Cantares 7:4 - CHUYA QELLQA La Biblia en Quechua de Ayacucho 2012

⁴ Kunkaykipas, marfilmanta ruwasqa torre hinam; ñawikikunapas, Hesbón llaqtapi Bat-rabimpa punkunpi iskay estanquekuna hinam. Sinqaykipas, Damasco llaqtaman qawaq Líbano lawpi torre hinam.

Quechua Ayacucho Bible 1987

⁴ Kunkaykipas elefantepa waqonmanta rurasqa torre hinam. Ñawikikunapas Hesbon llaqtapi iskay estanquekuna hinam, Bat-rabim zaguanpa ladonpi iskay estanquekuna hinam. Senqaykipas Damasco llaqtaman qawaq Libano lawpi torre hinam.

Chuya Qellqa 1992

⁴ Kunkaykipas, marfilmanta ruwasqa torre hinam; ñawikikunapas, Hesbón llaqtapi Bat-rabimpa punkunpi iskay estanquekuna hinam. Sinqaykipas, Damasco llaqtaman qawaq Líbano lawpi torre hinam.

Cantares 7:4 Iomraidhean Croise

Génesis 15:2

Chaymi Abram nirqa: Dios Taytalláy, ¿imapaqtaq imatapas qowankiman mana churiyuq kachkaptiyqa? Wasiypiqa kachkan Damascomanta kaq mayordomoy Eliezerllam.

2~Samuel 8:6

Hinaspam rey Davidqa tropankunata churarurqa Damasco law Siria nacionpi, chaymi Siria nacionniyuq runakunaqa Davidta servispanku impuestota pagarqaku. Chaynatam rey Davidta mayman peleaq riptinpas Dios vencechirqa.

1~Reyes 10:18

Tiyanan tronontapas marfilmantam ruwachirqa, hinaspam qoriwan llusichirqa.

1~Reyes 10:22

Rey Salomonpa barconkunawan rey Hirampa barconkunam sapa kimsa watamanta qorita, qollqeta, marfilta, monokunata hinaspa pavo realkunata Tarsis lawmanta apamuqku.

1~Reyes 22:39

Acabpa imaynam kawsasqanpas, imakunam ruwasqanpas, marfilmanta palacio ruwachisqanpas chaynataq llaqtakuna ruwachisqanpas Israel nacionpi reykunapa vidanmanta willakuq libropim qellqasqa kachkan.

1~Reyes 7:2

Ruwarqataqmi “Líbano monte” sutiyuq palaciontapas. Chay palaciopa largonmi karqa tawa chunka pichqayuq metro, anchonñataqmi iskay chunka iskayniyuq metro parten, sayayninñataqmi chunka kimsayuq metro parten. Pilarninkunam karqa cedro qerukunamanta tawa seqe. Chay pilarkunam takyachirqa cedromanta chakakunata.

1~Reyes 9:19

chaynataq kawsay waqaychana llaqtakunatapas, guerrapaq carretakuna waqaychana llaqtakunatapas hinaspa guerrapaq caballokuna uywana llaqtakunatapas. Ruwachirqataqmi Jerusalén llaqtapi, Líbano orqokunapi hinaspa lliw munaychakusqan allpapi llapa ima ruway munasqantapas.

2~Crónicas 8:6

Musoqmantam ruwachirqa Baalat llaqtatawan kawsaykuna waqaychana llaqtakunatapas, carretakunatawan caballokunata waqaychana llaqtakunatapas. Ruwachir-qataqmi Jerusalén llaqtapi, Líbano lawpi hinaspa lliw munaychakusqan allpapi llapa tukuy ima ruway munasqantapas.

Cantares 1:10

¡Ima sumaqmi aretekikunapa chawpinpi uyaykipas! ¡Mayna kuyayllapaqmi collarnikikunapa chawpinpi kunkaykipas!

Cantares 4:1

¡Kuyakusqalláy, mayna kuyayllapaqmi qamqa kanki! ¡Llumpay kuyayllapaqmi qamqa kanki! Ñawikikunapas veloykipa qepanpi pakakuq palomakuna hinaraqmi, chukchaykipas Galaad law orqonkunapi pawaykachaq cabrakuna hinaraqmi.

Cantares 4:4

Kunkaykipas, suma-sumaq rumikunamanta Davidpa ruwachisqan torre hinaraqmi; chaypim waranqa escudokuna warkurayachkan, chay escudokunaqa, qari-qari soldadokunapa guerrapi peleanan escudokunam.

Cantares 4:5

Ñuñuykikunapas paris luwichukuna kaqllam, amanqay waytakunapa chawpinpi mikuq luwichukuna hinam.

Cantares 6:5

Ñawichaykita suchuchiy ñoqamanta llumpaytañam presocharuwan, chukchaykikunapas Galaadpa qechqankunata pukllastin uraykamuchkaq cabrakuna hinam.

Isaías 54:4

Ama manchakuychu, manam penqaypichu kanki, ama pinqakuychu manam kamisqachu kanki; warma kaspa penqaypi kasqaykitapas qonqankiñam, viuda kaspayki kamisqa kasqaykitapas manam yuyarinkiñachu.

Hebreos 5:14

Mikuyqa yuyayniyuqkunapaqmi, paykunaqa entiendeqña kaspankum allin kaqtapas hinaspa mana allin kaqtapas reqsinku.