, yachayniyuqkunamantawan yuyayniyuqkunamanta pakaykuspaykim, wawakunaman kaykunata reqsichirqanki, chayraykum yupaychayki.

Mateo 11:27

Taytaymi tukuy imakunata qoykuwarqa. Churitaqa manam pipas allintaqa reqsinchu aswanqa Taytallanmi, Taytataqa manataqmi pipas reqsinchu aswanqa Churillanmi hinaspa Churinpa reqsichisqan kaqkunallam.

Mateo 13:11

Chaymi payñataq nirqa: Diosmi qamkunamanqa munaycha-kuyninpi pakasqa kaqkunata yachachisunkichik, paykunamanmi ichaqa mana reqsichinchu.

Lucas 1:1

Ancha kuyasqay Teófilo, achkaq-ñam qellqayta qallaykunku ñoqay-ku ukupi tukuy imam pasakusqan-manta, paykunam qellqarqaku qalla-riyninmantapuni Jesuswan kuska kaqkunapa imam willawasqankuta. Paykunatam Jesús kamachirqa evangelionta willakamunankupaq. Chaymi ñoqapas tukuy imakunam pasakusqanmanta sumaqta qatipaykuspay imam kaqta qellqamuyki,

Juan 10:30

Taytaywanqa hukllam kaniku.

Juan 10:38

sichum ruwaptiyqa manaña ñoqapi creespaykichikpas ruwasqaykunapiyá creeychik, chaynapim Taytawanqa huklla kasqayta yachankichik.

Juan 16:15

Taytapa kaqkunaqa ñoqapam, chayraykum nirqaykichik: “Espirituqa ñoqamanta chaskisqantam qamkunaman willasunkichik, nispay”.

Juan 17:3

Wiñay kawsayqa kaymi: Sapallan cheqap Dios kasqaykita hinaspa kachamusqayki Jesucristota reqsiymi.

Juan 5:17

Jesusmi ichaqa nirqa: Taytayqa kunankamam llamkachkan, ñoqapas llamkachkanitaqmi, nispa.

Juan 5:23

chaynapi Taytata yupaychasqankuta hina Churitapas yupay-chanankupaq. Churita mana yupaychaqqa manam kachamuqnin Taytatapas yupay-chanchu.

Juan 6:69

Ñoqaykuqa ñam creenikuña, yachanikutaqmi kawsaq Diospa Churin kasqaykitapas, nispa.

Hechos 4:32

Lliw iñiqkunam huk sonqolla kaspanku huk runa hinalla karqaku, manam pipas ima kapuqninkutapas “ñoqallapam” niqkuchu, aswanqa tukuy imankupas lliwchankupaqmi karqa.

Romanos 15:13

Confianzawan suyasqanchik Dios-ninchikyá haykam paypi iñiqkunata kusikuywan hinaspa hawkayaywan huntaykusunkichik, chaynapi Chuya Espiritupa atiyninwan aswan-aswan confiakuspa suyanaykichikpaq.

Romanos 16:25

Jesucristomanta allin noticiakunata willaspay yachachisqayman hina Diosninchik qaqata hina takyachisunkichik. Kaykunaqa kachkan ñawpaqmantaraq pakasqa kaqkunata kunan reqsichiwasqanchikman hinam. Chaynaqa, ¡payllatayá yupaychasun!

Romanos 2:4

¿Icha Diospa hatu-hatun kuyakuynintawan pacienciantachu wischupakunki? ¿Manachu yachanki paypa kuyakuyninqa wanakuyman pusasusqaykita?

1~Corintios 14:31

Chaynapim llapallaykichik profetizaspaqa sapakama rimankichik uyariqkuna yachanankupaq hinaspa kallpanchakunankupaq.

1~Corintios 2:12

Ñoqanchikpas manam kay pachapi espiritutachu chaskirqanchik, aswan-qa Diosmanta hamuq Espirituntam, chaynapi Diospa kuyakuyninman hina qowasqanchikta yachananchikpaq.

Gálatas 3:28

Jesucristopiqa hukllañam kanchik, manam imananchu judío kaypas otaq mana judío kaypas, esclavo kaypas otaq mana esclavo kaypas, qari kaypas otaq warmi kaypas.

Efesios 1:7

Diosmi kuyawaspanchik Churin Jesu-cristopa yawarninwan huchanchikkunata pampachaykuwaspanchik libra-warqanchik.

Efesios 3:16

Taytanchiktam mañakuchkani hatu-hatun kayninman hina Espiritunpa atiyninwan sonqoykichikta kallpanchananpaq.

Efesios 3:3

Diosmi pakasqa kaqkunata reqsichiwarqa, chaykunamantaqa ñawpaqtaraqmi asllatapas qellqamurqaykichikña.

Efesios 6:22

Paytaqa ka-chamuchkani imaynam kasqaykumanta willasuspaykichik sonqoykichikta tiyaykachinanpaqmi.

Filipenses 2:1

Sichum Cristopuni kallpanchasuptikichikqa, sichum kuyasuspaykichik sonqoykichikta tiyaykachiptinqa, sichum Espiritupas qamkunawan kachkaptinqa chaynataq qamkunapas llakipayarikuspa kuyakuqllaña kaspaykichikqa

Filipenses 3:8

Manataqmi chayllachu, aswanqa Señor Jesucristota reqsinayraykum tukuy imata mana valeqpaqña hapini, pay kuyasqayraykutaqmi tukuy imatapas wischuruniña, hinaspam qopata hinaña hapini chaynapi Cristota chaskinaypaq,

Colosenses 1:26

Chay pakasqa hina palabrankunataqa ñawpaq-ñawpaqmantaraqmi mana pipas yacharqachu, kunanmi ichaqa chay ñawpaq pakasqa kaqta payllapaqña kawsaqkunaman reqsiykachinña.

