Cantares 8:5 - CHUYA QELLQA La Biblia en Quechua de Ayacucho 2012

⁵ ¿Pitaq wak warmiqa kuyay yananman hapipakuykuspa chunniqmanta hamuchkan? Manzana sachapa sikinpim rikchachirqayki, chaypim mamayki dolorwan hapichikurqa, chaypim mamayki wachakusurqanki.

Quechua Ayacucho Bible 1987

⁵ ¿Pitaq chunniqmanta hamuq wak warmiqa? ¿Pitaq wak kuyay-yananman hapipakuykuspa hamuqqa? Manzana sachapa sikinpim rikchachirqayki. Chaypim dolorwan hapichikurqa qampa mamayki. Chaypim dolorwan hapichikuspa wachakusurqanki.

Chuya Qellqa 1992

⁵ ¿Pitaq wak warmiqa kuyay yananman hapipakuykuspa chunniqmanta hamuchkan? Manzana sachapa sikinpim rikchachirqayki, chaypim mamayki dolorwan hapichikurqa, chaypim mamayki wachakusurqanki.

Cantares 8:5 Iomraidhean Croise

2~Crónicas 32:8

Payqa runakunapa kallpallanwanmi kachkan, ñoqanchikwanmi ichaqa Tukuy Atiyniyuq Diosninchik kachkan, peleaptinchikqa paymi yanapawasun, nispa. Hinaptinmi Judá nacionpa reynin Ezequiaspa nisqanwan llapa runakuna kallpanchakururqaku.

Cantares 2:3

Imaynam purun sachakunapa chawpinpi manzana, chaynam kuyakusqaypas jovenkunapa chawpinpi. ¡Mayna sumaqmi llantuyninpi tiyaykuyniyqa! ¡Mayna miskim rurunpas mikuykuptiyqa!

Cantares 3:11

Sión llaqtapi sipaskuna, lloqsimuychik, rey Salomontayá qawariychik casarakunan punchawpaq, sinchi kusikunan punchawpaq mamanpa ruwapusqan coronawan churasqata.

Cantares 3:4

Paykunamanta rakikuykuspallaymi ancha kuyasqayta tarirurqani. Makinmanta hapikuruspaymi mamaypa wasinman pusanaykama, wachakuwaqniypa wasinman pusanaykama, mana kachaykurqanichu.

Cantares 3:6

¿Pitaq wak, chunniqmanta qespimuchkan? Qosni hinaraq, mirrapa inciensopa asnayninwan, tukuy rikchaq olorkunawan perfumasqallaña.

Cantares 4:8

Warma yanachalláy, Líbano orqomantayá uraykusunchik, Líbano orqomantayá kuskanchik uraykusun. Amana sutiyuq orqopa puntanmantayá qawariy, Senir orqomantayá, Hermón orqomantayá qawariy; leonkunapa, leopardokunapa uchkunmantayá qawariy.

Cantares 6:10

¿Pitaq wak warmiqa tutapay inti hinaraq kancharimun? Killa hina kuyayllapaqmi, inti hina kancharichkaqmi, guerraman lloqsiq tropakuna hina qawapasmi.

Cantares 8:1

Amalaya ñoqapa turiy kawaq, mamaypa ñuñunwan qespichisqa, callepi tupaspa muchaykuptiy mana pipas burlakuwananpaq.

Isaías 36:6

¿Pakisqa soqos tawna hina Egipto nacionpichu hapipakuchkanki? Chay soqos tawnaqa, tawnapakuqninpa makintapas pakikuruspanmi qellparunqa. Chay hinallam Egiptopi rey Faraonpas lliw paypi hapipakuqninkunapaqqa.

Isaías 40:3

Huk qayakuymi purunpi uyarikun kayna niq: “Tayta Diospa ñanninta allichaychik, Diosninchikpaq purunpi ñanta allichaychik.

Isaías 43:19

Ñoqam musoq kaqta ruwasaq, hichpallañam kachkan rikurimunanpaq ¿manachu musyankichik? Chunniqpim ñanta kichasaq, chaki allpakunapim mayukunata kallpachisaq.

Jeremías 2:2

Jerusalenpi runakunaman rispayki, allinta uyarinankupaq qaparispa kaynata nimuy, Tayta Diosmi kaynata nin: Sipas kaspa kuyawasqaykitam yuyarini, casararuptiy kuyawasqaykitam yuyarini, mana imapa kanan chunniqninta qatiwasqaykitam yuyarini.

Oseas 12:4

Angelwan peleaspam kallpanman hina vencerurqa, bendeciykunanpaqmi weqenwan mañakurqa, Diospas Bet-elpi tariruspanmi payta rimapayarqa.

Miqueas 3:11

Kamachiqninkunapas pagollapaqmi kamachikunku, sacerdotenkunapas qollqellapaqmi yachachikunku, profetakunapas qollqellapaqmi profetizanku, Tayta Diosman hapipakuq tukuspankum kaynata ninku: Diosmi ñoqanchikwan kachkan, manam ima sasachakuypas chayamuwasunchu, nispanku.

Juan 13:23

Huknin discipulonmi karqa Jesuspa llumpay kuyasqan, paymi waqtanpi kachkarqa.

Romanos 7:4

Wawqe-panillaykuna, chaynam qamkunapas Cristoman hukllawa-kuspaykichikqa leypaqa wañurunkichikña, wañusqanmanta kawsari-muq Jesucristowan hukllaña kanay-kichikpaq, chaynapi Diosllataña servinanchikpaq.

Gálatas 4:19

Churillaykuna, huktawanmi qamkunamanta wachakuq warmi hina ñakarichkani. Chaynachiki ñakarisaq Cristoman rikchakuq kanaykichikkama.

1~Pedro 1:21

Señorninchik Jesucristontakamam Diospiqa iñinkichik, paymi wañuqkuna ukumanta Cristota kawsarichimuspan hatuncharqa, chaynataqa ruwarqa iñiynikichik hinaspa imapas suyasqaykichik Diosllapiña kanapaqmi.

Apocalipsis 12:6

Warmiñataqmi Diospa alistapusqan chunniqman ayqekurqa, chaypi waranqa iskay pachak soqta chunka punchaw uywasqa kamunanpaq.