Cantares 7:13 - CHUYA QELLQA La Biblia en Quechua de Ayacucho 2012

¹³ Mandrágoras plantakunapas miskillatañam asnarichkan, punkunchikpiqa tukuy rikchaq frutakunam kakuchkan, chaykunatam kuyakusqalláy qampaq pallapurqayki.

Quechua Ayacucho Bible 1987

¹³ Mandragoras plantam miskillataña asnarichkan. Punkunchikpim tukuy gustoyoq frutakuna kachkan. Qaynapas-kunanpas pallasqa frutakunam kachkan. Kuyay-yanalláy chaykunaqa qampaq huñusqam kachkan.

Chuya Qellqa 1992

¹³ Mandrágoras plantakunapas miskillatañam asnarichkan, punkunchikpiqa tukuy rikchaq frutakunam kakuchkan, chaykunatam kuyakusqalláy qampaq pallapurqayki.

Cantares 7:13 Iomraidhean Croise

Génesis 30:14

Rubenmi trigo rutuy tiempopi mandrágoras sutiyuq frutata chakrapi tarirurqa, hinaspam maman Leaman aparqa, hinaptinmi Leata Raquel nirqa: Ama hina kaspa wawaykipa apamusqan mandrágoras frutaykita qoykuway, nispan.

Cantares 2:3

Imaynam purun sachakunapa chawpinpi manzana, chaynam kuyakusqaypas jovenkunapa chawpinpi. ¡Mayna sumaqmi llantuyninpi tiyaykuyniyqa! ¡Mayna miskim rurunpas mikuykuptiyqa!

Cantares 4:13

Qamqa kanki: Miski ruruq granadakunapa ikllirinan huertam, azafrán waytapa, nardo waytapa wiñanan huertam,

Cantares 4:16

Hanay lawmanta pukumuq wayra ¡hatariy! Uray lawmanta pukumuq wayra, ¡kallpamuy! Miskillaña asnaynikichikta huertaypi pukuriychik. Kuyakusqalláy, huertaykimanyá hamukuy, miskillaña rurunkunatayá mikuykuy.

Cantares 6:11

Nogal sachakunapa kasqanmanmi uraykurqani wayqo patanpi verde sachakunata qawaykuq, uvaskuna ikllisqanta qawaykuq, granadakuna waytasqanta qawaykuq.

Cantares 8:1

Amalaya ñoqapa turiy kawaq, mamaypa ñuñunwan qespichisqa, callepi tupaspa muchaykuptiy mana pipas burlakuwananpaq.

Isaías 23:18

Ichaqa negociaspa ganakusqankum Tayta Diospaq sapaqchasqa kanqa, huñusqankutapas manañam waqaychanqakuñachu, aswanqa Tayta Diosta serviqkunamanña qoptinkum mikunankupaq achka mikuyta rantinqaku, pachakunankupaqmi fino pachankunata rantinqaku.

Mateo 13:52

Jesusñataqmi nirqa: Chayraykum Diospa munaychakuyninmanta allin yachachisqa Diospa leynin yachachiqkunaqa huk wasipa dueñonman rikchakunku, payqa tukuy kapuqninkuna waqaychasqanmantam musoqtapas otaq mawkatapas hurqomun, nispan.

Mateo 25:40

Hinaptinmi Reyñataq ninqa: “Cheqaptapunim nikichik, pipas kay waw-qeykunamanta taksan kaqllapaqpas ruwaspaykichikqa ñoqapaqmi ruwarqankichik”, nispan.

Juan 15:8

Taytaqa hatunchasqa kanqa achkata ruruptikichikmi, chaynapim qamkunaqa cheqap discipuloykuna kankichik.

1~Corintios 16:2

Sapakamayá ganasqaykichikman hina sapa domingo ofrendaykichikta huñuychik, chaynapi chayamuptiyraq ama huñuchkanaykichikpaq.

1~Corintios 2:9

Imaynam Qellqapa kayna nisqanman hina: “Diosmi kuyaqninkunapaq prepararqa, mana pipapas rikusqanta, mana pipapas uyarisqanta, mana pipapas piensasqanta”.

Efesios 5:9

Achkiypi kawsayqa sumaq sonqoyuq kaymi, allin kaqkuna ruwaymi, cheqapman hina kawsakuymi.

Filipenses 1:11

Jesu-cristom yanapasuchkankichik allin ruruchkaq sacha hina allinkunata rurunaykichikpaq, chaynapi Diosta yupaychaspa hatunchanaykichikpaq.

Colosenses 3:17

Tukuy imata ruwaspapas otaq rimaspapas Señor Jesuspa sutinpiyá ruwaychik, chaykunataqa ruwaychik Cristontakama Dios Taytaman graciasta qospa.

1~Pedro 4:11

Pipas rimaspaqa Diospa palabranman hinayá rimachun, pipas yanapaspaqa Diospa atiy qosqanman hinayá yana-pachun, tukuy ruwasqaykichikqa Jesu-cristopi Dios alabasqa kananpaqyá kachun. Diosqa atiyniyuq kasqanraykuyá wiña-wiñaypaq qapaqchasqa kachun. Amén.