Colosenses 1:27

Chay pakasqa kaqtaqa Diosmi mana judío kaqkunamanpas reqsichiyta munarqa, chay pakasqa kaqqa qamkunapi Cristopa kawsasqanmi, chayraykum wiñaypaq kawsakuyta suyachkankichik.

Colosenses 1:9

Chaymi yachaykusqayku punchaw-mantapacha ñoqaykupas Dios Tay-tanchikta mana pisipaspa mañapuch-kaykiku, chaynapi imam paypa munas-qanta entiendenaykichikpaq, yachay-niyuq kanaykichikpaq hinaspa Espi-ritumanta kaqkunata lliw reqsinaykichikpaq.

Colosenses 2:19

Paykunaqa manam Cristoman hukllawasqachu kachkanku, ñoqanchikmi ichaqa cuerpon kanchik payñataqmi umanchik, cuerponchikqa moqokunawan hinaspa ankukunawan hukllaman huñusqam kachkan, chaynatam ñoqanchiktapas Cristo hukllawaruwanchik hinaspam wiñachiwanchik Diospa munasqanman hina.

Colosenses 3:14

Tukuymanta llalliqtaqa kuyakuywanyá pachallikuychik, kuyanakuymi allin huklla kaytaqa ruwawanchik.

Colosenses 4:3

Mañakuychiktaqyá ñoqaykupaqpas, punkuta Señorninchik kichananpaq, chaynapi Cristomanta pakasqa allin noticianta willakamunaykupaq, chayraykum ñoqapas preso kachkani.

Colosenses 4:8

Chaymi imaynam kasqaykumanta willasunaykichikpaq qamkunaman kachamuni hinaspa qamkunata kallpanchasunaykichikpaq.

1~Tesalonicenses 1:5

Qamkunaman Cristomanta allin noticia willasqaykutaqa manam rimayllachu-rimarqaniku, aswanqa Chuya Espiritupa atiyninwanmi chayachimurqaykiku, ñoqaykupas cheqappaq hapispaykum willarqaykiku. Yachasqaykichikpi hinapas qamkunata kuyaspam allinta kawsarqaniku.

1~Tesalonicenses 3:2

Hinaspam wawqenchik Timoteota kachamurqaykiku. Paymi Diosta servispa Jesucristomanta allin noticia willakuypi yanapawanku. Paymi iñiynikichikpi qaqa hina sayanaykichikpaq kallpanchasunkichik,

1~Tesalonicenses 5:14

Wawqe-panillaykuna, ruegakamuy-kikum qellakunatapas qaqchanaykichikpaq, hukmanyasqakunatapas kallpanchanaykichikpaq, mana kallpayuqkunatapas yanapanaykichikpaq hinaspa llapallanwanpas pacienciakunaykichikpaq.

1~Timoteo 3:16

Mayna hatunmi Diosman iñinanchikpaq pakasqa kaqkuna qawachiwasqanchikqa: “Diosmi runayarurqa, Espíritu yanapaptinmi acusaqninkunata vencerqa, payqa angelkunapa qawasqanmi karqa, llapallan nacionkunapim willakusqa karqa, kay pachapi kaqkunapa iñisqanmi karqa, hanaq pachapipas chaskisqam karqa”.

Hebreos 10:22

Chaynaqa, cheqap sonqowanyá ama iskayrayaspa, cheqap iñiywan, huchakunamanta sonqonchikpas chuyanchasqa chaynataq cuerponchikpas chuya yakuwan mayllasqayá Diosninchikman asuykusunchik.

Hebreos 6:11

Aswanqa munachkanikum kawsanaykichikkamaqa sapakama hina chayna kallpanchakuyllawan kanaykichikta, chaynapi suyasqaykichikta chaskinaykichikpaq.

2~Pedro 1:10

Wawqe-panillaykuna, sichum Dios qayasurqankichik hinaspa akllasurqankichik, hinaptinqa qaqa hinayá sayaychik. Chaynata ruwaspaykichikqa manam haykapipas wichinkichikchu.

2~Pedro 1:3

Diosmi atiyninwan tukuy ima munasqanchikta kawsananchikpaq hinaspa servinanchikpaq qowarqanchik. Chaytaqa qowarqanchik hatun atiyninwan sumaq sonqo kayninwan pim qayawaqninchikta reqsichiwananchikpaqmi.

2~Pedro 3:18

Aswanqa salvaqninchik Señor Jesucristopa kuyakuyninpi wiñaspayá aswan-aswan payta reqsiychik. ¡Paytayá kunanmanta wiña-wiñaykama yupaychasun! Amén.

1~Juan 3:19

Kaywanmi yachanchik cheqap kaqpa kasqanchikta, hinaspam paypa ñawpaqninpi confianzallawanña kasunchik.

1~Juan 5:7

Kay kimsankum testigo kanku. [Hanaq pachapi Dios Tayta, Dios Churi, Dios Chuya Espíritu, kay kimsanmi huklla kanku].